المصايف
الحلقه 19
ابو طارق:الو ازيك يا رحيم
رحيم:انت خليتها خل خالص يابن والدي ايه اللي هببتوه مع عمرو بني ده ابنك يضربه وتهزاوه دي اخرتها انا كنت هستني اماترجع بس مش طايق استني قلت اكلمك
ابو طارق:ابنك اللي ذودها اوي وانا مستحمله عشانك بس قله ادبه عليا انا كمان
رحيم:ودا يستدعي تضربوه دا ابني تتمناه الف بنت وانا هجوزه ست ستها وشوف بنتك مين هيعبرها
ابو طارق :انت بتهددني طب بنتي اتخطبت بقي وابقي اعمل اللي عاوزه ومهندس اد الدنيا كمان مش ابنك اللي دبلوم ومبهدلها انما ده مهندس محترم وراجل بصحيح
وقفل الخط
فوزيه:ايه اللي حصل لده كله
ابو طارق:قلتلك مش هتعدي علي خير
ابو ياسر :مابدهاش بقي زي ماطارق قال لما يجي ياسر يكتب علي بنتك وطارق علي بنتي وانا سالت عليكو وقالو ناس طيبين
ابو طارق:والله انا سالت بردو وقالو ناس اخلاق وكلهم مدحو ف ياسر وف رجولته ومش هلاقي لبنتي زيه
ابو ياسر:وانا مش هلاقي لبنتي زي طارق يصونها
سها :طب اتصل بنبيل يجي كتب الكتاب لحسن سافر عنده شغل
ابو ياسر:لا سيبيه احنا هنكتب بس هنا ولما نرجع نجيب الشبكه ونعمل فرح كده ونجيب الماذون تاني علي ماالفرح الكبير بقي اما يفرشو شققهم هو ده طلب طارق وانا وافقته
ابو طارق :وانا معايا مكافأة المعاش هجهزهم بيها
ابو ياسر:وانا كمان كنت سايبها لهم هي وحته ارض كده ف البلد لو احتجتها عشان مانطولش طالما العيال مخلصين وعاوزين بعض يبقي خير البر عاجله
طب عليهم ياسر
مفاجاه صح عاملين ايه
ابو ياسر:والله لو افتكرت مليون جنيه وجم مجيتك عندي احسن من المليون
ياسر:خير يابو ياسر خلاص ابقي ادهوملي اما يجو بدل الشحططه
ابوه:كنا بنكلم عن كتب كتابك انت وطارق
ياسر:بس انا طلبت ايد هدير مش طارق هو صاحبي وحليوه بس ماينفعش
طارق:ياكسوفي كده بترفضني ياواد
ابوه:ياواد بطل تهريج منك له
طارق هيجوز ندي وانت هدير
ياسر:بالسرعه دي كتب كتاب حته واحده
قامت هدير تمشي
ياسر:طب خلاص ع البركه اللي تشوفوه
ذهب ياسر وراءها قومتي ليه
هدير:لو حاسس انك اتسرعت ف الطلب انا بحلك من اي شيء وهقول لبابا مافيش جواز
ياسر:في ايه انتي واخداني قفش علي ملي وشي وانا كنت بايت ف حضنك داانا لسه جاي من السفر
مافيش ازيك ياحبيبي حمد الله ع السلامه ياروحي بتدهوملي طس ف وشي كده لا انا زعلان وعاوزك تصالحيني ماينفعش كده
هدير:انا مابهزرش كلامك يدل انك غيرت رايك ومحرج تقول او اتدبست ولما فكرت رجعت ف كلامك
ياسر:طب انتي ف الشويه اللي شوفتيني فيهم تعرفي عني كده
اني متسرع وممكن اخد قرار بعشواءيه كده من غير ماادرسه انتي لو مش عجباني ودخلتي دماغي ماكنتش اتكلمت أنا خفت انك انتي اللي يكونو ضغطو عليكي لاي ظرف عشان السرعه دي
هدير :لا مافيش ضغوط ولا حاجه
ياسر:يعني افهم من كده انك موافقه
هدير تخفض راسها خجلا
ياسر:اهو شوفتي مابتنطقيش وشكلك مضغوطه
هدير بزهق الله في ايه ياياسر ماقلنا موافقه داانت رذل والله ارجع ابوظ الجوازه
ياسر:خلاص يامعلم هدي اخلاقك
طب مانا عارف باماره بيتين الشعر اللي هتدخليني بيهم الانتخابات
هدير:الجبانه هي ندي قالتلك والله ماهقولها علي حاجه تاني
ياسر:في ايه يابت مش ااخوها وبتطمني علي مستقبلي وبتريح قلبي المتشحتف
هدير:ياسلام والله انت غلس انت وهي وسع بقي ورجعت لهم تاني
ياسر:طب هاتي المفتاح بقي ياماما اروح اودي شنطتي واستحمي بقي علي ماتجيبو الماذون
ابوه:انهارده
ياسر:خير البر عاجله يابو ياسر
YOU ARE READING
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
