بين الجدران

#بين_الجدران
#ام احمد
السادس عشر
كل خطوه يخطوها كانما جان يدوس عل گلبه مو عل كاع بس هو مضطر للفراق هو يريد يبدي بدايه جديده وبعيد عنها ميريد يشوفها بعد وصعب بعد يشوفها رحلته دامت اسبوع بين بحر وغابه وصولا للنمسا اول ماوصل اشتراه مبايبَل وشريحه وخابر عل اهله
ليش ياابني هاكذ عفتنا ابوي انت حرقتلي قلبي
امي مااطيق اظل مااطيق وربي
كان رحنا عل غير محافظه
امي جاي اقلكي ماطول انا بتركيا غاح اظل اغوح يمهم
الله يهديك ياابني ويغيح بالك
ادعلي ياامي هوني كثيغ وحشه
عمتعيني والله عليك ول امي اغجع
مااطيق هساع اغوح بلكي احصلي مكان بالمخيم
بدا عمر رحلته يو ان وعرض الهم معلومات كامل عن اعتقاله وتعذيبه وصور جسمه وبعد اجراءات طويله منحوه شقه وراتب وعليه ان يدرس لغه ويقوي نفسه
بدت حياة تمشي برتابه اله وقضى وقته بين تعلم ألمانيه وكرواتيه وسكن في ولايه جراتس بدا بتطوير نفسه شويه شويه جان يحاول يلهي نفسه اطول وقت حتى يمنع نفسه من التفكير بيها ويبعدها عن قلبه حيث ان اختار ان يتعلم لغه ست اشهر اي دوره مكثفه جدا و قدم ان يكمل دراسه عدهم وبالفعل بدا يدرس استغل كل ثانيه من وقته....... ويبقى الليل اكبر همه ماان يحل عليه حتى تبدي افكار وهموم تجثو عل صدره وتكاد تخنقه من ضغط عليه..... بدا من يرجع عل بيت يضل يفتر بالشارع يتعب جسده اكثر واكثر حته مجرد ان يستلقي يغفو دون تفكير
سكنو مقابيله سوريين عائله متكونه من زوج وزوجته وطفله عمرها سنتين...ضل عل حاله هذه دون تغير.. حياة روتينيه ممله... لكن مع وجود عائله ابوتيسير بدت امور بالتطور كلما يرجع يسمع اصواتهم وعراكهم وصوت بتهم تبجي هو يكدر يبلغ عليهم الشرطه بس هو جان يريد شي يلهي بدا يوميه يستمع لشجارهم ومرات اب يرجع سكران ويضرب مرته... هو ولامرا اتجرا ودخل
اعتاد باليل ان يشرب كوب حليب وينام بعد ان يستمع طويلا لشجارهم يمل ويدخل ينام دقايق وهو مستلقي سمع احد يدق الباب بهستيريه فز وراح وعبر العين السحريه شاف زوجة ابو تيسير شبه عاريه وكلها كدمات وتبجي.. ضلت هيه تطرق الباب بقوة وضل هو متردد بفتحه نظره مرا اخرى من خلال العين السحرية مرتان الى ان فتح الباب الشقه ومجرد ان فتحه حتى دخلت المرا بدون استاذان وسدت الباب خلفها... هو جان بداخلي خجل منها ومعرف شيسوي...... هيه عليها ملابس نوم ممزقه مكشوف الصدر والساقين... اول خطوه سواها اخذ جرجف عل ميز وسترها بيه وهيه ضلت تبجي وتحجي بالماني بطريقه ركيكه جدا... جانت تعتقد انه هو انه الماني... بلغتها الركيكه تخبره انه تريد بنتها وتتوسل اليه
عافها ودخل جوا يدور عل شي يستره لبس التشيرت وبنطلون وطلع من شافها اشره ابيده ان تهدا وراح عل شقه جارهم اول ماحاول يفتحها انفتحت باب الشقه عباره عن فوضى بفوضى وغراض مكسره ومطشره والبنت جانت تبجي اتقرب عل طفله وشالها اول ماشالها ضلت الطفله تبجي بالزايد اخذها وطلع ودخل لشقته وراسنا المرا اجت عليه واخذت الطفله منه وبدت تسكت بيها
وظلت المرا تهدي بنتها رغم انها جانت بحاله يرثى لها ودم عل كصتها وشفتها وجسمها كله زراك... ضل هو واكف وساكت ميعرف ليش هو ساكت بس بداخله الف سؤال وسؤال بس قرر ان يضل ساكت بدت هيه تتوسل بيه
Bitte NeinAufrufen Mit der Polizei.
Nein Sorge
Danke
راح جاب الها ضمادات وقدملها
Danke
Nein, danke.
راح جاب الها بطانيه ومخده واشرلها عل قفنه علمود تنام
ضلت مرا ملتفه بالجرجف وكل شويه يوكع منها هو جان منتبه عليها شلون نيمت بتها ودفتها وبدت تداوي جروحها
Ich bin InnerhalbSchlafen
Okay
ضل يتكلب بفراشه يحاول ان ينام مكدر شلون اكو هيجي رجال يطرد مرته وهيه بهل حاله وجسمها كله طالع... ضل يتقلب للفجر يله كدر ينام.... من كعد جان الوقت اجاوز العاشره بعد ان فات عليه الدوام اخذ حمام عل سريع وراح عل مطبخ من وصل شاف المرا وبنتها اذكر الي صار البارحه ظل يباع عليهم شلون نايمين مراد يطگطك اخذ سندويش وطلع بوجه عل مدرسته بذاك اليوم مكدر يفهم ولاكلمه من استاذ جان يوم طويل جدا للعاشره مساءآ رجع شاف الشقه مرتبه جدا وعل الطباخ اكل ورقه بيها كلمات شكر بالالمانيه اخذ الورقه وقراها وابتسم وحمد الله انها رجعت عل شقتها.... وجود امراة وياه فد مكان جان يرعبه اخذ حمام وبدا ياكل اول مرا منذ اشهر مماكل هيجي اكل طيب.... كمل اكله واندك الجرس استغرب منو يدك بابه خطر باله انها المراة مرا لخ... القى نظره بالعين السحريه كانت هيه مرا اخرى ظل واكف وهو ميريد يسوي علاقات ويه الجيران وميريد يعرفون انه عربي حتى لا تقوة علاقتهم وياه.... دكت الحرس مراا لخ فتح الباب
Guten Abend
Abend des Lichts
Wollen Ich bin nicht Danke
Nein Dankte Auf der anderen Seite.Pflicht
ابتسمتله وانطته حلو وراحت
اخذ الحلو دخل لجوا...... خلال ساعه وبدت مشاجراتهم توصل لمسامعه ويه نفسه عزم ان ميفتح الباب هل مرا او يخبر الشرطه افضله....... يعرف قوانين هذا البلد كلش زين... وصرامته اذا عرفوا ان اكو طفل مضطهد ويه عائله كلها مشاكل راح يسحبون منهم الطفل اخذ موبايل وضل يگلب بيه هل يخابر عل شرطه لو لا واذا مخابر خاف رجل يرتكب جريمة بقتل مرته وطبعا راح يحملوه مسؤوليه لان راح يسالوه ليش ما بلغ عنهم وتركهم يوصلون هل مرحله من العنف.... لهذا اتصل وخلال همس دقايق هو جان يتفرج من العين السحريه وهو يشوف الشرطه تاخذ الاب بعيدا عنهم... اخذ نفس وهو يطمئن ان هاي المسكينه بعد متنضرب... شرب الحليب وراح استلقى عل فراشه ثواني واندك الجرس استغرب منو راح يدگه من طلع شاف المرا كدامه واول شي سوته ضربته..........
**********
لمن رجع جان محبط لدرجة جبيره وهو يعرف انه اتخله عنها بس هذه كانت رغبتها هيه... هيه رافضه مساعده ورافضه حبه بسبب زواجه استقبلت رونق افضل استقبال اخذ بنته وباسها
الحمدالله على سلامتك
الله يسلمكي اتقربت عليه وطبعت عل خده بوسه خفيفه اشتاكيتلك
حس روحه شكد حقير وهو قبل يوم جان عازم ان يزوج عليها
حضريلي الحمام اسبح
ادلل ثواني
ضل يلعب بنته واذكر انها مفروض تروح عل دكتورة وتعرف جنس الجنين هو بداخله يتمنى الولد الي يشيل اسمه
ولي وينكي تعالي
جيتوو حضرته بس تطلع اطمشك اش اشتيرتو من السوق
معامن غحتي
مع امي
اشقالتلك الدكتورة عل تصويغ
ضلت ساكته واختفت الضحكة من وجها
اشبيكي انلصمتي
اشبيك فهد كله رزق من الله المهم صورت التمام
يعني بنت
هاي اراده الله اشعمل
طمامي طمكي لا اسبح ولااكل دنام
عافها وصعد عل غرفته وظل يتكلب بفراشه يريد يبعد ديمه عن تفكيره ضل يفكر اشبيك فهد كوه تريد البنت ترضه بيك شوف نفسك مشوه الجسم انت واعرج ومزوج يعني عل شنو توافق عليك ومقابيلك دليار غني وجنه طاوس هلكد ماحلووو... يعني ترفض دليار علمودك انت فهد اصحى ضل يتقلب لمن غلبه النوم........
اتقربت ولادة رونق الي جانت تجيب بس عمليات بسبب عدها ضيق بالحوض
فهد يحتاجلنا كم فلس
اي اعغف جاي تغشعين حالي خسرتو كلشي
انا حكيتو مع اخوي وقلي يطيق فهد ياخذ سيارة مل حمل ويشتغل عليها
وهو قللكي لو انت غحتي تبكين بوجهو
فهد هو يعغف حالك وبباخص ان محد يشغلك بسبب عرجك وانك كنت بالسجن وحب يساعدنا
ولكي دقصو لسانكي اشنو اعرج... كام عل حيله ولزمها من شعرها
فهد والله اذا ضربتني اموت انا حامل
ولكي اسمعكي عتقولين اعرج اقتلكي والله
توبه ماعد اعيدها
واخوكي خرا مااشتغل عندو فهمتي
براحتك بس اتركني عيوجعني غاسي
ولي مننا طمامي طمكي
طلع من البيت وركب سيارته وبدا يشتغل تكسي ظل بالساعه يفتر لمن اشرله واحد من اتقرب عليه عرفه هذا واحد جان ويه اخوه ورجع قبل فتره عل موصل جان وياه كم غرض
اشلونك ابو سمر كيفك
مليح وانت
بخير وصلني عل طريق خارجي
ضل صافن لحظه وفكر اشيله احسن من ماكو شغل وراه مرته وعمليتها
اصعد اوصلك
ضل الطريق كله هو ساكت لمن خلصوا البيوت كلها وقبل مايطلعون عل طريق خارجي ماحس اله مروحيه امريكيه فوق راسهم وكدامه همر وراه همر وبدا ينادون عليهم ان يترجلون من السياره..............
،، *********************
ضلت هيه مصصمه تامن لاابنها كلشي وطلبت من نسرين خانم مساعدتها
والله يابنتي معرف شكلج هو صح يحب الفلوس بس روحي شوفي مرته شلون مدللها وكلشي تحت امرها
بنتي انت بعدج شابه وحلوه ودليار راح يدللج وهو راح يرجع حق ابنج من عين هيرو خانم
بس اني ماريد ازوج
ياعيني بعدج تحبين ياسين
سكتت وانطتها ظهرها
نسرين خانم ان خضت تجربه كلش صعبه جنت طفله بهاي تجربه خسرت اهلي وخسرت ياسين لهذا من اريد ابدي من جديد لازم افكر الف مرا يله ابدي من جديد
حقج والله ربي يسهل امرج يابنتي
نسرين خانم راح اشرط عليه عدة شروط واذا وافق اني راح اقبل بيه
من حقج تشرطين
تمام راح ابلغج كل الشروط وانت بلغيه وشوفي رده
ان شاء الله
دخلت الغرفتها وبدت تحسب كل خطوه الها اخذت ابنها الحضنها
انس حبيبي راح اسوي كلشي علمودك انت حتى تعيش حياة احلى من حياة امك
ماما اريد اروح عل مدرسه
ان شاء الله حبيبي تروح عل مدرسه
ابتسمت وهيه تعرف راح يسجل ابنها بمدرسه.... عافته وكامت عل حيلها وكفت كبال مرايه شكد متغيره وين جانت وشلون جانت مدلله عد اهلها وشكد شافت ضيم من جوع وبرد... ايديها هايه اشكد اشتغلت وشلون نامت ايام بلا غطه وبلا اكل علمود ابنها ياكل ويشرب وينام دفيان.... اخذت نفس وهمست بصوت ياسين اني ماضيعت امانة الي زرعتها بااحشائي وهاي اني ارجع اسمه ورثه
مرت ايام واجاهم دليار عل بيت نسرين خانم
دخلت عليهم وقدمت اله قهوة وكعدت عل قفنه مقابيله
شلونج ديما
بخير
اني موافق عل كل شروطج
ابتسمت... جنت اعرف انك راح توافق
ابوج اجيبه واخلي امهر اطباء يعالجوه واسجل بااسمج فيلا ومانزوج الا بعد ان يحصل ابنج كل مستحقاته
نسيت شرط اخير