#بين_الجدران
ام احمد
السادس والعشرون
عمت الفرحه بيت ام عمر بالمولوده الجديدة وسولها عقيقه وعزموا الكل انعام وديمه وفهد والكل اجتمعوا كل واحد ابيهم كان داخله احلام جبيره ويتمنى مقابيله يحس بيه ويشاركه هاي احلام
ضل فهد عيونه تلاحق ديمه وحركاتها بكل مكان رغم انه متحرك من مكانه ولا نطق بكلمه وحده وضل صامت.... بس عيونه بيهم صرخات مكبوته... ومشاعر فياضه... مع هذا وضعه ميسمحله ان يعبر عنها.... اكيد وضع ديمه اقتصادي لهذا ضلت عيونه تلاحقها وهو التزم الصمت المطبق..... ضل مبايله يرن من عشيقته الجديده بس هو مل منها واجى الوقت الي لازم يتخلص بيه منها...... سوا مبايله صامت وضل يراقب بصمت.......
اما ديمه كانت متضايقه من نظرات فهد الها وتحس ان انس بدا يلاحظ هل شي لهذا دخلت للغرفه وضلت ويه اطفال كاعده
ديمه ليش اهنا كاعده
كان مفروض مااجي
ليش جاي اشوفج متوتره
انس صايره يتحسس من كلشي وحاط باله ان يرجع عل اهله بسليمانيه
شعجب ماحبها التركيا
لا بالفتره اخيره اولاد دليار الله يرحمه صاروا اصدقائه وهو يحن الهم هسه..... وحتى نسرين خانم يريدها
والله وصار انس رجال وبدا يحكم ويريد
بالحقيقه مجان هيج شويه سنوات الي عشناها ويه دليار وتربيه الصارمه سوت منه ولد جدي ويفكر اكبر من عمره
اني احس هل شي..... وهمين شفته ميحب من يجي اهنا ونظراته عل فهد
اووف اسكتي عبالي بس اني حاسه بهل شي....
كل لاحظ لان فهد راح ياكلج بعيونه.....انعام عندي حجي وياج
خير شكو... سدت الباب واجت يمها كعدت
اريدج هلمرا تفكرين بعقلج قبل گلبج اذا حاول عمر يتقرب منج
لاتخافين مراح يحاول
ليش شسويتيله
ولي كلشي ماسويت بس احس هو متغير مو نفسه عمر الي سافر قبل كم سنه
لا متوهمه اني متاكده بعده يحبج ويتمناج
لو بعده جان لمح او بادر
بعده مخربط وضعه وجاي يرتب حياته واني متاكده بس يشتري شقه راح يبدي يحاول..... بس انتِ لاتصيرين غبيه
مااعتقد راح يقبل مااعتقد.... الله يخليج ديمه انتِ متعرفين شكو..... سكتت واذكرت نظراته الها من اعترفتله عل غلطتها ويه ميثم
خيرج شكو كوليلي شصار
مصار شي بس عمر هسه متغير وهو جان يحب مرته ومتعلق بيها
مااعرف احسج مسويه شي بحيث ولد مراح يحاول وياج
كلشي ممسويه هسه اروح عل اختي اشوفها خلصت حمام
