زمن القلوب الحقيرة

البارت السابع عشر

زمن القلوب الحقيرة ١٧
علي البدر
البارت السابت عشر....
....
....
بقه الوضع بلبيت متكهرب وامي بقت ذاك اليوم تحجي وي وفية .....
ولج بس فهميني شلون اتجاسرتي وسويتي  هاي العملة ....
ولج جان كلتي لخاطر عمتي لخاطر عمي .لخاطر صافي .....

ووفيه بس تبجي وتكلها والله عمه بعد ماعيدها انه تورطت وغلطت ....ياربي خلصني من هالورطه ياااارب....

بعدين  امي كالت الها هسه كومي اخذي حجابج والبسي جبتج وامشي وياي ....

كالت الها وفيه عمه والله اموت هنا ما ارجع لبيت جدتي .....
والله اذا عرفت تموتني لو رحت الها.....

ماريد ارجع للفكر ....اذبحوني انتم ولاتودوني هناك...

كالت الها امي لاتخافين يمه وفيه انه احلها الج بس كومي وياي....

كامت وفيه لبست عبايتها وحجابها وراحت ويه امي .....

وحسبالنه  تاخذها لاهلها .....
بس امي اخذتها وراحت لبيت جوارينه بيت ام علاء   وحاجت ام علاء وكالت الها تعاركت وي رجلها صافي خليها عدج جم يوم ....
.....
...

راح صافي لبيت حازم وتعارك وياه .......

لك حازم ليش هيج تسوي وياي انه مو صديقك ليش هيج تطعني....

كاله حازم والله ياصافي  رايدها بالحلال ع سنه الله ورسوله......

كاله صافي.......
ولك ياحلال ابن الاوادم .....
ولك مرتي هاي تفتهم شنو مرتي .
.....
....
وماسيطر صافي عله اعصابه وهجم عله حازم وبده يضرب بيه بوكسيات وضربه بوجهه وطلع دمه ....
......
......

طلعت من بيت ام علاء والنار مشتعله بصدري عالسوته مرت ابني.....

وابد مو هين بس شسوي  لازم اهدي الوضع حته مافلش بيت ابني وهاي طفله بعدها لازم احنه نربيها لان ماتعرف شي بحياتها وبعدها مراهقه......

مريت عله بيت اهل حازم شفت الهوسه والناس ملتمه  وابوحازم طالع ومفرع ...تقربت من مكان الهوسه ولكيت ابني صفاء مدمم وجه حازم ومخليه الدم يكت منه .....
فاككهم ابو حازم  ودخلهم للديوانيه ودخلت وياهم......
......
......
ولك ابوك خلصك مني جا موتتك موت وجان دفنك بالتراب صار عله ايدي ....
....
...
ردت ام حازم ....

خاله صافي الله يشهد شهادة علينه ماندري بيها مرتك وحازم مايدري بيها وعود ناوين نخطبها منكم  ......

وبعدين البنية نفسها هيه السانها كالت لابني حازم انه مامزوجه ......

خالة والله حسبالنه اختك زينه ....

وابني مايعرف اخواتك بالاسماء ومن شافها وحجه وياها كالتله اسمي زينه

.....
....
والله ماندري كفيلك رب العالمين هسه احنه ضايعين بدمنه لان عاشرناكم وشفناكم ونعم الجوارين وماطلعت منكم الزلة والموزينه ابدا....