LA ORIAN ACADEMY: School of the Prodigies SEASON 1 [PUBLISHED]

CHAPTER SEVENTEEN

Class F

Para sa isang estudyante ng Special Class, hindi magandang makipaghalubilo at makipagkaibigan sa ibang klase, lalo na sa lower class—ang mga nasa F class, kung sa caste system pa ng La Orian Academy, sila ang nasa rock bottom. Mga rejected sa higher classes at pinagsama sa iisang klase. 

Pero para kay Suzanne, hindi rason 'yun para hindi s'ya magkaroon ng mga kaibigan sa Class F. Tama, may mga kaibigan s'ya sa Class F. Bagay na hindi alam ng mga kaklase n'ya.
Paano nagsimula? Nung mga panahong binubully s'ya dahil sa Apollo. Pakiramdam n'ya'y pinagkaisahan s'ya ng mundo at iniwang mag-isa. Doon pumasok sa buhay n'ya ang limang estudyante na mula sa Class F at doon nagsimula ang kanilang pagkakaibigan. 

"Buti nalang sumama ka sa amin dito sa restaurant ni Franel para mag-lunch. Akala ko irereject mo na naman dahil busy ka sa klase n'yo," nakangiting sabi ni Ella, isa sa mga kaibigan n'ya mula sa Class F. "Namiss ka talaga namin!" 

"Lumuwag na kasi ang schedule ko. Last week kasi hectic sa klase namin dahil sa sunud-sunod na patimpalak kaya ayun, ngayon lang ako nagkabakanteng samahan kayo," pangiting wika ni Suzanne sa kanila. 

"Oo nga pala! Congratulations sa pagkapanalo mo sa essay writing contest last week. Confident naman kaming lahat na mananalo ka. S'yempre, taga-Special A ka eh!" pabiro s'yang siniko ni Shaznay, isa rin sa mga kaibigan n'ya mula Class F. 

"Speaking of S.A., kamusta ka naman doon? Binubully ka parin ba nila?" tanong ni Jerwin matapos nitong sumimsim ng iced coffee. 

"Okay lang naman ako doon though kahit hindi nila ako binubully, nakakaramdam parin ako ng discrimination doon dahil alam n'yo na, nakapasok ako sa La Orian dahil sa scholarship hindi dahil nagmula ako sa isang mayamang pamilya tulad n'yo," sagot n'ya. "Pakiramdam ko, hindi parin ako tanggap doon." 

"'Wag kang mag-alala, Suzanne. Hindi kami tulad nila. Mga kaibigan ka namin at tanggap ka namin," untag ni Franel matapos n'yang ilapag ang bagong luto na beef steak sa harap ni Suzanne. "'Pag binubully ka parin nila, sabihin mo lang sa amin, we'll be there to back you up!"
Napangiti naman si Suzanne sa sinabi ng binata. "Salamat, Franel pero hindi na kailangan. Kumpara last school year, hindi na nila ako masyadong binubully. Tsaka kung bubullyhin na naman nila ako ulit, s'yempre haharapin ko ulit sila. Kakayanin ko 'yung mga 'yun!" 

"You're so brave, Suzanne. You're really my idol! Imagine, we're richer than you but you're smarter than us. I really salute you, a lot," Aivy complimented, giving a small salute to her. 

"Just remember, Suzanne. If they'll gonna bully you again, tell us. Class F is always here for you," wika ni Giovan. 

"Salamat sa inyo," pangiting tugon n'ya sa mga ito. 

"Nga pala, Suzanne. Kaya ka rin pala namin inayang mag-lunch kasi magpapatulong din sana kami sa'yo sa research paper namin," untag ni Margie na nasa tabi lang n'ya. 

"Ano pala iyon?" tanong n'ya. 

"We're assigned in the experimental-type of research paper about organic stuff and its use to us. Nahirapan kaming mag-come up ng hypothesis at title para sa research paper kaya sana matulungan mo kami. Please?" anito. 

"Pati rin pala 'yung assignment namin sa Physics. Sa Acceleration." 

"Pati sa Trigo. Papatulong din sana ako sa assignment ko." 

"Hmm," tumango s'ya. "Sige, tutulungan ko kayo. Group study tayo." 

"Yes!" they said in unison and Marge hugged her. 

Minsan, naisip ko rin na sana hindi nalang ako sa Special Class pinasok dahil hindi naman ako tanggap doon. Sana sa Class F nalang ako. Wala man silang kakayahan katulad ng sa Special Class, at least totoo sila at tanggap nila ako.