حب المصايف
الحلقه 31
ف الصباح استيقظت وجدته يحاوطها فقامت تاخذ شاور وتعد الفطار لتوقظه فلم يتناولا شيئا امس
وقد احس بها انها ليست بجانبه فدخل المطبخ ليحاوطها من الخلف
طارق:الجميل عامل ايه دلوقت
ندي:الحمد لله احسن
طارق :عاوزه مساعده
ندي :شكرا
ليلفها اليه ويمسكها من خصرها طول ماانا موجود مش عاوزك تخافي من حاجه
فبكت في صدره انا شوفته ياطارق كان بيهجم عليا هنا
طارق:والله لو هوب بس هنا لاقطعلك رجله هي المنطقه هاديه شويه والعماره سكانها قليلين واللي مسافرين بس عمره مايقدر يجي هنا داانا كنت دبحته
ندي:ربنا يستر
قبلها من جبهتها انا هخش اخد دش ع السريع لحسن وعوعت وجايلك ياقمر عاوزين فطار مفتخر يليق بالعرسان
ندي:هههه والله انت رايق قال عرسان قال
طارق:احلي عروسه واجدع عريس عندك مانع
ندي:طب يلا انا قربت اخلص استعجل بقي
طارق:حاضر انا خلصت اهو
ندي:هو انت بدات اصلا ايه اتيممت
وجلسو فطرو سويا ويتحدثون الي ان ياتي موعد الغداء وبعدها المهنؤن
............
اما رغد فكانت ف كليتها فهو اول اسبوع للكليات
بسنت :ايه الموز ده هو رشدي اباظه هيدينا السيكشن ولا ايه ولا ده ياسر جلال النسخه الجديده من رشدي اباظه بعد الجيم والحركات
الواد ده دخيل علي علوم
علوم مافيهاش الانتاج ده كلهم واقعين
رغد:في ايه ياهبله
لان رغد كانت تعطي ظهرها للمعيد
احمد:انتي ياهانم ياللي قاعده ع البينش ليفيلي كده ياختي
رغد:الصوت ده مش غريب .....
ابوك اسود
احمد:بتقولي ايه سمعيني
رغد :مابقولش حاجه
بقي ده الموز اللي بتقولي عليه يامعفنه
قعد يشرح ف ملكوته وهي سارحه حينما القاها ف البحر وحينما قبلها بالفرح وتبتسم
واخرجها من هذا صوته المرعب
احمد:انتي ياهانم ياسرحانه ركزي معايا هنا
وبعد المحاضره
احمد:سرحانه ف ايه ياختي وقاعده تبتسمي قدامي ع المكتب ليلتك طين
فنظرت اليه وجرت الي الخارج
ليتوعد لها ماشي يارغد بتهربي اما اشوف اخرتها معاكي ويانا ياانتي اما ربيتك
قال سرحانه الهانم ومبتسمه داانا هولع فيكي
.........................
ذهب المهنئين الي طارق وندي
طارق:هاتلي مفاتيح الشاليه يابابا هنروح هناك شويه لان ياسر راح بتاعهم ورجع عشان الفرح واحتمال يرجع تاني
ابوطارق :خد ياحبيبي
طارق يحتضن ندي ايه رايك حبيبتي مش كده احسن نريح اعصابنا من هنا
ندي:ماشي
امها وسها اخدوها الي الحجره وذهبت رغد تحضر العصير واحمد كان هو اللي وصل ابوياسروامه فاستاذن لدخول الحمام ثم ذهب ل رغد
انا مش قلتلك تحصليني ع المكتب فتجري مفكراني مش هعرف اجيبك كنتي سرحانه ف ايه
رغد:انت مالك ياحشري
امسكها من ذراعها انطقي بدل مااولع فيكي
رغد:اي كنت بفتكر واحد تلم رذل ثقيل دمه يلطش شالني وغرقني ف البحر
احمد:طب ماهو معاكي الاصل بتفتكري ليه
رغد:اهو حظي الاسود جت اللقطه دي ف بالي
احمد:طب وبتبتسمي ليه عجبك الموقف
رغد:لا مش عاجبني بس ابتسمت وخلاص علي هبلك
احمد:انا اهبل يا...
اوقفهم صوت طارق من بعيد فين العصير يارغد
فجري احمد ورجع وهي احضرت العصير
اما عند ندي:امها مالك يابت مخطوفه ومش علي بعضك ليه
ندي:بارتباك مافيش حاجه ياماما انا كويسه ماتقلقيش عليا ولكن سها وامها لم يرتاحو لاجابتها
YOU ARE READING
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
