مـسـآگمـ فل ويآسـمـين
#بين _الجدران
#ام احمد
الحادي عشر
رجعوه عل الحبس انفرادي وكلو إله محامي كل ادله ضده وره عده مقابلات وتحقيقات وبفحص جثه الجندي أمريكي طلع الي اعتدوا عليه همه اثنين من خلال ضربه وتحليل بصمات عل الزي العسكري مالجندي امريكي وان اي بصمه لفهد ماكو لااكثر من مرا حولوا عل محكمة الساعه ابغداد وثبت برائته من الجريمه
واخيرا حس براحه بعد أن كان حبل مشنقه حول رقبته ملتف طلع براءة وبرئته المحكمه وانطوه إفراج عام لان ماكو دليل ادانه إله ماصدك نفسه ان راح يطلع من الحبس واخيرا ويرجع عل بيته وبنته رجع عل سجن لمن يصدر ينفذ الحكم من قبل امريكان ضل ينتظر لحظه افراج عنه كانما هيه ولاده اله من جديد ميريد بعد يفكر بعد بشي غير انه يطلع وراح يضم بنته لصدره ويشوف ابوه واخته يريد ينسى كلشي صار بيه اهنا يريد يرجع عل مدينته هو بعد عنها تعبه مرت ايام وايام بس محد طلق سراحه وبدا الرعب يملي صدره مرا لخ ان بقاء بعد راح يرجع التنظيم عليه مرا لخ
خاف من مكيده او ان يصفوه صار مثل الطير مكصكصين جناحه يريد يطلعه ريش عل سريع ويرجع عل مدينته راح عل الجندي امريكي وحجى وياه
هيه انت اريد احجي ويه ضابط
Come back
هيه اريد اشوف ضابط
Come back
بدا يتقدم وامريكي يصرخ عليه لحد ما شهر عليه السلاح وسحب عليه اقسام
مراح تخوفني اريد اشوف الضابط
Hold on Okay don, t Moving
اوكي اني انتظر
دخل عل ضابط وياه مترجم
اني ويايه حكم براءة واسقطت عني التهم عليش ماتطلقون سراحي
الحكومة العراقيه اسقطت عنك التهم لكن نحنا لا
ماعم افهم ليش ماطلقون سراحي
نحنا مانحترم حكومتك والقرار النا
الله يلعنكم الله يلعنكم
يله اخرج برا
طلع وهو يشتم ويسب بيهم
وخر ايدك عني حقراء انجاس
رجع للكامب وهو يضرب بالغراض ويفشر ضل الكل يتفرج عليه محد تجرا يوكفه دخل بحاله من الهستيريه والغضب العارم ضرب الحايط باييده وكسر زجاج بدا الدم يطلع من ايديه بغزاره حس بتعب وارهاق كص ما بدلته وشد ايديه اتمنى ينام ويكعد يلكه هل كابوس خلصان وهو بيته...
**************
ظلت مصره عل رايها انها ترجع عل بلدها وكفت انعام بوجها
ديمه انت لاتفكرين بروحج فكري باانس
شبيه انس
انت اذا صار عليج شي منو اله
ابويه اله حق عليه واني سبب كل هو بيه
ديمه انت جنتي مراهقه وهمه دفعوج لهل تصرف هسه انت واعيه وتفتهمين رجوعج يعني موت ويعني ابنج راح يتيتم
(ام انعام) بنتي هو انت عندكي فلوس طياره طيب غحتي هونيك ويصب تسكنين كله ينغاد اله فلوس وانت بالدوب عندكي كم فلس
رجعت كعدت بالكاع وبدت تبجي
بنتي اغشعي هساع انت غوحين مسوؤله عنها غوحج وغوح ابنكي لاتصرفين تصرف يخليك ترتكبين اخطاء مثل ماضي وخسرتي بيها اهلكي وزوجكي
رفعت راسها ودموع ملن عيونها اذكرت موت ياسين انعصر گلبها
ليش مات وعافني وحدي ليش هو وعدني بحياة حلوه وينها الحياة الحلو شو كل ضربه اخذها رجال مايتحملها وهذا ابنه ضل بلا جنسيه...... لا لازم أرجع عل بلدي واواجه مشاكل ميصير اضل مهزومه منها لازم اثبت نسب ابني اولا وبعدين اصلح الخراب الي قدمته لااهلي
انت ناسيه شغله انج داخله بجواز مزور واجيتي تهريب لو نسيتي متكدرين ترجعين قانوني واذا لكفتج سلطات تركيه راح تمنعج خمس سنين من دخول لااراضي تركيه
ارجع قجغ
وابنج
اعوفه يمكم
ظلت ساكته وهيه تشوف مفاجأة عل وجه صديقتها لان قررت تعوف ابنها يمهم
اني مضطره...لازم اروح عل اهل ياسين
تندليهم
اي اعرف وين ساكنين... واخته هم اعرف وين ساكنه.....
ترحين وحدج قجق
اي
صخام
ليش مو قبلها اجيت وحدي
هسه انت ممضطره ديمه اعقلي وخليها للايام
اني لازم اصرف لاني وحيده وشوكت يعني اصبر الما ابني يصير بالمدرسه.... لا هل اسبوع اني اطلع واعرف منو راح يساعدني
منو
بلال اخلي يشوفلي مهربجي
اوف انت بيج شي والله يستر عل حسوي
(ام انعام) بنتي فكري مليح وابنكي هذا بعيوني بس لاتتهورين
لا خاله اني راجعه علموده وعلمود والدي
كل القوة الي اضهرتها كدام صديقتها جانت زائفه هيه داخلها هش وخايفه بس هيه تريد تخلي نهايه لهروبها تريد تثبت نسب ابنها
ثاني يوم حجت ويه بلال وفهمته كلشي
اني مستعد اساعدكي والله بس هساع الحدود شويه مخربطه انتظري شويه احداث تهدا
ارجوك حاول
ياستي اصبغي كم يوم والله كغيم
طيب عل ايام الجايه ان شاء الله
ان شاء الله
رجعت بذاك اليوم عل امل انها راح تنهي هل دوامه الي هيه بيها كل تريده جنسيه لاابنها تثبت نسبه وتشوف ابوها وتطلب من السماح....
********
عمر صلاح الدين افراج
سمع هل خبر ماصدك روحه الفرحة عقدت لسانه بس دموعه تنزل ماصدگ يطلع عايش كلها وايام ويرجع عل مدينته بعد اجراءات بحدود الشهر افرج عنه رجع عل موصل مثل الطفل ومضيع امه معرف شلون يركب وشلون نزل الطريق كله باله شغله وحده هيه يشوف امه وهو هم يريد يرجع عل تركيا ويشوف حبه الي شاغله باله ليل نهاروصل للبيت مادك باب عبر من فوكه يريد يصير راسنا كبال امه جانت مريم بالمطبخ دك باب المطبخ وهيه استغربت منو يدك الباب فتحت وشافته عاطت وحضنته وهيه تحمد ربها عل نجاته ورجوعه الها سالم ضلت باايدها تتلمس بجسمه يمه مابيك شي يمه خوما متعور
يمه مابيه شي
رجعته لحضنها وظلت شابكته مغمضه عينها تخاف تفتحه ويطلع حلم
يمه اشبيكي
خاف يطلع حلم
لاع هاي حقيقيه
خاف يمه اخاف
لاتخافين
عمر نطلع منا مانبقى
تجين معايه
اي ماضل هوني ابوك وماغيده
من غدا اعملكي جواز ونسافر
اي اغوح اغشع الي خذت عقلك
امي تجنن
المهم تحبك وتصونك
غاح تحبني هساع اخليها تعشقني
ان شاء الله
بدت رحلته ويه ابوه الي جان عايش مراهقه وبعد عده ايام كمل جواز مريم وطلعو وتركو كلشي وراهم تركوا مدينتهم تركوا الرعب والحزن الي عاشو وكلشي مر عليهم من الم وكسر ومرض وموت........
