တစ်ဖက်ကလူကိုမမြင်ရသေးခင် အေးစက်တဲ့ရေတို့က မျက်နှာကိုဖြန်းခနဲလာပက်မိလေတော့ အသက်ရှူတောင်မွန်းကြပ်သွားရသလို နောက်ဆုတ်မိသွားခဲ့ရသည်။
"ဘယ်သူလဲ? အဟွတ် "
ရေနဲ့ဆောင့်လောင်းလိုက်၍မျက်လုံးထဲစပ်ဖျင်းဖျင်းဖြစ်မိတာမို့ မကြည်မလင်နဲ့မနည်းဖွင့်ကြည့်ရာ လက်ထဲမှာ ရေပုံးကိုကိုင်ထားပြီးသူ့ကိုဂြိုလ်ကြည့်ကြည့်နေသူက Wang Yiboပါပဲ။ မျက်ခုံတစ်ဆက်တည်းဖြစ်သည်အထိမျက်မှောင်ကျုံ့ထားပြီး စူပုတ်နေတဲ့မျက်နှာနဲ့မို့ ရှောင်ကျန့်လန့်သွားခဲ့ရသည်။
"အမယ်လေး . . . ရှောင်ကျန့် သူ့ကိုထိန်းလိုက်ပါတော့နော် . . . ပြေးပြီဗျို့ "
အိမ်ထိန်းဖန်ဟာ သူ့သခင်လေးအရမ်းဆိုးတာဆိုတာသိတော့ ပြေးသွားတာတန်းနေရော။
"အယ် နေဦးလေ . . . "
ရှောင်ကျန့်လည်း သူတစ်ယောက်တည်းတော့ မနေရဲ၍ အိမ်ထိန်းဖန်ကိုလှမ်းခေါ်မိ၏။
"ခင်ဗျားကဘယ်သူလဲ ဘာလာလုပ်တာလဲ ကျွန်တော့်အိမ်ထဲ "
ထိုစဉ် မနူးမနပ်အသံနဲ့ သူ့ကိုလှမ်းမေးတဲ့အတွက် ရှောင်ကျန့် မျက်လုံးတဖျက်ဖျက်နဲ့ခတ်ရင်း ပြန်ဖြေလိုက်၏။
" . . အခုကစပြီး ငါကမင်းဆရာဝန်မို့ ငါ့စကားကိုနားထောင်ရမယ် ကြားလား ! "
"ဆရာဝန် ?? "
Yiboမှာအူကြောင်ကြောင်နဲ့ မျက်လုံးကိုအပေါ်မော့ကာ ပါးစပ်ဟောင်းလောင်းနဲ့ ဆရာဝန်ဆိုတာဘာလဲစဉ်းစားနေသည့်ပုံပင်။
"အေး ဟုတ်တယ် ဆရာဝန် . . . ငါ့နာမည်က ရှောင်ကျန့် ဆရာရှောင်လို့ ခေါ် အဟွတ် "
ရုတ်တရက် သူ့နာမည်ကိုကြားတော့ Yiboပျော်သွားတဲ့ပုံနဲ့ ရှောင်ကျန့်လက်ကိုလှမ်းဆွဲလိုက်သည်။
". . ဟို ငါ့ရဲ့နှစ်တစ်ထောင်ရှောင်ကျန့်မလား "
*ဒီကောင်စုတ်က အဲ့ဒါတော့မှတ်ဉာဏ်ကောင်းသားပဲ*
ဝမ်းသာတကြီးဖြစ်ပျက်နေတဲ့Yiboရုပ်ကိုကြည့်ပြီး ရှောင်ကျန့်စိတ်ပျက်မိသွားသည်။
![](https://img.wattpad.com/cover/206479179-288-k121472.jpg)
VOUS LISEZ
Snow Kiss(Completed)
Roman d'amour#ကျွန်တော် သူ့ကိုအရမ်းချစ်တာမို့ သူနဲ့တွေ့ဆုံခဲ့တဲ့ ဆောင်းကိုလည်း ကျွန်တော်ချစ်တယ် # #Yizhan fanfiction #Feedback votingပေးတဲ့တစ်ဦးချင်းစီကိုအရမ်းကျေးဇူးတင်ရှိပါတယ်