حب المصايف
الحلقه2
رغم انهم ظلوا ينظفون للفجر وناموا متأخرين ولكنهم استيقظوا بدري فلا احد يفوت البحر حتي لو قاعد شهر
ع الساعه العاشره كان الجميع مستيقظ وفطرو وشدو الرحال للبحر وكان توقيت العائلتين واحد
فوزيه:دا احنا حظنا من السما بقي عشان نبقي سوا ونتسلي
سميحه :والله كنت حامله هم قعدتي لوحدي انتي عارفه الرجاله بتقعد ماتنطقش وهينزل هو وندي ويسيبوني حراسه
فوزيه:خلاص ندق الشماسي جمب بعض ونقعد سوا
سميحه:مش عاوزين نزعجكوا
فوزيه :تزعجوا مين دا انتو هتنورونا
سميحه :دا نورك ياحبيبتي معرفش قلبي انفتحلك زي مايكون بقالنا سنين عشره
فوزيه:ومين سمعك من القلب للقلب حبيبتي
ومشيو سويا
ندي:وانتو ف سنه كام
هدير :انا لسه مخلصه السن السنه دي
ندي:انا اكبر سنه لاني مخلصه هندسه السنه دي
طارق :زميله يعني قسم ايه بقي
ندي:مدني
طارق:يامحاسن الصدف
بس احنا بقي عجزنا انتي لسه ورور طالعه جديد
رغد:وانا خلصت ثانويه
ندي:مبروك وناويه تخشي ايه
رغد:انا نفسي ف صيدله بس شكلها هترسي علي تجاره
ندي:ههههههه لا حلوه من صيدله لتجاره
رغد:والله نفسي امسك العصايه من النص بس شكلي هتشعلق فيها يادوب قبل مااقع
ندي:لا بعد الشر عليكي من الوقوع
بدا طارق يدق الشماسي وكل واحد حط كرسي او قعد علي الرمل
ندي:انا معايا راكت يابنات حد يلاعبني
كله اشار لطارق
رغد :دا ملك الراكت
ندي:طب خلاص هقعد معاكو
طارق:انتي خايفه تتغلبي ولا ايه
فوزيه:روحي حبيبتي العبي دا زي اخوكي ماتكسفيش
بس العبوا ورا او ع البحر بس بعيد شويه عشان الكوره ماتجيش فينا
واخدو الكوره والمضارب
وبداو يلعبو وتاتي لها الكوره بعيد وتحاول ان تسبقها وتجري لتقذفها
وكانو مستمتعين جدا وهو ايضا تضربها قصيره فيجري ليقذفها ويقع ويقوم وفي مره كادت تقع علي ظهرها وهي تلتوي لتقذفها فجري ليلحقها ولكنه وقع لتقع عليه من الخلف فقد كانت تعطيه ظهرها وجاء يمسكها ولكن رجله فلتت ف الرمل ووقع لتقع هي الاخري
ندي :انا اسفه
طارق:انا اللي اسف اني مالحقتكيش ووقعت ووقعتك معايا
بس انتي الله اكبر محترفه راكت
ندي:وانت كمان بتلعب كويس جدا
انا كنت بلعب مع ياسر اخويا بيلعب زيك
طارق:امال هو فين
ندي:مهندس ف السويس
طارق:زميل بردو دي العيله كلها بقي
ندي:يمكن يكون ادك
طارق:يامحاسن الصدف
ياريت يجي ونتعرف
ندي:ان شاء الله بعد اذنك هروح اقعد معاهم
طارق:المصيف المره دي شكلي لابد فيه مش متحتح من مطرحي
سميحه:لعبتي حبيبتي
ندي:اه ياماما
رغد :مش هننزل البحر بقي
ندي:انتو لسه
رغد:يعني هنزل لوحدي
ندي:طب وهدير
رغد:ممنوع ياولدي خطيبها مانعها
ندي:انتي مخطوبه
هدير:مقري فتحتي علي بن عمي
ندي:طب ماتنزلي معانا كلنا بنات
هدير:لا ماقدرش لو عرف هتبقي مشكله
انزلو انتو
ونزلت ندي ورغد مع طارق
وتعرف ابو طارق علي ابو ياسر اما سميحه وفوزيه طبعا تعارف الستات الكل يعلمه جابو شجره العيله من الجدود واللي مخطوبه وعريسها مجننها والتانيه تكلم علي بنتها كانت اكتر تهريج وانفتاح وفجاه بقت منغلقه دا يمكن اول مره تتكلم ندي مع حد بهذا الشكل ومش عارفين ليه وهكذا كانهم عشره عمر وفوزيه تكلم علي طارق مافيش عروسه بتعجبه ومجننها
وهكذا حكاوي من كل صنف ولون
أنت تقرأ
حب المصايف
العاطفيةأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
