بين الجدران

#بين _الجدران
#ام احمد
الرابع عشر
حزم امره ان يهاجر عل المانيا بدت ايام تخنقه بعد ان ياس من انعام وميكدر ينساها.. كل يوم يعزم ويه نفسه عل نسيانها وتركها  يلكه روحه يحبها اكثر حتى صار مايشوف اي مرا بعد ان كان كثير العلاقات ومغامرات اصبح لايرغب لااي امرأة صار اصلا كل امراة يشوفها يشوف بيها انعام.....صارت تركيا بالنسبه اله مكان ضيق ويخنكه اكثر يوم وره يوم كلما ابتعد عنها كلما ازاد تلوع بيها ويشوف روحه واكف گبال العماره من بعيد بس علمود يلمحها
امي انا قررتوا بعد
ول ابوي عليش السفغ انت هوني عندك شغلك ومكانك وانا واخوك ليش الغربه
امي مخنوگ
اخ يا امي الحب مابالگوه وانت اغشع خالك فهد مااخذ الي حبها مانتهت عنده الحياة وهاي ازوج وعنده بنت ومرته حامل هساع
امي خالي ميت وربي لو تغشعينو من جا عل تركيا نفس مالو بالحياة وانا متاكد بعد الف سنة مايحبها المرتو
عمر السنين كفيله ان تنسيك وتداوي جروحك
انا غيح
ظل يمشي بغير هدى ويفتر من مكان لمكان لمن وصل لبارك دخل وكعد ضل يباع العشاق كل واحد ماسك ايد حبيبته وضحكة مالي فمو جانت ابتسامه عل وجه وهو يشوفهم بس داخله جان الم وحزن مكدر يضل ترك متنزه وشاف رجليه أخذته عل بيت حبيبته ظل واكف برا يدخن بكل نفس يسحبه يحس قلبه جاي يحترگ شوقا الها مجرد ان يوصل هل مكان الي بيه حبيبته حواسه كلها تتبنج ويضل بس گلبه يدگ مثل دمام رغم البروده بس هو يحس بنار داخله صار اشهر يشوفها من بعيد بدون ميتقرب منها ولا يكحل عيونه بشوفة عيونها... ظل واكف ينتظرها دقايق وشافها تتقرب لباب العماره حس گلبه مشى قبل رجليه وراح حضنها...... اتقرب منها لمحته وكفت شافت عيونه صايرات حمر من البرد... بالنسبه الها هيه شمت عطره قبل متشوفه.. لبسه كله اسود وعيونه بيها لمعه
اشلونكي
مليحه وانت
بخير ماطولج بخير....
تصعد
لا معغف عليش جيتو
ابتسمت اكيد تغيد تغف شي عن ديمه
لا... اقصد.. اقصد
استاذ عمر اشبيك عيونك تعبانه
واخيرا حسيتي
اتفضل جوا هوني كثيغ باغد
دخلوا لجوا يم الدرج رادت تصعد كمش ايديها وگفها حته لاتصعد
خير شكو... عوف ايدي عمر
اسمعيني مليح.....نزلت البايه وصارت قريبه منه
احجي شكو
انا جاي اموت وربي عيوجني قلبي انت الله خالقكي من حجغ
عمر عوف ايدي
لزمها من زندها.... حسي بيه جاي اموت
يهز بيها حيل اريدج  ليش ماتحسين بيه
عمر عوفني لا الم عليك الناس.... رادت تصرخ  ضمه لصدره حيل... ولي احبج اشعمل موتيني وارحميني..... ظلت بحضنه متفاجئه من رده فعله واكثر متفاجئ منه هو سكوتها وخضوعها اله... لمس خدها  وبدا يمرر اصبعه عل شفتها...
عمر اااا
اششششششش خليني امتع عيوني واشبع منج شوف
اتقرب الها اكثر وتلامس جسدها ويه جسده ضلت هيه مستسلمه اله وهو يتناول شفتها بنهم وشغف ويضمها لصدره بكل قوة حس ان نفسها قطع بدت تدفع بيه
وخر عنها.... بدت تمسح بفمها ورادت تضربه لزم ايدها اني عايفج غاح اهج من وراكي
حقير ومريض
مريض بحبج
بعد ماغيد اشوفك فهمت
قلتوكي انا مسافر
دفعت مردي وعصاة كردي
غاح اضل احبج لمن اموت
وخر عن دربي اغيد اصعد
مايهمك اني مسافر
لا مايهمني عساك غحت عل جهنم
ضل يرمقها بنظرات قاتله
غاح تندمين واغشعي الا خليكي خدامه عندي
ضحكت وبدت تصعد الدرج
غاح تغشعين انعام خانم
ضلت مستمره بالصعود وهيه تختفي كدام عيونه انعصر گلبه ولام روحه عل كلماته وتهور خله وطلع وقرر بعد يسافر ومايرجع بعد عل تركيا ابد.......
******************************
اتفضل
اشتغيد مني
استريح ابو سمر انت ضيفنا
كعد وهو عيونه عل هذا متفاخر
انا اعرف انت لا اخوها لديمه ولا اصلا گرابيها  واعرف انت منو!
شتقصد
اخوك ارهابي اعرفو واعرف كل تاريخك
اتعدل بكعدته
ويعني اخوي ارهابي مو يعني اني هم
المهم اريدك من تطلع منا بوجهك عل بيتك
تطردني
لا بس انت مصدر ازعاج... طبعا اني اكدر بزلخه اوديك لمكان ميوصله شمس
وكل هذا ليش شنو السبب؟ ليش تريدني ارجع عل ولايتي
اخذ جكاره باييده وحط رجليه عل ميز
ديمه وابنها شي يخصني
اهاااا هاكذ
انت واحد غريب لاتتدخل فهمت كتلك اني اكدر اجعصك مثل مااجعص هاي جكاره.... حط جكاره بالنفاضه وجعصها......ياريت تفهم الحجي
وكف عل حيله هيبتك هاي كنيك طاوس ماتخوفني وانا مااتركها لديمه عل جثتي
عليه حذرتك.... كام من كرسيه واجه ليمه وطبطب عل جتفه...... وخر ايديه..... جرب تلمسني مرا لخ واغشع اشعمل بيك.....
حس دليار ان كدام مجنون وقاتل رغم ان البدي كارد واكفين برا مكتبه اله انه خاف منه ومن لمعه عينه
اطلع برا
اني طالع ميحتاج تحكي
بعد وصوله لبيت دليار
ديمه وينكي
خير ابوسمر
خلينا نرجع
ليش
هذا دليار وغانو شي مامكن اعوفكي
شبيك فهد
ديمه اسمعيني هددني ارجع والا غاح ياذيني
اني ماارجع ماباقي شي ويصير عند ابني جنسيه ويشيل اسم ابوه
هذا الطاوس طمعان بيج افهمي
عل شنو طمعان بيه فهد مااروح وياك ضاله اهنا
ديمه هذا رجال يريدج اني متاكد ينتظر اعوفج حتى يختلي بيج
اوهام.... واني ممحتاجه حمايه اكدر احمي روحي هاي سنين الي بالغربه  محد طخني
ديمه تخسرين اذا مارجعتي معايه
المهم ابني يثبت اله نسبه واسمه
ابنكي انا اسجلوو بااسمي انا اصيغ ابوه اتزوجكي
شجاي تكول انت
انا حبيتكي مراح اعوفكي
فهد اني باقيه اهنا
طيب تبقين نتزوج
ليش
حتى تكونين بحمايتي ومايطمع بيج
اكيد انت جنيت هسه انت ماطمعان بيه
اني حبيتج ومستعد اموت علمودكي
ارجع عل بيتك ومرتك
ديمه لاتكفريني
جان لازم هذا الحجي اكول من قبل لياسين من عرفت بيه مزوج مااغلط نفس الغلط هسه
هاكذ يعني
اي مراح اخذ مزوج بعد
اطلقها المرتي وازوجكي
غيرك گالها ...... فهد أرجع عل بيتك
ضل واكف ويشوف اصرارها عل تركه
انا حبيتوكي من اول يوم اغشعتوكي
مرتك حامل وعندك بنت  ماابني مستقبلي عل تعاسة اخريين
خلص عندي حل نزوج فقط الما تحصلين اسم وهويه لاابنكي وبعدها نعوف بعض
وليش هيجي نسوي
قلتولكي هذا دليار طمعان بيج
هذا دليار يصير ابن عم زوجي ثم نسرين خانم ويايه وراح تساعدني ومراح تخليه ياذيني
ولي افهمي قلي انت حجره بطريقي ومستعد اوديك لمكان ماتغشعه شمس
وليش هيجي يكول
يريد يخوفني حتى اعوفكي ويستفرد بيج
انا راح اروح عل بيت نسرين خانم
ولي ابويه هذا ظاهر عنده سلطه هوني ونسرين خانم مااطيق علينو
فهد ماارجع معاك
هاكذ يعني
اي مارجع
انا راجع عل موصل بس انا حذرتك وانت ماسمعتي الكلمه
الله وياك وانت ماقصرت ويايه
ضل يباوع عليها بنظرات كلها حسره
من غدا انا طالع... عندكي وقت تفكرين بيه مليح
اخذ غراضه وطلع عل الغرفه حس انه راح ينفجر اذا مافرغ غضبه صار كدامه كم حاجه ضربها وقبل ميطلع للكراج صارگباله داليار
عل وين رايح
لا تتخيل انك ربحت
هههههه
حس بحرارة تصعد لراسه ومتحمل ورغم فرق الطول ابينهم الا انه هجم عليه وكع بالكاع وبدا يضربه بكل قوته.... طلعت ديمه عل اصواتهم شافت دليار وجه كله  دم...... ركضت عليهم تفاكك ابينهم واجوي حمايه يركضون وخروا الفهد عنه بصعوبه وبدا يتعارك ويه الحمايه مما اضطروا ان واحد من الحمايه ضربه عل راسه بااخمس المسدس وعل اثرها وكع بالكاع وفقد الوعي...... ركضت عليه ديمه وبدت تصرخ وتحاول تنقذه منهم دخلت بحاله هستيريه هيه الي شافت ياسين مو فهد اذكرت كله الماضي وشلون انقتل ياسين بدت تصرخ وهيه تاخذ فهد ابين ايديها ودافع عنه.....
بعد ساعات فتح عينه وبدا  يتالم شافها فوك راسه والدموع ماليه عينها راد يگوم مخلته
ليش هيجي تسوي جان گتلوك
فداج
فداج شنو وعائلتك واني اضل العمر كله اعيش بعقده الذنب
ديمه خلينا نرجع
من تصير زين ارجع عل اهلك انا جيت اثبت نسب ابني
مااطيق عوفج افهمي
ابقه اهنا ابيت نسرين خانم
وانتِ دظلي هونيك يمو
رجال يكدر يشتكي عليك ويسجنك والخاطري سكت... انت هجمت عليه ابيته.. فهد ماشفت اشعملت بوجه
معغف حسيت غاح انفجر اذا ماضربتو
نام وارتاح اها نسيت اگلك مرتك خبرت بس ماشلتوه
هساع خبرها
انا رايحه
عل وين
اساعد نسرين خانم

اخذ نفس عميق وهو يعدل نفسه يريد يعرف هو ليش هيجي جاي يسوي!! وليش هيجي ضربه للرجال وشراح يصرف يرجع عل موصل لو يضل هوني معاها....... ********
هيه متعرف ليش هيجي قاسيه وياه... ليش بالبدايه رضت ان يحضنه وبعدين اتملكها الغضب وبدت تضربه.... وليش؟ وليش؟ وليش يمكن لان الغلط الي صار بالماضي هو وراه كل هذا ؟ كلها تساؤلات دور براسها وتريد الها اجابات؟ هيه لازم تبقى دون زواج للابد.... داخلها خربطه من مشاعر هيه لساته ميثم عايش بداخله.... بس وجود عمر قربها يثيرها ويوترها وهيه متكدر تباع بعيونه من رهبه..... تخاف لاتضعف كدامه.... هيه ليش متريده يدخل لحياتها؟ ليش متنطي فرصه... من عافته وصعدت لغرفتها وبدت تذكر الي صار ابينهم استغربت شلون رضت ان يقبلها هيه مو بس رضت لا هيه استساغت بطعم القبله وحست بلذتها... كرهت هل شعور ورادت تقتل هل شي داخله ضلت الليل كله تتگلب بفراشها تريد تهدا وتكدر تغمض عينها بلا ماتشوف عيونه وتحس بلمسته عل جسمها....في الصباح مكدر تستيقظ بسبب سهرها وبذاك اليوم ماراحت عل شغلها
للظهر اندك بابهم واجتهم ام عمر لااول مرا تزوهم كل دقيقه تمر حانت تحس ان ام عمر تعرف بالي صار  ابينهم
والله ياام انعام ابني كثيغ يمدح بيكم
ابنكي ورده مل الله... الله يحفظو
انا جيتكم اليوم بطلب من ام مفجوع قلبها وتغيد تحافظ ابنها
خيركي ام عمر خليتي بالنا
ابني عمر يريد يطلع عل بحر ويغوح عل المانيا يعني يطلع قجق
ليش يعمل هاكذ
حولت مريم عيونها عل انعام الي جانت مامتوقعه منه ان يذب بروحه هل ذبه
خاله اني ماادري بهل قرار
امي هو يغيد يطلع ومايرجع اشقد حكيتو معاه مايفيد
والله قلبي نار علينو وخاف كثيغ  ومن اسمع بالناس غركانه بالبحر
لا تخافي خاله انا احكي معاه
صدق امي غاح تحكي معانو
اي غاح احكي معانو
الله يرضى عليكي يابنتي... ولاتقول اني جيتو وحكيتو بهل شي
لا تخافي ياخاله سرك بيغ
ودعت انعام ام عمر وهيه حست بحجم الحزن الي مسببته اله انه حاي يترك امه وشغله وكلشي ويحبه علمود لانها حطمت گلبه 
ثاني يوم لبست وطلعت راحت عل معمل اول مادخلت  سالت عليه وره دقايق صار كدامها ظل هو ممصدك هيه كدامه
ممكن نتكلم
طبعا اتفضلي... نمشي شويه.... انا اسف عل اخر مرا
ماكو داعي نتذكر الي صار
تمام....
عمر...
عيون عمر
بدا عليها توتر من قربه ومن نظراته الها
عمر
عيونه
خليني احجي... ليش تريد تسافر
انت مفروض ماتسالين عليش اسافر
احنه اذا ماطقنا نحصل الي نحبو مو هذا يعني نهايه العالم
هيه مو نهايه العالم بس الحياة تصيغ رماديه بلا طعم
صحيح كلامك وتخنك بس مو مبرر انك تاذي الحولك
مااماذي  احد
وامك مسكينه غاح تتركها
لاع امي معها اخويه
عمر لاتسافر
يهمج امر
اكيد يهمني ماغيد تاذي حواليك
انت انطيني امل
لو اكدر انطيك امل ماقصر معاك
شهل قساوة العندكي
عمر اسمعني مليح انا راح اقلك شي محد يعرفو لا امي ولا اختي
اشنو قولي
بس اوعدني بشي انك ماتقوله لاحد انا حتى ديمه ماتعرفه
اشنو هو قولي خليتي بالي
عمر انت شاب كل فتاة تتمناه بس اني مااكدر اصير زوجة الك او لغيرك
ليش
انترست عيونها دموع وبدت ايديها ترجف
انعام اشبيكي
انا انا مابنت
يعني شنو....
انا غلطانه مع خطيبي.......
ام احمد