القلوب الحقيرة
علي البدر
البارت السادس والعشرون
...
...
ضليت كاعدة بالباب منتظرة امي شوكت تجي
والله لهناك
وكفت سارة ونزلت امي براس الشارع وبيده علاكه زركه بيها ملابس
جانت امي تمشي كوه ومبين عليها التعب...
بس من شافتني استعجلت بمشيتها
وصلت يمي مرعوبه
ها يمه شبيجن صاير بيجن شي خواتج وين...
مو من عوايدج تنتظريني بالباب....
....
كلت الها مابينه شي ...
...
تناوشت العلاكه من ايدها
ودخلت امي وصاحت نورس و اخلاص
كالن لها هايمه
...
كالت روحن جيبن اماني من بيت ابوسامي ( امي من جانت تروح تشتغل واحنه نروح للمدرسة .....تودي اماني تضل عد بيت ابو سامي .)
راحت اخلاص وجابتها
...
...
كالت امي شعدج كاعده بلباب
صفنت بوجهه وكلت الها وين جنتي يمه
....
....
كالت الهلال الاحمر موزع ملابس
....
كلت الها ياهلال يمه اشششش كافي جذب...كافي تعذبين بروحج علمودنه
...
...
ليش تشتغلين خدامه تعاجزتي منه ثكلنه عليج ليش يمه...انتي العزيزة الكريمه بت الاصول والبيوت تروحين تشتغلين خدامه ليش
...
...
عمت عيني عله امي
كامت عله حيلها
....
...
حاولت تفهمني ضليت اصيح وشمرت علاكه الملابس...
...
كلت الها
....
اذا تعبتي واجاج الموت وين نروح احنه منو النه غيرج اكو عم يفزعنه خال يشوف حالنه يايمه
تجين تعبانه وتكولين الهلال الاحمر
......
.....
انه قررت دوام بعد ماداوم
من باجر اكعد واطلع اجدي واجيب هالالف والالفين ولا اخليج خدامه
....
...
بجيت وهيه عله بجيي تبجي واخواتي ضلن يبجن
....
....
عفتها وصعدت فوك وامي ضلت تصيح
....
...
ولج حنين انزلي يمه...
والله رجلي ماتعيني اصعد فوك...
...
يمه لا تضلين فوك ترى تتمرضين يابعد عيني انزلي يمه حنونه بعد والله ماروح ....بس انزلي
....
مانزلت الها وجنت انحب وابجي لان حسيت بأمي صدك ماعدها احد ....
وتسوي المستحيل في سبيل سعادتنه ومعيشتنه
....
...
ضليت لليل نزلت من الدرج....
....
لكيتها كاعده عله اول بايه شافتني
....
...
وكفت عله حيلها
كالت هايمه ليش اتعبين روحج ....والله انه اكدر اشتغل بعد بيه حيل
لازم اعينجن انتن منو الجن غيري يايمه
....
...
نزلت ووصلت يمها
بستها من راسها وكتلها يمه وحق الرفع السمه من غير عمد.....كلبي انكسر من كالولي خدامه
يمه انتي غلاتج بنص الروح ....اسمج يمشي وي دمنه شلون نقبلها تروحين هيج تشتغلين
....
...
كعدت تبجي وتون وتشكي حالها
...
....
كلت الها يمه والله ما استنكف من شغلج بس ماريدج تشتغلين.....يمه انتي تعبتي ياروحي
.....
....
انتضريني اتخرج
وانه اوديج للرضا ع
انتي موتردين ترحين للرضا
.
...
كالت اي اريد اروح يايمه امنية حياتي اروح للرضا ابو محمد
...
...
كلت الها انتضري ....
والله وعد مني ما راح ارسب ....وانجح واخلص واتعين يايمه
....
...
بس بعد مالج طلعه من البيت
كالت منين تعيشن يايمه
YOU ARE READING
زمن القلوب الحقيرة
Adventureرحلة فتاة مع الفقر والالم واليتم .....تعيش حقبتين من الوجع ....تمر بضروف غريبة استثنائية .....قراءة ممتعه
