حب المصايف

حب المصايف الحلقة الاولي

حب المصايف
الحلقه الاولي
سميحه :يلا يا ندي شهلي يابنتي وجهزي الشنط عشان نلحق نروح الشاليه قبل الليل عشان ابوكي مابيعرفش يسوق ف الظلمه
ندي:خلاص اهو اتقفلت ياماما
سميحه:في حاجه ناسينها
ندي:هو احنا رايحين صحرا دي القريه مليانه محلات لو حاجه ناقصه هنجيبها من هناك
ندي:امال ياسر جاي امتي
سميحه :مانتي عارفه شهر ف السويس وعشره اجازه هيبقي يجي ال10 الاجازه علينا اما يخلص شغله
ونزلو الشنط واخذهم ابو ياسر علي اسكندريه حيث الشاليه الذي اشتروه حديثا يقضو الاجازه به حيث اصبح الاب معاش وندي خلصت هندسه مثل اخوها ياسر الذي يعمل مهندس بالسويس
...................................
فوزيه:خدت الاجازه ياطارق
طارق:اه ياماما انتي عارفه بحوش اجازاتي كلها عشان طلعه المصيف دي وخدت شهر ولو في حاجه يتصلو انزلهم اخلصها وارجع

فوزيه:طب كويس لحسن اختك اتخنقت من الثانويه
والتانيه تريح من تحكمات بن عمك شويه اللي خنقها من اول ماقرا فتحتها
يا هدير يارغد خلصتو شناطكو
هدير:اه خلصت
رغد:من سنتين فاتو وانا مقفلها
فوزيه:ماشي يامقروضه والله طلعاها السفريه دي عشانك بعد الثانويه
واختك كمان تفك شويه عن نفسها
طارق:وانا هوا يعني ولا ايه
فوزيه:دا انت الكل ف الكل ياباشمهندس
اما اشوف ابوكو اظن انت اللي هتسوق ياطارق ابوك مابيقدرش
طارق:اكيد طبعا انتو مش عاوزين توصلو ولا ايه عشان بابا يلبس ف شجره ولا ينزلنا ترعه
فوزيه :كتر خيره انه بيسوق دا طلع معاش اهو
طب يلا بينا عشان مابحبش الظلمه ونلحق نروح نروق الشاليه بقاله سنه سايبينه
طارق:انا هسخن العربيه وهاخد شويه شنط وهاتو الباقي
فوزيه ماشي حبيبي يلا يابو طارق
.................................
وصل العائلتين الي شاليهاتهم المتجاوره ف نفس الوقت
والجميع ينزل الشنط
فوزيه:سلام عليكم انتو ماجرينه ولا اشترتوه
سميحه :لا حبيبتي اشترناه السنادي
فوزيه :الف مبروك احنا جيران بقي وهنا من سنتين اي حاجه عوزاها قولي
سميحه:متشكره حبيبتي
فوزيه:هو انتي  ماعندكيش غير المحروسه
سميحه :لا عندي بنتين وولد بس بنت متزوجه والولد مهندس ف السويس يشتغل شهر ويجي 10 ايام
فوزيه:زيي بنتين  والباش مهندس بردو ابني
سميحه:وندي بنتي مهندسه لسه متخرجه بردو السنه دي
فوزيه :رغد مخلصه ثانويه
وهدير السن
سميحه:ماشاء الله ربنا يخلي
رغد:ياماما احط الحاجات دي فين
فوزيه :حاضر جايه عن اذنك ياام ايه واشوفك بقي دااحنا جيران ونبقي سوا
سميحه:ان شاء الله ام ياسر
فوزيه :وانا ام طارق
تشرفنا ويجعلها جيره السعد والهنا
سميحه :امين يارب عن اذنك
..................
ندي :ياماما دي مش شنطتنا
ام ياسر:يوه ايه الحاجات دي تلاقيها اتلغبطت مع شنطه الجيران عشان شبهها
طب خديها وديها وهاتي بتاعتنا
خدت ندي الشنطه وعند خروجها قابلت طارق
طارق:انا اسف اللي معاكي شنطتي ومعلش فتحت الشنطه بتاعتك كنت فاكرها بتاعتي
ندي:لا ابدا انا كمان فتحت بتاعتك  يبقي خالصين اتفضل شنطتك
طارق:اتفضلي اوصلهالك لجوه
ندي:ميرسي انا هاخدها
واخذ طارق شنطته وندي خدت شنطتها
وبدات كل عائله حمله نظافه للفجر