Our Messy Hearts ✔

Chapter 5: Unknown Number

Our Messy Hearts written by ZuXiner

Chapter 5

"Pssst, hali ka na rito," tawag sa akin ni Angela nang makarating ako sa loob ng classroom. Umupo ako sa bakanteng upuan malapit sa tabi niya.

"Saan ka ba nagsusuot? Ba't di ka sumunod sa cafeteria?" tanong nito na panay tipa sa kanyang cellphone.

"Sumama kasi 'yong tiyan ko kaya tumagal ako sa CR kanina." I lied. Napahinto siya sandali sa pagtitipa at tumango na tila kino-convinced ang sarili.

"So, kumusta na ang 'TIYAN' mo?" tanong pa niya at in-emphasize ang salitang tiyan.

"Ayos na," tipid kong sagot. "Where's Marv?" Pag-iiba ko ng topic. Tinungkod ko ang kanang siko sa tapat ng bintana at nag-face palm.

"Sinamahan yung tatlo sa Dean's office." Sagot niya. Hindi na ako muling nagtanong pa. Tsk. As if naman tatanungin ko kung anong ginagawa nila doon. Hindi ko pa nakakalimutan ang insidente sa pagitan namin ni Jonard noong nakaraang gabi at naiinis din ako sa pagmumukha ng Louwiee na iyon. Hamakin mong sabihan akong lumayo? Eh ano pala ang ginagawa ko? Lumayo na ako, sila Marvie at Angela lang naman itong pumipilit sa akin. Nakakainis!

Napakunot ang noo ko nang makitang iniligpit ni Angela ang sariling gamit at saka tumayo, "oh, Arianne? Hindi ka sasama sa akin?" Tanong nito.

"Saan ba punta mo?" Walang buhay kong tanong.

"Nag-text sa'kin si Marv na doon nalang daw tayo magkita sa STEM Department. Malamang kasama niya yung tatlo." Tumango lang ako sa sinabi ni Angela. Sasabihin ko na sanang huwag nalang akong sumama pero kaagad niya akong hinila pababa ng I.T Building.

"Be gentle, Angela. Hindi 'yong manghihila ka nalang ng walang pasabi!"

"Ohwss, sorry, hihi." Ngisi niya at binitawan  ang kamay ko pagkarating namin sa STEM Department. Psh. Inayos ko pa muna ang blouse na suot ko dahil medyo gumusot ito.

"Hey Marv, anong meron ba't pinapunta mo kami dito?" Sigaw ni Angela pagkakita palang kila Marvie. Lumapit muna si Marv sa kinaroroonan namin saka sinagot si Angela. "Wala lang," ngumisi lang si Marvie ng nakakaloko. Tinitigan ko siya ng masama.

"Hinila pa ako ng bruhildang 'to pababa ng I.T Building tapos sasabihin mong wala lang?" I complained. Napangiwi naman si Marvie dahil doon.

"What? Ako, bruhilda? Wow naman beshy," hindi makapaniwalang tanong ni Angela.

"Are you deaf?" Dagdag ko para lalo siyang asarin.

"Me? Bingi? Bakit ano ba sinasabi mo ha?" Nanghahamon na saad ni Angela. Pfft~

"Chill lang guys, hahaha. Mukha kayong may dalaw na dalawa." Singit ni Marvie. Sakto namang dumating ang tatlo sa kinaroroonan namin kaya tumahimik kami ni Angela.

Naunang nakarating si Vixter at nakasunod naman sa likuran niya ang dalawang Fuentes. Blanko lang ang expression ni Jonard samantalang kanina pa ngiti ng ngiti si Vix. Model ba siya ng colgate?

"It's a tiring day, pwedeng huwag muna pumasok sa last sub? Nakakatamad." reklamo ni Vixter. Sinapo naman ni Jonard ang ulo ni Vix. "Mang-chi-chix ka lang, alam ko na 'yan." Ani Jonard. Imbes na bigyang pansin ang pag-uusap nila ay nasa-likod nila ang atensyon ko.

Napatitig ako kay Louwiee dahil sa usual poker face expression niya. Ilang segundo ko pa siyang tinitigan pero bigla ko rin iyon iniwas nang mahuli niya akong tumitingin sa kanya. Ewan ko, pero mayroon sa loob ko na gusto kong malaman kung bakit ganyan siya. At isa pa, 'di ko talaga gets 'yong sinabi niya. Hindi naman sa bobo ako ah, nakakaintindi ako ng english pero hindi ko lang maunawaan kung bakit ganoon nalang ang gusto niyang layuan ko sila ng kapatid niya. Hindi ko naman sinasabing lumalapit pa ako. Nilalayo ko na nga ang sarili ko pero sadyang makapit nga lang ang dalawa na akala mo'y hindi nila ako kaibigan. Pakiramdam ko nga ay parang mas inilalapit pa nila ako sa dalawang mukong na ito.