حب المصايف
الحلقه 27
بدات الدراسه وانتظمت الحياه
بالنسبه لطارق اسبوعيا كان عند ندي ودابما شجار ونقار وايضا ياسر كان يجي 10 ايام بيروح لهدير مرتين فيهم غير مكالمات دائمه حتي عشقته وعشقها حقا واصبح ينتظر الاجازه ليراها
وحتي بن عمها عمرو تزوج بنت دبلوم مثله ولكن الصلات محدوده بعد ماحدث
اما رغد فكانت تختفي عندما تلمح احمد من بعيد حتي لا يراها ولكن احيانا يحدث مالم يكن ف الحسبان
كانت تسير بظهرها وتحدث صديقتها
طب هقابلك بعد السيكشن لحسن هتاخر وهو ايضا يكلم صديقه وغير منتبه للطريق ليصطدم الاثنين وتجد نفسها بحضنه والكتب تقع منها
رغد:مش تفتح يااضبش
احمد:ايه العمي ده مش تفتحي
لينظرا سويا
رغد :انت وتضع يدها علي شفتيها
وتنزل تلم كتبها
الله اخرب بيتك انت ورايا ورايا مش هخلص منك
احمد:وهو يلم اوراقه
في ايه يابت انتي طلعالي ف البخت ولا حد مسلطك عليا كل ماامشي اتكعبل فيكي انا خايف افتح الحنفيه الاقيكي نزلالي منها
رغد:والله انا اللي خايفه افتح الدش الاقيك نازل منه ويارب تتحشر ف الماسوره ماتعرف تنزل
كاد يمد يده عليها
رغد:انت نسيت نفسك احنا ف الكليه هتمد ايدك عليا هنا كمان مفكرنا ع البحر قليل الادب
احمد يكور يده ويجز اسنانه
يابت اتلمي وبلاش قله ادب بدل مالمك ومش هيهمني ف كليه ولا زفت
وعندما وجدت عصبيته جريت تبرطم منك لله اخرتني ع السكشن ربنا ياخدك يابعيد اشوف فيك يوم
انتهت السنه علي خير وبداو في تجهيزات الفرحين ونجحت رغد وايضا احمد تعين معيد ف الكليه لان تقديراته كانت امتياز مع مرتبه الشرف
وكانت هناك عزومات بين الاهل مره عند فوزيه ومره عند سميحه وفي عزومات سميحه كان احمد ومحمد بيكونو موجودين وفي احد العزومات
طارق؛ مش دول احمد ومحمد ايه اللي بيجبهم ولا متعودين علي كده
ندي:طبعا دي عماره بباهم واحنا ساكنين عندهم ولهم شقق هنا هما الاتنين باباهم عملهالهم بس ماجر شويه من الشقق غير شقتهم بس باباهم مسافر وماما اللي كانت مسؤله بعد وفاه خالتو بتعملهم الاكل وساعات يجو عندنا
طارق:والله يعني سداح مداح وهزار وكده
ندي:بقولك كنت بشيلهم وانا صغيره فرق بيني واحمد سنتين او تلاته ومحمد حوالي 4 او5
كنت بشيلهم لخالتو وانا صغيره وزي اخواتي الصغيرين
طارق:هتقولي اخواتي الصغيرين عشان الزقها كف
احمد:اظن انتي اللي جايه عمارتنا اهو انا قاعد ف حالي
رغد:والله احنا معزومين انت ايه اللي طلعك يارزل
احمد:معزوم يارخمه ولو ماتلميتي هلزقك ف الحيطه والله يمكن يتفتح نفوخك وتفقدي الذاكره وتنسيني خالص والا هفتح انا نافوخي وافقد الذاكره عشان انسي اني شوفت خلقتك قبل كده
رغد:والله بارد وتلم ولا الحلاقين
احمد:لا وكمان هبقي معيد عليكي شوفتي ارف اكتر من كده هيبقي سكشن اسود علي دماغك
رغد بعدم استيعاب ونظره هلع لااااا مش ممكن هتديني كمان ف الكليه
احمد:افرحي بقي وزقططي داانتي هتشوفي ايام.سوده علي ايدي
ESTÁS LEYENDO
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
