حب المصايف
الحلقه 8
ياسر:وهي لو بتحبه وعوزاه ماكنتش
قلت كده وانا مهندس شغال ف السويس وليا شقه ف القاهره باقي العفش بقضي شهر ف السويس و10 ايام اجازه لو كده هتبقي الاقامه ف السويس ونيجي ال10 ف الشقه بناعه القاهره ولو مش معاك تجهزها انا هخدها باللبس اللي عليها بس ارجوك ماترمهاش للشخص ده هيموتها علي راي طارق موت بطيء
وانا هسيبكو تفكرو علي مهلكو وبراحتكو مش مستعجل والله انا عمري ماكلمت بنت وماكانش ف دماغي الجواز وامي تعبت مني بس يمكن ربنا عمل كده عشان في نصيب انا جاي ماموريه وراجع واسبوع كده وجاي اجازتي تكونو فكرتو براحتكو بعد اذنك ياعمي ومشي لتجري وراه هدير
انت ايه اللي عملته ده
ياسر:عملت ايه بخلصك من بن عمك
هدير:بس مش بالطريقه دي
ياسر:وانتي شيفاني قمت اجوزتك وخدتك روحت بيكي
انا بثبتله ان اي حد يتمناكي حتي انا شخصيا
هدير:بس انا معرفكش
ياسر:وانا ماقولتش وافقي
قلت فكري علي مهلك واما اجي نكلم ونشوف ابوكي هيعمل ايه ومش عاوزك ترفضي او توافقي الا عن اقتناع دي حياه كل واحد بيشوف ف شريك حياته هل في المميزات اللي تسعده او لا مش اي حاجه والسلام
ولو رفضتي مش هزعل دي حياتك واتمنالك تكوني مع الشخص اللي ترتاحيله انا يمكن عملي حبتين واحد وواحد يبقو اتنين وليا حساباتي لكن البنات غير بتغلبهم العاطفه
يعني انا شايف فيكي مواصفات ومميزات حلوه كتير انتي ممكن ماتشوفيهاش فيا حقك ماحدش هيجبرك ولو رافضه قوليلي وانا هقف جمبك ف وش ابوكي لو هيجبرك عاوزك تبقي مستقله ف قرارك دون قيود او اجبار
كانت عجله التي يسوقونها علي البلاج تاتي مسرعه
فجذبها من خصرها اليه فارتطمت بصدره وزعق للولد مش تبص قدامك كنت هتصها
فتنظر اليه هدير فيتدارك انها بين احضانه
ياسر:انا اسف معلش عملتها بطريقه عفويه خفت لتخبطك
هدير:لا ابدا مافيش حاجه
ياسر:عاوزه حاجه قبل ماامشي
هدير :متشكره
ولكنه ترك قلبها ينبض بشده لاتدري لماذا فهو لم ينبض ابدا هكذا وعمرو بجانبها
ورجع الجميع للبيت
سميحه:انت ايه اللي عملته ده عشان تنقذ موقف تدبس نفسك
ياسر:ليه ياماما هي البنت كويسه ومش وحشه بالعكس لما قلت الف يتمناها ماكدبتش
سميحه:بس انت اول مره تشوفها وماتعرفهاش ولا تعرف عنها حاجه
ياسر:يكفيني اللي عرفته انتي مش كان نفسك اجوز وتقولي هعنس
سميحه:بس مش كده
ياسر:واحنا عارفين هيوافقو ولا لاء
بس حد يوافق بابنك وتروح السويس معايا هو احنا لاقيين
سميحه:الف من يتمناك بس انت تشاور
ياسر:صدقيني هي بنت محترمه وكويسه
سميحه:انت لحقت تعرفها
ياسر:هو ابنك صغير انتي عرفاني بعرف الناس من كلمه وانا اتكلمت معاها انهارده بمافيه الكفايه اني اعرفها
سميحه:خلاص ربنا يهني سعيد بسعيده انت ماشي انهارده
ياسر:اه كانت مأموريه وخلصتها وقلت اعدي عليكو وجاي بعد اسبوع اجازتي
YOU ARE READING
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
