قصه حقيقه
بين جدران
(العنوان قابل للتغير)
ضمت رجليها لصدرها بخوف وهيه مرعوبه من القادم
كلشي صار بسرعه وتوالت أحداث لدرجه هيه ممصدكه انها بالسجن وشراح يكون مصيرها من بارحه هيه أبين هاي جدران وقلق وخوف عل خطيبها وعل مستقبلها وعل سمعتها عل محك
متعرف شتصرف
دموعها مابطلن
تفكير حطم كلشي حلو بداخلها عرسها مباقي عليه ايام بس الحادثه الي صارت وقلبت كل موازين بحياتها لدرجه يمكن بحياتها مراح تلبس البدله البيضاء!!
ايقضها من سباتها صوت احد الحرس
هيه انت عندج زيارة
خافت منو يزورها أهلها لو اهل خطيبها يمكن يگتلوها لو ظل أبين هاي جدران افضل من ان تشوف احد من اهلها
_انتِ شنو طرشه مو جاي اكلج عندج زياره
بدت تجر خطواتها بثقل لخارج زنزانه. وكفت گبال باب وتحس أنفاسها بدت تتسارع
لزمت المقبض الباب وفتحته وصارت گبال اخوها وابوها اتجمدت بمكانها لكن صوت الحارس من وراها جفلها خلاها تدخل وتصير عل مقربه متر منهم وهمه يرمقوها بنظرات مرعبه
(الضابط) تعالي بابا ادخلي لاتخافين
مكدرت تشيل عينها بعيون اخوها تعرف ان هذا اخوها يعتبرها عار ولازم طمه بالتراب
(الضابط) اكعدي بنتي لاتخافين من شي
احجيلي شصار بالضبط واني مراح اخلي احد ياذيج
نطق احمد بصوت عالي سيادة الضابط احنه نريد انلف القضيه ابسرعه وهذا شرف ومنريدها تبات يوم لاخ بالقسم
_اسكت انت لااطلعك برا
كمش ابو احمد ايد ابنه وضغط عليها
_سيدي بنتنا انريدها تطلع ويانا اليوم
_مستحيل هل شي من يكول متگتلوها
_سيدي نتعهد بعدم قتلها
_بنتي احجي شصار ولاتخافين من شي
نطقت ديمه
سيدي الله يخليك امين وينه شصار منه
_والج عين وتسالين عل هل قليل الشرف
الضابط بعصبيه امشي اطلع برا يله لا اخلي هسه يخيسوك بالسجن
طلع احمد من الغرفه
بدت ديمه تبجي بهستيريه وكعدت بالكاع اتقرب منها ظابط بنتي خطبيج بالعنايه المركزه واحتمال جبيره ميعيش من سمعت هل وكعت مغشيه عليها
اضطر الضابط ان يرجعها للزنزانه بعد أن فاقت وان يطرد ذويها واجل القضيه إلى اشعار اخر
حبايبي قصه جديده وصلتني بيها أشياء هوايه اني حبيت اكتبها لان بيها جريمه واكشن 🌚
تعرفون طبعي لهذا قررت اكتبها وبعدين اكمل قصه قلب ميت
وهذا مقتطف من القصه وان شاء الله فد اسبوع تكمل عندي المعلومات وابدي انزلها الكم
مودتي 😇
التنزيل يكون بين يوم ويوم
