مسائكم عسل صافي
#بين _الجدران
#ام احمد
الثاني والعشرون
ضلت انعام نفس حياتها بس الي حلى حياتها وجود ابن اختها حسان الي هو نسخه جان عن عمر يشبه كلش عيونه ملامحه... من ترجع من شغل تضل تلاعبه لمن يصير وقت نومه... اتعلقت هوايه بطفل وبااخص بعد ما حبلت مرا لخ اختها الكل فرح بهذا الخبر بدت ايام تصير بيها طعم ورح وجمعتهم خلتهم ينسون الغربه ... هيه كاعده وظل مبايل يرن انتبهت عل اسم مكتوب عمر اخذته وضلت تنادي عل ام عمر
خاله وينكي هذا عمر عيتصل
اي جايه....... حست داخلها بشعور غريب من قرت اسمه صار اربع سنين من اخر مرا شافته وباحت اله بسرها الي هو الوحيد كدرت تكوليها رغم ان رجل وغريب عنها فصل اتصال..... لحظات واجت ام عمر واخذت مبايل وبدت تتصل هيه عليه
اشونك ابني مليح...... يمه ضل بالي عليك من اتصلت بنص الليالي...... عمرك طويل يمه...... صدك تحجي ابني صدك الله فرجها عليك يمه مجاي اصدك
كامت تهلهل وتبجي وتحمد الله وتشكره
خير خاله شكو
عمر غاح يزوج..... سمعت الخبر حست بغصه بلعومها... واتغيرت ملامحها معرفت شنو سوي بس انها تطلع من شقتهم وترجع عل شقتها دموعها ظلن محبوسات لا هنه نزلن وارتاحت ولاهن رجعن....هناك بداخلها وجع متعرف ليش وضلت تذم بروحها وتحجي ويه نفسها.... يعني شتريدين منه هاي اربع سنين هو بالغربه وقبلها تلث سنين هو يريدج ويتمناج شتريدين يعني ميزوج لو يضل عايش عل ذكراج.... انعام انتِ ليش مقهورة جنتي تردين مو رفضتي.... جانت بداخلها صراع ابين ماضيها وابين واقعها انها بنت مو عذراء وبدون زواج.... كان من ممكن من تگله عل وضعها ان يضمها ويواسيها ويطلب منها ان هو راضي بواقعها لكن هيه من شافت سكوته عرفت ان بداخله هو رافض اي بنت مسلمه روحها قبل زواج وراح يضل ينظرلها نظره دونيه.... ضلت مصدومه وافكار تعصف بيها ضلت يومين متروح عل شغلها ولا راحت عل بيت اختها
انعام وينكي اغشع ولاجيتي عدنا
خفتو عل احسان وعليكي شويه برد عندي
اهااا دعملكي شوربه لكن
لاع ماغيد غوحي عل ابنكي انا شويه واصيغ مليحه
انعام عرفتي عمر عيزوج
اي ربي يسعده
بس خاله ام عمر ضاجت من عرفت
اشعرفت البنت غاح يزوجها عمر ما مسلمه ومطلقه هم و مو عراقيه سوغيه
اهااا.... يجوز حبها... الحب مايعرف لا دين ولا مذهب
معغف جاي تقول حظو ابنها نيم بالطهاغه
هههههههه ولي يكفي غوحي يله
حست بصيص امل لمن عرفت ام عمر مراضيه عل زواجه ال عمر واجتها نوع الطاقه ايجابيه.. لااول مرا تتمنى شي الا وهو رجوع عمر الها.....ثاني يوم من رجعت من شغلها مرت عل بيت اختها وضلت تلعب حسان لمن شافت مبايل ام عمر اخذته وفتحته واخذت رقم عمر ورجعت مبايل لمكانه ضل گلبها يدك عل سريع وبااخير سلمت عليهم وراحت عل شقتها وضلت كل شويه تفتح مبايل وتسده... داخله يريد شي بس هيه متعرف شلون توصفه بااخير كتبتله رساله
