حب المصايف

حب المصايف 17

حب المصايف
الحلقه17
ذهبت ندي الي الشاليه وحاولت ان تظل بحجرتها  وجاءت سها لها
سها:بقي انا جايه اقعد معاكي تسبيني وتمشي ياجبانه
ندي:معلش حبيبتي هدير اكمن اختها عيانه اتحيلت عليا اروح معاها واحنا قاعدين اهو
نبيل بيخبط  انتي هتقضيها مع اختك ياسها ولا ايه وقافلين بالمفتاح ليه هتقولو اسرار حربيه
سها:انتي قافله بالمفتاح ليه صحيح
ندي:كده اضمن
سها:هااا
ندي:ماتخديش ف بالك
قومي روحيله واخلصي وماتجيش هنا عشان مايضايقش
سها :وهيضايق من ايه
ندي:عشان سيباه يعني لوحده ويجي يخبط وينادي وكده خليكي معاه احسن
سها:مانا معاه علي طول جت ع اليومين دول
ندي:معلش اسمعي الكلام عشان مايحصلش مشاكل
سها:انا مش فهماكي والله
ندي:مش لازم يلا روحي انا اصلا نمت اهو وخدي الباب ف ايدك
سها:ماشي ياجزمه بتطرديني
...............

وفي الصباح
سميحه:يلا ياندي عشان نروح البحر علي مااصحي الباقي
ندي:مش قادره ياماما بايني لقطت برد من رغد حاسه اني مش قادره افتح عيني
سميحه:طب حبيبتي هعملك لمون واجبلك علاج ونامي وهتبقي احسن
ندي:ماشي ياماما
سها:امال ندي فين
سميحه:دي تعبانه اوي وشكلها لقطت برد من رغد
سها:هي ايه اللي وداها اصلا اهي تعبت اهي
سميحه انا عملتلها لمون وادتها علاج للبرد ونامت
نبيل :والله شكلي انا كمان لاقط برد وهخش انام
سها:طب اقعد معاك
نبيل :لا انا هنام وعشان تبعدي انتي والواد بدل ماتلقطو مني برد
سها:طب هعملك لمون واجبلك العلاج
نبيل :ماتشغليش بالك هو انام شويه هقوق وابقي كويس
سها:ماشي حبيبي
خرج الجميع ليتقابلو مع جيرانهم
هدير:امال ندي فين
سميحه:عندها برد ونامت شكلها خدته من رغد
طارق:امال الاستاذ نبيل فين
سها:هو كمان قال عنده برد وعاوز ينام
طارق:طب انا نسيت الموبيل ف الشاليه هاتي المفاتيح بسرعه وروحو وهحصلكو
يابن الكلب
ورجع للشاليه طلع بلكونتهم وحاول القفز لبلكونه شاليه ندي
ولكن كانت مسافه فحاول تسلق الكورنيش بين البلكونتين ليصل لبلكونه الجيران  ليستمع لصريخها فيدفع البلكونه
نبيل :صرخي ماحدش هنا
ندي:انت عاوز مني ايه حرام عليك
نبيل:بحبك من ساعه ماكبرتي قدامي وانا بحبك
ندي:حبك برص يابعيد ابعد عني
ليجد طارق يجذبه من قفاه وفين يوجعك وهاتك ياتلطيش وضرب بالبوكس والاقلام وطرده من البيت ليخرج ويغلق الباب ولكن هل سيسكت
اما طارق فاحتضن ندي المنهاره بالبكاء
خلاص ياحبيبتي بقي مش قادر اشوفك ف الحاله دي
ندي:انت شوفت بيقولي ايه
ندا جميله جدا شعر اصفر طويل عيون خضراء وبيضاء عكس اختها التي ليس لها نصيب من الجمال الا القليل
ندي:دا بيقولي بيحبني امال اختي اللي معاه دي ايه طب اجوزها ليه عشان يقرب مني انسان قذر فعلا
طارق:خلاص انسي اللي حصل بقي الكلام ده بيضايقني وممكن اقتله والله دا كان هيموت ف ايدي والله ماكنت هسيبه لولا لقيت انهايرك  ده سيبته عشان اجيلك
اهدي بقي ويطبطب عليها ويمسح علي شعرها  فهو اول مره يراها هكذا بقميص نوم وشعرها ولكن لا يريد تركها حتي تهدا
في هذه الاثناء
نبيل :ايوه ياعمي تعالي بسرعه وهات المفتاح لحسن قفلت ونسيت حاجه محفظتي جوه
ابو ياسر:بس مراتك ف البحر
نبيل :لا تعالي انت بسرعه

ووصل ابو ياسر فتح يلا هاتها من فوق
نبيل:طب معلش هاتها لحسن تعبان شويه
طلع ابوياسر ليستمع صوت عند ندي فيفتح يجد طارق وندي في هذا الوضع
ابو ياسر:الله الله دي اخره ثقتي فيكم وامنكم علي عيلتي
طارق:عمي انت فاهم الموضوع غلط
ابوياسر:افهم ايه وانيل ايه ماهي واضحه زي الشمس بنتي ف حضنك ع السرير وبالشكل ده ومقرطسنا
وهم ليضربها فوقف طارق امامه ممسك يده
طارق:قلتلك انت فاهم غلط مافيش حاجه من اللي ف دماغك ودخل نبيل نبيل :استغفر الله العظيم انتو يطلع منكو كده
طارق:انت تخرس خالص ولا عاوز اقتلك المره دي ماكفكش شلفطلك وشك
ابو ياسر:صحيح ايه مشلفطك كده
نبيل :وقعت
طارق:غطي ندي قومي اغسلي وشك وغيري هدومك وماتخفيش انا جمبك
لو سمحت ياعمي عاوزك لوحدك وانا هفهمك الموضوع
ابو ياسر:افهم ايه بس انتو وطيتو راسنا ف التراب