بين الجدران

#بين _الجدران
#ام _احمد
السابع
صرخة وره صرخه جانت تشق الصمت المطبق بذيج الليله المشؤومه ظلت تصرخ بااسمه كل شافته وسمعته صوت طلقه وسقوط ياسين من وصلت ليمه بعد مااتحملت منظر خارت قواها بعد ماتحملت ان تشوف حبيبها كله دم
حست وهيه بزنزانه ويمها نسوان هوايه صرخت مرا لخ وينه ياسين ظلن نسوان صافنات عليها ودموع يجرن عل خدها وراحت عل القبضان تصيح بااسمه اجاها الحارس
اسكتي لج لاتعيطين
فدوه وينه ياسين خوما بيه شي
لج منو ياسين
الي جان ويايه
امشي منا وبعد لاتعيطين افتهمتي
عافها وراح ظلت مفزوعه يمكن هذا كابوس ولازم تكعد منه أي كابوس مامكن يعوفني ياسين وحدي هو كلي راح أظل وياج وازوجج
ظلت تفتر بدون هدى هيه تفكر بمصيرها شنو؟ وأهلها من يعرفون بالي صار!! وهيه هسه بمركز الشرطه شراح تكول وشراح تصرف
مرت عليها ليله عصيبه بين جدران الزنزانه مكدرت لحظه وحده تغفى او يرفلها طرف
رغم هوسه النسوان اليمها بس هيه حست بوحده قاتله منو الها؟ شنو مصيرها؟ الف سؤال وسؤال اجه بالها شتصرف وشتكول. كلشي جان مخربط براسها
اجه الحارس وصاح اسمها مشت وراه بخوف وقلق
دخلت للغرفه بيها اثنين ضباط
خوفها من شي متعرف شنو هل شي خلاها تعيش بخوف بمقدار لا متناهي صغيره وبنص دوامه وكل احد ماعندها وحتى أهلها راح يكونون ضدها يمكن يكتلوها
اكعدي شبيج طرشه
ظلت ترجف واي سؤال تظل متجاوب عليه
أبويه اسمج متعرفيله
الله يخليك ساعدني
بابه شبيج اكعدي خلي افتهم منج
ياسين وينه الله يخليك وديني عليه
استغفر الله لج بابه اكعدي خلي افتهم منج
ظلت ترجف وتبجي وتتوسل بيه ان يوديها عل ياسين
يا حارس تعال أخذها عندي كومه قضايا وهاي كلشي متفتهم طلعوها برا
رجوعها عل زنزانه
لا ترجعوني ودوني عل ياسين اريد اشوفه ظلت تصرخ بااسم ياسين ماتحملت الضغط الي هيه بيه وفقدت من ضغط النفسي جانت تمر بيه....
وره ايام وهيه تعاني من شده الضغط وإرهاق لا تأكل ولاتنام انهار جسمها وحولوها عل مستشفى.......

جانت الناس ملتمه عل الحادث الي صار كدامها هيه اتشنجت ولزمتها رجفه كوه مشت من أبين الناس وعبرتهم لمن وصلت شقه انهارت بالبجي متعرف البجي عل نفسها الضايعه لو عل ابنها الي بلا نسب.... لو عل حبها الي ضاع منها بشربه مي حطت قماش عل حلكها وظلت تصرخ بعلو صوتها ياريت يرجع بيها الوكت وماتترك أهلها
هيه ضعيفه وحيده انتجت عل حايط وحطت رأسها عليه وظلت تبجي بسكته وگلبها ينزف دم!! تريد امها هيه محتاجه امها وابوها مشتاقه الهم ياترى شصار منهم هسه شوكت اخر مرا شافتهم قبل سنين ابوها ضعفان وراسه متروس شيب وظهر منحي كله بسببها هيه..... هيه جابت الهم والحزن والعار..........
*****************
لبس سترته ورش عطره ظل كبال المرايه يباع عل نفسه اول مرا يشوف روحه زين متغير مو نفسه ذاك شاب الي هرب من بلده لبلد اخر حس ان صورته غريبه عليه وينه هو من كل هذا ؟ وينه!!؟ عمر الي ضحكته متفارگ وجهه وينه الي جان يتفنن بالاختيار الوان الي تبرز لون عيونه! حته عيونه من سواد الي يلبسه صارت غامقه مابيها اي بريق كأنما هيه زجاج يخفي وراها ألم وبحه حزن
وجهته لبيت غريب عنه هو مايعرف اصلا ليش يروح يمهم يمكن يلگه الضاع منه حب امه وابوه لمة العائله الي انحرم منها
رغم ان انعام قاسيه وياه ولساته تسّمْه بحجيها
بس هو يحس نفسه تايه بلاهم يفكر بيها غصبا عنه ميكدر يطلعها من عقله صح هو جان عنده علاقات ويه تركيات سوريات عراقيات بس جانت علاقه جسديه بحته مجرد ان ياخذ الي يريده ويتركها بس انعام من شافها حس بشي غريب انزرع بيه واحساس بصدره خالجه ويجبره عل تفكير بيها ليل نهار
ومن شاف امها واختها وديمه ولمتهم تعلق بعد أكثر بيهم صار يحس انهم مسؤولين منه....
صعد الدرج بخفه وصل للباب ودگه
طلعت اخت انعام الصغيره
ياهلا وغلا اتفضل
زاد فضلك كيفكم
اجت ام انعام
اشلونكي خاله
ياهلا ياابني كيفك اتفضل
اشلون صاغت انعام
مليحه كوي هيه تدلل علينا
ربي يجعلها
عملتولك بمبار اشقد طيب
او خاله صاغلي سنين ماذقتوها
اعغفتوا وقلتوا ابني عمر مغترب اكيد مشتاگ لااكلنا
اي والله خاله كثيغ
ادخلي غفران عل اختكي وقليلها اتحضر سفريْ
انا جاي ازاحمكم والله
لا ابني لاتقول هاكذ ازعل منك انت ابني
ظل طول وكت هو يراقب تجمعهم وضحكهم وانس يفتر حولهم بخطواته مبتدئه
قلوبهم مليئه بالحزن مع هذا همه مستمرين بالحياة ورغم كل ألم الي داخلهم لكنهم يبتسمون بوجهك
خبرنا عمر صارلك شقد هوني
خمس سنين
عليش طلعت من موصل؟
سؤالها گلب عليه مواجع واذكر ذاك اليوم من خابرته امه
_امي اشصار
اخوك يمه خذونه ومانعغف عنو شي صاغ عشره تيام من اخذونو
عليش اخذونو
جو  علينا بليل مسلحين كسروا بيتنا ومن طلعوا اخذونوا معاهم
أبويه وينو
مابقه مكان مادور علينو رحنا عل شرطه وعل جيش وعل مستشفى مالو اي اثر خبرنا الحغس كلياتهم مايعفون ويصب صاغ؟
امي لاتبكين حرقتي قلبي
ابني انت واخوك بعد لاترجع وانا دحولكم فلوس عل أربيل ومناك اطلعوو بعد لا ترجعون عل موصل ابد
امي تعالي معانا
لاابني ماطيق انا.... عوف جدك وخوالك لساته جدك تعبان
لَكْن نفترق هاكذ
بس يصيغ جدك مليح اجي لعندكم