بين الجدران

#بين _الجدران
#ام _احمد
الخامس
فتحت الباب وشافته گبالها ماصدكت هو گبالها شهكت وحضنته غير مباليه للناس خارج البيت
_ياسين وينك ليش هيجي عفتني
ظل هو ساكت وخرها
_اكدر ادخل
_اي اتفضل.... وين جنت ظل بالي عليك
جان تعبان وشكله متغير واصلا ولا مبين مشتاق الها مو نفس النظرات الي جان يشوفها
نظراته بارده وغامضه
كعد بالاستقبال وظل ساكت وهيه ظلت تحوم وتسال بيه بس هو ظل ساكت
_ديمه اريد احجي ويه ابوك
_كلي شصار احجي وينك هاي عشرة أيام انت ماكو
ظل مدنج راسه
_ياسين شيل راسك واحجي
_مااكدر احط عيني بعينك
_ليش احجي شصاير
_انتظر ابوك يجي واحجي
_وين جنت
_بسليمانيه
_يم طليقتك..... طلگتها احجي ترا صرت أعصاب
_ديمه مااكدر اطلكها اسف
_شتقصد احجي..... ليش متكدر.... والله راح اموت إذا محجيت
قبل مينطق بكلمه دخل ابو احمد واحمد وامينه وكلهم عيونهم عل ياسين
وكف ياسين وسلم عليهم وظل مدنج راسه
جان احمد متوتر اكثر واحد وظل يروح ويجي ينتظر ينطق شي
_اني راح احجيلكم كلشي بدون كذب وانتوا شتقرورن اني حاظر
حست ديمه ان كلماته هاي مثل سهم وانزرع بااحشائها
(ابو احمد) احجي شكو؟
_مااكدر اطلك زوجتي
حطت ديمه ايدها عل حلكها وبدت دموعها تصب وهيه تشوفه منزل راسه ويحجي باانكسار
_ليش متكدر احجي
_اني قبل خمس سنين جنت مجرد عامل عند عمي اشتغل من ازوجت بنته سواني كلشي بكلشي واشتغلت بامانه وكدرت اوسعه للمعمل بس عمي كله سجله بااسم مرتي..... من رحت حتى اطلك شفت كلشي بااسمها واي شي ماعندي اني حته البيت مالتها واذا طلكت يعني اكعد بالشارع
_اي وهسه انت قررت متطلك
_كلشي يسحبوه مني إذا طلكت
_وبنتي لعبه جانت باايدك مو
_لا اني صادق وياكم وهاي اني احجي الحقيقيه.... مستعد اتنازل عن كلشي لمرتي لكن بشرط أظل ازوج ل ديمه بس ماعندي اي شي لابيت ولا اي عمل
_اسمع تروح هسه تجيب الشيخ يفسخ العقد
مكدرت تسمع هل شي وتسكت
_لا لا اني راضيه بيك مهما كنت ماهمني بيتك لو معمل اليهمني انت
ظل ابوها يباع عليها
_اسكتي شنو تكعدين بالشارع.... امشي طبي جوا... هذا نتيجه مشي وره حجيج
_اني راضيه بيه مثل ماهو
_طبي جوه... اجه اخوه وجرها ودخلها جوه
ظل ابوها ساعه صوته يعلى وساعه ينصه
ظلت هيه تلوب وتنتظر النتيجه وره نص ساعه راح ياسين وظلت هيه تباع بالوجوه تريد تعرف شنو النتيجه
_تعالي احجي وياج
_يابه الله يخليك لاترفضه
_لج بابه كلاوجي شبيج
_لا مو كلاوجي
_شلون عرفتي انت بابه متشوفين زين اني اتفقت وياه ان يطلك خلص
_لا يابه مااكدر
_لج شنو بكيفج نمشي احنا
ظلت ساكته وجواه الف صرخه تريد أن تضل وياه هاي حياتها هيه وهذا حبها متريد تتخلى عنه
بليل انتظرت الكل تنام وخابرته
_ياسين ليش تريد تعوفني
_مااكدر اطلگها واذا مااطلكها مااكدر ازوجك لان هو مايقبل ازوج عليه
_طلگها واني اعيش وياك عل خبز وجاي
_ديمه خاف عليج
_اني علمودك كلشي اتحمل بس انت تطلگ
_ابوج گال طلگ
ظلا تقبل
_شسوي كولي
_مااعرف المهم متعوفني
_ديمه انت هسه مرتي ومن حقي اطالب بيك
_اي مرتك
_ننهزم
_شنو لا لا شلون وابويه
_ديمه ابوج كال ماعندك يمنا مرا گتله اطلك وانعيش اني وانت عل حلوه والمره ماقبل وكال طلگ وراسك فوگ رجليك
_اصبر ان شا الله اكو حل
_ننهزم عل الشمال واهناك نزوج شتكولين
_ياسين أبويه يموت والله
_راح اماطل واحاول وياه مرا لخ
_اي حاول واكيد راح يرضى