حب المصايف
الحلقه 24
رجع الجميع من هذه الخروجه في غايه الانبساط ورغم ان ندي مصدره الوش الخشب لطارق الا انه استمتع بوجوده قربها وانها رضخت لمطالبه فيكفيه هذا ف الوقت الراهن هو لن يتعجلها ابدا فيعلم جيدا مامرت به وتاثيره عليها
وعندما رجع الجميع وجدو مفاجاه ساره فقد نجحت رغد ولكن مجموعها لا يؤهلها طب او صيدله
وبارك لها الجميع المهم انه عدت وهتدخل كليه
وستستعد للتنسيق وتذهب لاي سايبر حتي تكتب الرغبات ع النت
وكعادتهم خروج ليلا ونزول بحر نهارا
كان يجلس ياسر مع ابيه وطارق في جانب والباقي في جانب
ياسر:انا عاوز اعرف السبب اللي عجل بكتب الكتاب لما بقول لهدير بتزعل ومفكراني مش عاوزها او ادبست لكن انا حاسس ان في حاجه جامده
طارق:فعلا ياياسر وحكي له القصه كامله من اولها لاخرها
ياسر:يابن النجس
وعايش وسطينا وهو مدكن لنا الشر وازاي ندي ماتقوليش انا حتي
طارق:خايفه تتهور ولا هو يعملك حاجه واختها تعرف
هو كل ده عشان خايفه لاختها تعرف ونظرتها لها هتتغير وهتحس انها هي اللي فرقت بينهم
ياسر:مش احسن ماتعيش مخدوعه مع ندل زي ده
طارق:ماتنساش ان سها بتحبه وعندها طفل والله ادناه فرصه يايتعدل ياروح ف داهيه داانا ادتهولك علقه طلعت من نفوخه علي الله يتعظ
ياسر:بس مش غلط تكدبو علي ندي
طارق:انا عرفتها اول ماكتبنا الكتاب بس اختك ماتجيش الا بالضغط عليها هو عقدها وخوفها من اي راجل يجي جمبها دا انا جوزها ومش عارف امسكها حتي بنفاصل لسه ف خط النص ادعيلي الله يكرمك وانت كاشف راسك ف ليله مفترجه يهدي اختك وتحن عليا محسساني اني خاطفها تحت تهديد السلاح
ياسر:الله يكون ف عونك نفس احساسي بس حاسس ان اختك الي خطفاني ههههه
طارق:انت تطول ياد دي الفاكهه بتاعتنا دانت خدت البكريه يافكريه
ياسر:انت هتقولي بس انتو كنتو بتودوها المدبح والسلخانه كتير ف الويك اند اصلها ساعات بتقلب كده علي جزارين
طارق:احنا كده كلنا بنقلب ساعات كان لينا خال جزار بنقلب عليه ساعات
ياسر:ربنا يطمنك يعني احاول اجاريها واسايسها وماضيقهاش لتتهور
طارق:ايوه كده بشويش بشويش براحه براحه
دا البت معاك زي السكينه ف الحيلاوه وهاريها بوس امال اختك اللي بنتفاوض نطلع من خط الوسط للهجوم
والله انا ف مرار طافح
ياسر:لو مش هتقدر تكمل ماتحملش نفسك فوق طاقتها هي هتحتاج فتره مش بسيطه تتعافي فيها انت عارف المرض النفسي وهو سببلها عقده نفسيه وعدم ثقه ف الرجال مش سهل ترجع زي الاول بسهوله
طارق:انت بتتكلم ازاي انا بحبها ومقدرش اعيش من غيرها حتي لو هستناها طول عمري مش هياس منها
كانت ندي خلفه يبقي هتستني كتير اوي
فقام لها ليجذبها له وانا راضي ياسيتي عندك مانع فاحرجت من مسكته وتقريبه لها امامهم فابعدته ومشيت
طارق:شايف شكلنا هنجرش
ف خط النص مش هنروح الهجوم ده نوهاءي احتمال نرجع دفاع لنا الله
ياسر:الله معك اروح للبت اللي باشت ف المايه دي بدل ماعرق الجزارين ينتر والدم يبقي للركب
طارق:الله معك
وذهب طارق لندي التي تقف علي الشط وحملها ودخل البحر ليلقي بها
والله لاوريكي
ندي:اخس عليك ياطارق كده ترميني كنت هغرق
طارق:بخلص تاري وانا اقدر اسيبك تغرق دا انا اطلع وراك فرق الانقاذ كلها
ندي:يانهار اسود انت هتسيبني بغرق وتدور علي فرق انقاذ دا علي مايجو اكون اتحللت
طارق:هاخد التحاليل بتاعتك واحطها جمب قلبي ياحياتي
ندي:وسع كده وكادت تمشي فجذبها وقربها منه ونزل بها تحت الماء ليقبلها وهي تفلفص منه
وخرجت تضرب فيه ايه اللي هببته ده انت فعلا ناوي تموتني
طارق:وانا اقدر يابت بهزر داانا اموت وراك ياروح الروح وانا هستني فرق الانقاذ داانا انط وراك لو ف المالح
ندي:وماتعملش اللي عملته ده تاني لحسن والله وترفع صابعها محذره له
لياكل صابعها
ندي:يوووه طارق بقي خليك جد شويه ماتعملش كده تاني
طارق:حاضر حبيبتي
طب ممكن اعمله تالت
هنعدي تاني اهو وندخل علي تالت عدل او رابع اللي يعجبك
ندي:لا انت مش ممكن لا تطاق بجد هتشلني
طار:بعد الشر عليك من الشلل ياروحي الشلل ده سيبيه ليا لان انا اللي هتشل منك قريب
أنت تقرأ
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
