بين الجدران

#بين _الجدران
#ام احمد
التاسع
داخله يعرف انه راح يموت بس بقى يختار شلون يموت اما بطريقه مشرفه او مخزيه جان يردد ويه نفسه كافي ذل مراح اخضع الهم راح أخذهم ويايه لجهنم
إذا كان مقرر الي الموت فلازم اموت بشرف.... اول شي اخذ من أدوات الاكل ملعقه وشوكه وكسر طرفها وحدها باارض اسمنتيه يردد ويه نفسه اخذكم ويايه اجه وقت واتصدى الكم مراح اخليكم تتحكمون بيه بعد لازم اقوي قلبي صار خلال نهار ينام وبالليل يضل ينتظرهم يعرف بيهم غداريين وراح يباغتوه جان يضل كاعد ينتظرهم كل مرا ياخذ من أدوات الاكل ملعقه ويكسر طرفها ويحد ويضمه بمكان يختلف عن مكان آخرى
مشكلته هيه رجله وعوقها من غير إصاباته بصدره بعدها ماطابت
الليل عنده صار طويل ومايمشي جانت ذكريات مترحمه وتاخذه بعيدآ عن مكانه
قبل سنين طويله من جان عمره اثناعشرا سنه ذيج الليله دخلوهم أمن وبدؤا يفتشون بكل مكان عل اخوه الي جان هو مهزوم بسبب نشاطه بالكليه ويه جماعه
ظل هو خايف منهم وكاعد بالفسحه جوه الدرج بعد أن أخذوا ابوه وأخوته أكبر منه وطلعوا ظل هو واخته مريم وأخوه حسان خايفين
وره ايام راحوا عل بيت عمهم وظلوا سنه وطلعوا ابوه واخوته اما اخوه فظل غايب عنهم ماشافه الا وره كم سنه اجاهم بليله ظلمه عبرهم من السطوح جانوا نايمين حس بوجود احد يتحرك راد يصرخ بس اخوه سد حلكه
ويصب ابوي
ضل يباع عل اخوه بخوف
اشبيك فهد
ارعبتني كثيغ
انت غجال لاتخاف فهمت
ذيج الليله جان اخوه عيونه تلمع وبيهن شي غريب
ابوي طلع وهو اخوتي
فهد اسمعني انطي هاي ورقه لاابوي فهمت انا غيح
ماتنزل تغشع ابوي
لاع تأخرتوا ليغوح يحسوني عليه امن
وقبل مايعبر اخوه السطح جان أمن يطوقون بيتهم واعتقلوا لااخو........ من ذيج اللحظه وهويشوف اخوه ينضرب ويقيد مثل نعجه
وبسبب هل هوسه ضل فهد واخته وأخوه حسان
من ذاك الوكت هو حاقد عل اخوه لان هو سبب تفرق عائلته
انتبه عل نفسه قبل ميغلبه النوم كام صحصح واتأكد من مكان عده مالته انتجى ظهره عل رأس الجربايه واتنمى عنده جكاره واستكان جاي يساعدوه عل سهر للفجر بدا يوم جديد وبدأ التعداد وتسليم وجبه إفطار بعد أن استلم اكل أخذته نومه طويله... ماحس إله وره الظهر كل واحد جان ملتهي بحاله حظر نفسه وراح عل حمامات واتوقع انه راح يلكاهم اهناك بس خاب ظنه
ظل ايام هو يتوقع هجومهم عليه هو يريد يقاتل بكل جوارحه ميريد بعد ينضرب وينهان منهم.... مرت اسبوعين وحس انهم يمكن نسوه او يمكن همه يردون منه هو ينسى لكن هو ظل عل اهبه استعداد.. هو مل من حياته ويريد ينتهي هل عذاب الي هو بيه... كل حواليه يتخيلوا مجنون او جاسوس عليهم لان ابد مخالطهم واغلب الموجودين يعرفون عداوته ويه التنظيم فيخافون يتقربون منه ليكون مصيرهم مثل مصير ابو عبدالله... تحسنت صحته وبدأ يكدر يتنفس براحته بعد أن جانت اغلب أضلاع مرضوضه
بذاك اليوم من رجعته من طبابه حس اكو احد يمشي وراه بطئ بالمشي واندار وشافهم كباله ملثمين هل مرا هو ينتظرهم... هل مرا هو يريد المواجهه وياهم.. هو يريد يثار لنفسه لكرامته لصديقه... كل مرا يرتعب منهم لكن هاي مرا لا هو مستعد صح همه اثنين وهو واحد... همه عدهم سجاجين هو عنده ملعقه وشوكه حادات... يعرف كلش زين ان هو راح يموت بس مراح يموت لوحده... هجم عليهم بكل ما أوتي من قوه كل الي جان كدامه هو صورة راس صديقه يتدحرج كدامه ماعرف شلون ضرب اول بصدره والثاني باايده... همه ممتوقعين ان راح يضربهم بشي حاد الي انضرب بصدره وكع بالكاع اما الي باايده ظل يتلاوه وياه وكل هجمه جان هو يطلع شي ويغرسه بيه بكل قوة وحقد وكره... ظل رجال ينزف من ايده من وجهه من بطنه بس كلها إصابات سطحيه.. ويه كل ضربه يضربها جان يحس بقوة غريبه بداخله كبت وحقد وكره لدرجه ان نسى كل ألم رجليه وصدره وشال صخره ونزلها عل راسه للرجال الي فقد وكع... انتبه عل رجال الثاني يريد ينهزم. اخذ السجينه من ايد رجل مضروب براسه وراح بكل جنون عليه وكمشه من راسه ونحره وظل الدم يتطافر بكل مكان من شاف الدم حس عل روحه وذب السجينه من ايده واتراجع ليوره وشاف أمريكان يركضون عليه... كلشي صار بدقايق وهو بعده عايش.... هو انتقم لنفسه ولصديقه.........
وره حبس انفرادي لمده ثلاثه ايام تم استدعاءه
اتفضل سيد فهد.... نحنا راح نحاكمك لان قتلت
انا ماقتلت.... انا دافعتو عن نفسي... لوما ادافع كان هساع غاسي هوب طاغ
كان ممكن ماتقتلهم
عجيب همه اثنين ومسلحين اشتغيد مني اعمل... انت لاتحاسبني انا حاسبهم همه
انت كنت مسلح
ضحك بهستيريه
ول أبويه انت اشبيك همه اسألهم مين جابو سكاكين انا كنت شيل شوكه وملعقه.... انا دافعتو عن نفسي... واذا طلعتمي غاح أظل ادافع عن نفسي
يعني انت مستعد تقتل بعد
انا ماقلتو هاكذ... قلتولك ادافع عن نفسي... يعني مو ااغوح اقتل ناس ابغياء اكو مثل يقول الي يرميني بمي اغميه بناغ
راح نرجعك عل حبس انفرادي
اسمعني مليح انتم تحاسبوني لان دافعتو عن نفسي... وماتحاسبون الي يقتل الناس
يله اخذوه
ظل حبيس لوحده مع عقوبات عديده الحرمان من نوم ويضل فتره طويله بوضع قرفصاء والوقوف تحت اشعه الشمس او وضعه مقيد تماما مع عزله عن حواسه كلها
لمدة شهر كامل خرج شخص آخر... شخص صار يدافع عن نفسه بشراسه ويتمنى احد من التنظيم يتعرضله يشرب من دمه ويقتله بدم بارد...... صنعوا منه انسان اخر انسان صعب أعصاب انسان مستعد يقتل......
**********
عمر خلينا نتغدا
كوي اسامه قال اجي
ماجا لساته
هساع يجي
(قرب احد دوريات الحرس)
صار رمي عليهم أدى إلى قتل اثنين منهم
من سمعوا صوت رصاصات بدا عمر وصديقه يركضون وماهي الا ساعات اطوقت المنطقه وتم اعتقال اغلب الموجودين من ضمنهم عمر وصديقه اسامه
بعد أيام من تحقيق وتعذيب عرفوا منه أنه خاله مع التنظيم هل شي زاد من وضعه سوءآ
قلتوكم انا ماعليه بالحادث وربي ماعليه
اسكت انت جيت تكمل عمل خالك وهابي
وربي انا مغشتوا لخالي صاغ سنين
والله دنخليك تنسه اسمك يا گ......