حب المصايف

حب المصايف الحلقه 14

الحلقه 14
ندى:انا هقولك بس بليز ماتقولش لحد انا خايفه اختي بيتها يتخرب 
طارق:خلصي عشان انا علي اخري
ندي:لما جه يخطب اختي كنت 17 او 18 سنه واختي 25 وهو 35 وكنت صغيرهوبتعامل عادي وجوز اختي وفرحانه بيهم واروحلها ويجولنا ومافيش حاجه
لكن من سنه جه مع اختي وطلعت ماما واختي ينقطو بنت جارتنا فوق وسابوه فالصاله وانا كنت ف اوضتي
لقيت اللي جاي يفتح عليا وحاول يتهجم عليا ويبوسني فلطشته بالقلم وكانو خلاص نازلين فطلع وقعد يقول كلام كده اهبل
طارق:الواطي بن الجزمه وانتي ماقولتيش لابوكي ولا لاخوكي ليه
ندي:لا بليز ماتقولش لحد اختي كده بيتها هيتخرب وتتطلق ومعرفش بابا ولا اخويا ممكن يعملو ايه ولا هو يعمل ايه
وكمان اختي هتعاملني ازاي بعد ماتعرف ان جوزها بيبصلي
ارجوك ما تقولش حاجه
طارق:واسيب بن الكلب ده راعبك وعامل فيكي كده
ندي:والله مابقيت اروح لاختي وكمان مابقتش اخليها تيجي كتير واتحجج بالمذاكره واقول لماما عوزاها روحيلها عشان مايجيش معاها اعمل ايه تاني انا تعبت وعايشه ف رعب ومايقاش عندي ثقه ف اي راجل اذا كلن جوز اختي كده
طارق:طب اهدي بس مش قادر اشوفك كده
طب اكلمه انا
ندي:لا ياطارق بليز دا بجح وهيتخانق معاك وتبقي فضايح سلمها لله
طارق:وانا اضمنه منين انتي عاوزه تجننيني افرضي عمل فيكي حاجه اعمل انا ايه ساعتها
ندي:ان شاء الله مافيش حاجه وانا هحاول ابعد عنه خالص
طارق:طب يلا نشوف لو روح اقعدي لو قاعد هروحك
ندي:حاضر بس اوعدني ماتقولش حاجه وماتتهورش
طارق:حاضر ياندي ولو اني مش عارف امااشوفه همسك نفسي ازاي
ندي:عشان خاطري ياطارق
طارق:خلاص ياندي بقي ماتعيطيش مش هعمل حاجه بس لازم نقول لياسر حتي وهو يتصرف هو عاقل وهيعالج الموضوع بحكمه
ندي:خايفه يتعرف الموضوع
خايفه عليسها اوي تخيل بعد عشره 5 سنين تكتشف ان جوزها بالقذاره دي
لا مقدرش اعمل ف اختي كده بليز ياطارق ماتكلمش مع حد خالص
طارق:خلاص بقي بطلي عشان هنروح ماحدش يعرف بيبب عياطك
ورجعو  لهم
سميحه:كنتو فين
طارق:بنلعب راكت ورا هنا جمبكو
فوزيه:ما الراكت هنا اهو
طارق:ماهو كنا بنلعب مع ناس ورا معاهم راكت وعاملين فريق
فوزيه:اااه
ندي:امال سها فين
سميحه :راحت مع جوزها وابنها تريح من السفر
ندي:اه احسن بردو وتنظر لطارق
طارق:قولي لامك هتبيتي عندنا مانا مش هطمن وانتي وهو ف بيت واحد
ندي:لا طبعا مش هقدر اقولها كده
طارق:هدير
هدير:نعم
طارق:قولي لطنط ندي هتبيت انهارده عندنا  عشان المكان وكده
هدير:طنط ماتخلي ندي تبيت معانا انهارده حتي تفضي مكان للجماعه
سميحه :ليه الاوض كتير
هدير:طب انهارده بس هتسهر معانا وننام سوا
سميحه:طب خلاص انهارده بس وتيجي بكره