Saving the Fallen Constellation (Athánati series #1)

Pang labing-siyam.

Ika labing-siyam na Kabanata

Fries at Smart C

Kabado-bente ako nang bitawan ako ni Off at naglakad palayo sa'kin. Naka-tulala lang ako sa pwesto namin habang pinoproseso ang nangyari. Hindi naman ako gaanong nailang sa pwesto namin dahil gano'n ang pagkahawak niya sa'kin kagabi sa prom. Nagulat lang talaga ako dahil sa biglaang pagseseryoso at pagkakairita niya. Gano'n ba kalala ang nagawa ko?

Nang bumalik ako sa huwisyo ay agad akong sumunod sa kanya na naglalakad sa pool. Hinawakan ko ang palapulsuhan niya kaya agad siyang natigil sa paglalakad.

"Sorry. Galit ka ba?" Tanong ko. Gusto kong batukan ang sarili ko dahil sa sarili kong tanong. Halata naman na galit siya, Zil, tinanong mo pa?

Napatingin siya sa kamay kong nakahawak sa pulsuhan niya kaya agad akong bumitaw roon. Bumuntong-hininga siya at seryosong tumingin sa akin.

"Hindi ako galit, Liz." Seryoso niyang sabi.

"Sorry. Hindi ko sinasadyang... takutin ka." Nakatungong sabi ko. Kinurot ko ang braso ko gamit ang isang kamay ko. Si Off, Zil, matatakot?

"Muntik na akong malunod dati dahil diyan. 'Wag mo na uulitin 'yon." Sabi niya na lang at lumangoy palayo. Naiwan na naman ako roon. Nagulat ako sa sinabi niya at agad akong nainis sa sarili ko. Kinurot ko ang braso ko at nang itaas ko ito sa tubig, nakita ko ang mga marka ng kuko ko rito. Pumikit ako at bumuntong-hininga para kalmahin ang sarili ko. Zil, hindi mo naman alam na gano'n pala. 'Wag mo na saktan ang sarili mo.

--_

Panay kulitan at usapan lang ang ginawa namin kahapon sa swimming. Doon na sila sa hotel room namin kumain at nagpapasalamat akong hindi sila ganoon kaingay. Naligo naman sila roon sa CR na may shower malapit sa pool kaya tuyo na kami pagdating sa room namin. Sumabay na rin sila sa amin pag-uwi, ibang kotse nga lang.

Hindi na kami gaanong nagpansinan ni Off. Hindi ko naman kasing inakala na ganoon magiging reaksyon niya at ganu'n pala ang dahilan niya. Gusto ko mag-sorry ng paulit-ulit pero baka makulitan siya sa akin at mainis lalo. Kung kailan ako nagkaroon ng pakeelam sa kanya at sa nararamdaman niya ay hindi ko alam, baka na-guilty lang ako ng sobra.

Lunch break namin ngayon at ngayon ko lang napansin 'yon. Wala na si Bianca sa tabi ko pero hindi ko na pinansin iyon, baka kasama niya si Germain. Sina Maxine naman ay baka bumaba na at iniwan na lang ako rito dahil tulala na naman ako.

Kinuha ko ang wallet at cellphone ko at lumabas na ako ng classroom. Dumeretso akong canteen at bumili lang ng fries at smart c, kumain na kasi ako ng kanin noong unang break dahil gutom na gutom ako. Kumaway ako kina Maxine na nakaupo sa gitnang table sa canteen. Kasama nila si Alexia, iyong isa pa naming kaibigan na kaklase ni Achlys. Wala rin doon si Bianca kaya panigurado na akong kasama niya si Germain. Hindi na ako nakiupo roon sa kanila dahil hindi ko ramdam, parang gusto kong mapag-isa.

Lumabas ako ng building namin at pumunta sa likod no'n. May narinig akong tumutugtog ng gitara nang papunta ako roon kaya tumigil muna ako sa may poste at nagtago.

Sumilip ako ng kaunti at nakita si Off na nakaupo, kunot ang noo, may hawak na gitara at nagstustrum nito. Acoustic na gitara ang tinutugtog niya, hindi iyon ang kadalasang ginagamit niya dahil electric guitar ang tinutugtog niya sa banda.
Maya-maya'y nagkaroon na ng tono ang tinutugtog niya at napapakanta na rin siya. Napangiti ako at mahinang sumabay sa pagkanta niya.

~Siya na ang mayaman
Siya na ang may auto, siya na
Siya na ang meron ng lahat
Ng bagay na wala ako
'Di mo man sabihin
Aking napapansin