حب المصايف
الحلقه6
ذهبو جميعا للبحر ولكن ياسر لم يجد هدير فرجع لها مره اخري
وجلس بجانبها علي الرمل
ياسر:ماجتيش ليه دي المايه جميله وماتخفيش مش هنغرقك هنقذك لو حصلك حاجه
هدير:لا انا بعرف اعوم
ياسر:طب امال اين تكمن المشكله ماجتيش معانا ليه تعبانه
هدير:لا ابدا بس خطيبي مانعني انزل البحر
ياسر:انتي مخطوبه
هدير:مقري فاتحتي علي بن عمي من زمان
ياسر:معلش لو مش تدخل مني بس ليه حاسس باسلوب تحسر ونظره حزن كده لو انتي مش عوزاه دي لسه فاتحه ممكن تفكيها دا جواز مش لعبه لو الواحد مالقاش شريك حياته اللي يسعده يبقي بلاش
واسف اني بكلم ف الموضوع بس من ساعه ماشوفتك وحاسس بلمحه حزن وانكسار غريبه ليه السلبيه والاستسلام اللي انتي فيه ده
هدير:سلبيه واستسلام
اللي انا فيه ده حصل بعد استسلام للواقع ياما عافرت واتنطتت والاخر بابا يقولي دابن عمك وخايف عليكي ولازم تسمعي كلامه لما خلاص الكلام مابقاش منه فايده
ياسر:طب انتي بتحبيه عشان تستسلمي كده
هدير:هو انسان طيب بس عصبي وغيور وشكاك
ياسر:اللي انتي قولتيهم دول لو اجتمعو ف راجل يبقي الجحيم بعينه
يعني تسبيه وانتي ع البر ولا لما تخشي معاه عرض البحر وترجعلهم بعيل انهو الاحسن
هدير:اعمل ايه انا تعبت ارجوك انا استسلمت للواقع ورضيت بنصيبي ليه تقلب عليا المواجع ارجوك سيبني ف حالي
يتسر:مش هسيبك ف حالك الا لما تاخدي موقف وترجعي لطبيعتك اللي كانت بتعافر وتتنطت انتي مش شايفه نفسك الحزن والذبول والانكساروازاي اخوكي مالاحظش ولا وقف جمبك
هدير:طارق لما بيبقي موجود وعمرو بيزعقلي بيزعقله والاخر بابا يسكته ويزهق ويسيب البيت
ياسر:اهي دي كمان سلبيه منه لانك محتجاله ويسبيبك ف عز احتياجك له
انا عمري ماكنت سلبي يمكن بتستغربي اني اول مره اشوفك وبتكلم كده بس انا يمكن دايما مابعمرش ف شغل لان اي حاجه سلبيه بنتقدها ومابسكتش
انا مابقومكيش عليه علي فكره انتي لو قلتي بتحبيه كنت قلتلك حاولي تصلحي فيه طالما بتحبيه وبيحبك
يمكن اه المفروض يخاف ويغير عليكي بس دي قالبه معاه بشك وبشكل مرضي هو قاعد هناك وعاوزك تيجي زي الكرسي اللي بنقعد عليه يبقي جايه ليه دا مش خوف دا تملك وسيطره انتي جايه مع اهلك اللي بيخافو عليكي اكتر منه يبقي ايه المانع تنزلي مع اخوكي او ابوكي نفسي افهم
الا انه فرض سيطرته حتي وهو بعيد عاملك رعب انتي ماشوفتيش نفسك وانتي بتقولي خطيبي مانعني انا حسيت بيها طالعه ازاي فيها كم حزن وخوف وقهر
ليه تعملي ف نفسك كده لازم تاخدي موقف
وعليا الطلاق من الوليه اللي لسه لا اتجوزتها ولا اعرفها لهتنزلي معانا وهي كلمه
هدير:لا بلاش مشاكل ارجوك
ياسر:يابنتي هو فين هنا
هدير:ممكن يجي ف اي وقت دا ماقالش هيجي امتي عشان يجي فجاه ويشوف بعمل ايه
ياسر:عاملك كمين
ياسر:طااااارق
طارق طلعله في ايه انت نزلتنا ورجعت ليه
ياسر:انت ازاي سايب اختك كده نفسها تنزل وخايفه من خطيبها انت اخوها وطول ماهي ف بيتكو كلمتك اللي تمشي مش هو
طارق:بصراحه انا اتخنقت من كتر الزعيق معاهم
ياسر:تقوم سايبها منها له ايه سلبيتك دي لازم تاخد موقف
يلا شد معايا ننزلها ولو جه انت اللي تواجهه ماتسبهاش له لوحدها والله لو اختي لكنت كسرت عظمه ع الرعب اللي عاملهولها ده
طارق:انت هتسخني ليه بقي
قومي يابت معانا وعلي الله يكلم هخلي وشه شوارع
هدير :بلاش ياطارق
طارق:يلا يابت انا قلتها كلمه هي خربانه خربانه
ВЫ ЧИТАЕТЕ
حب المصايف
Любовные романыأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
