حب المصايف

حب المصايف الحلقه 16

حب المصايف
الحلقه16
طارق:طب استني يابت بلاش تروحي بكره اتحججي اي حاجه انك قاعده مع رغد عشان عيانه
لاني مش طايق بصاته لكي وممكن انهور واتغابي عليه
ندي:حاضر
طارق:احبك وانت مطيع
ندي:وبعدين بقي انا غلطانه اني جيت هنا
طارق:لا والله عاوزه تقعدي هناك عشان اجيب خبرك وخبره يلا خشي نامي تصبحي علي خير
ندي:وانت من اهله
وف الصباح
ذهب الجميع ماعدا رغد المريضه وكذلك ندي جلست معها  وكذلك طارق نام ولم يستيقظ للذهاب معهم ونوي ان يحضر لهم غداء علي حسابه اليوم لندي ورغد وله
فاستيقظو ع ال10 او 11
طارق؛ حضري الفطار ياندي وانا هعزمكو ع الغدا انهارده
ندي:لا ماتكلفش نفسك
نبقي نروح نتغدي معاهم ونرجع
طارق:ماتعصبنيش مافيش مرواح عند الحيوان ده
انا لو اطول احبسك هنا لحد مايمشي هعملها
كفايه انك هتمشي انهارده وانا مش هنام لحد مايمشي من هنا مش هبقي مطمن عليكي ليهجم عليكي ولا اي مصيبه تشيله
ندي:يارب يخلصنا منه
طارق:طب يلا بقي حضري الفطار انا جعت هتبقي تجوعيني ف بيتنا كده لا ماينفعش كده هرجعك بيتكو تاني
ندي:خليك اقعد احلم كده
طارق:طب ماتيجي نخلي الحلم حقيقه
ندي:دا بعدك
طارق:يابوووي ربنا يصبرني عليكي  يا مجنناني
وفطرو وفطرت رغد واعطت لها العلاج
طارق:تعالي نقعد ف الفرانده نتفرج علي خلق الله اللي ماشيه
وفعلا جلسو بها يتجاذبون اطراف الحديث
طارق:والله بحبك وعاوزك انتي بس دونا عن البنات كلها تبقي شريكه حياتي
ندي:وانا قلتلك الف مره انا مش مؤهله لكده
انا بتعامل معاك بس عشان انت اللي عارف بالمصيبه الي انا فيها وانا كنت نفسي ف حد جمبي يخفف الرعب اللي عندي شويه لكن ماتستغلش الموقف وتضغط عليا
طارق:وانا عمري ماهجبرك علي حاجه ياحبيبتي
ومعاكي لاخر العمر مش عاوز غير ابقي جمبك بس
ندي:متشكره ع اللي بتعمله معايا وجودك فرق معايا كتير اداني قوه اكبر وحسسني اني مش لوحدي وحد واقف جمبي بيساعدني بس ماتخلنيش اندم ارجوك
طارق:عمرك ماهتندمي
يلا بقي نروح نجيب غدا
ندي:اوك
ذهبو اشترو الغداء ورجعو اكلو مع رغد التي تقوم تاكل وتنام وبقت زي الفسيخه وبتدعي علي احمد
وجاء رنه تليفون لندي
محمد:ازيك يا ندي هي رغد عامله ايه لحسن احمد  ميت خالص
ندي:وهي كمان بقت فسيخه يستاهلو عشان يبطلو تغليس ع الناس اهم وقعو ف شر اعمالهم
طارق:في ايه مش قلت ماتهزريش مع حد
ندي:دا محمد بيطمن علي رغد عشان احمد نفس الحاله
طارق:اشمعنه بقي
ندي:اصلنا رحنا لقينا احمد قاعد ورغد مش موجوده قال عاوزه تقعد ع الرمل بس شكلهم اتخانقو تاني
المهم راح يجيب الايس محمد جابه واحمد راح يدي لندي واختفو فتره وجم مبلولين خالص وبيرتعشو وروحو جري ايه حصل معرفش بس شكلهم كانو بيتخانقو لان احمد كان علي اخره وهي كمان ويبصو لبعض نظرات اكنهم هيقتلو بعض ومن ساعتها هي عيانه وهو حيان
طارق:وانا اخر من يعلم عشان يوم سيبتكو يحصل ده كله
بت يارغد ايه اللي حصل
رغد:باستماته حصل ايه
طارق:فوقي كده واحكيلي الواد احمد عملك ايه
رغد:ربنا ياخده ويوريني فيه يوم البعيد
طارق :بطلي واحكي
رغد:كان عاوز يموتني ويغرقني ف البحر
طارق:يابن المجنونه
ندي:طاااارق المجنونه دي خالتي علي فكره ماهو كمان تعبان زيها بالظبط وراقد
رغد بفرحه بجد احسن
ندي:والله عيال
شدت طارق تعالي بقي سيبها تنام وتستريح مش وقته هي تعبانه وبتتكلم بالعافيه
طارق:حاضر جاي سيبي التيشرت هتقلعهوني

.............
.محمد:اسكت رغد مستويه وزي الفسيخه
احمد:احسن تستاهل الغبيه دي
انا يتعمل فيا كل ده بس اشوفها تاني هنفخها
.......................
.وانتهي اليوم ورجع الجميع وعوده ندي للشاليه بتاعهم
طارق:خدي بالك من نفسك عشان خاطري
ندي:حاضر خليك جمبي انا خايفه اوي
طارق:انا جمبك علي طول وعمري ماهسيبك ومراقبه اطمني حبيبتي
ندي:سلام
طارق:مع السلامه حبيبتي