A Forbidden Affair (Guieco Clan Series #2)

CHAPTER 27- LUCKY ONE

"Good morning, Marci, my pwend!" nakangiting bati sa akin ni Kenya.

Ang ganda naman yata ng mood niya ngayon? Eh kahapon lang ay parang gusto niya ng ipa-salvage ang asawa niya at si Beatrice, ah?

May pagka-bipolar ba talaga ang mga Guieco?  Well, bakit pa nga ba ako nagtatanong, eh halata namang 'oo' ang sagot, eh.

"Good morning," tipid kong tugon at napatingin sa counter para hanapin ang lalaking text nang text sa akin na dito na lang kami magkita.

Pinigilan kong mapasimangot nang makitang nilalandi na naman siya ng babaeng dahilan lagi ng kaguluhan dito sa DH.

"Good morning, Marci, baby!" sigaw ni Mer mula sa kusina nang similip ito sa pull-out area.

Napalingon naman siya sa akin at nginitian ako pero hindi ko ginantihan iyon. Ngingiti pa ako eh sa halos ikiskis na ng linta ang katawan nito sa kanya eh.

Idagdag pa na nakapulupot na naman ang kamay ng babae sa braso niya.

Putulin ko kaya ang mga braso nila pareho? O mas mabuti kung kay Beatrice lang.

"Uy, martes pa lang pero 'yang mukha mo parang pang biyernes santo na, ah?" puna pa sa akin ni Xandria ng dumaan ito sa gawi ko. Hindi naman ako umimik.

"Stay away from me ,Trice," malakas ang pagkakasabi niya niyon kaya lahat na nandidito ay napatingin na talaga sa kanila pero pasimple lang iyon. Gawain ng mga chismosang kapit-bahay.

"Duh? Bakit? Single ka naman, 'di ba? Tsaka may magagalit ba?" Natatawa at may halong kalandian pa ang boses ng babae. Napasinghap pa muna siya bago tumugon.

"No, hindi ako single and yes may magagalit," deklara niya sabay saglit na sumiring sa akin.

"Owws," rinig ko pang sambit ni Kenya.

Malamang sa malamang ay hindi na naman nakaligtas sa kanyang numero unong chismosang kapatid ang pagsiring niyang iyon sa akin.

"Talaga ba? Who's the lucky girl?" nanghahamon naman ang tinig ng babae na para bang ayaw talagang maniwala sa kaniyang idineklara.

"Si Marciella. Sa tingin mo may iba pa ba akong gusto? And oh, she's not a girl but a woman."

Kalmado ang pagkakasabi niyang iyon na para bang walang pakialam sa magiging reaksyon ng mga kasamahan namin. Ayun na naman iyong bulungan at sikuhan ng mga haduf. Nakita ko pang napadungaw na rin si Mer na nasa kusina.

"Marciella? Ha! Hindi hamak naman na mas maganda at mas sexy ako sa kaniya, Ashmer, eh," maktol ni Beatrice.

"You're a woman, of course, you're beautiful but I don't like you," pamamarangka niya sa isa.

Akmang magsasalita ang babae ng biglang tumayo at sumingit si Shines.

"Teka nga, sinasabi mo bang girlfriend mo na si Marciella Perrer, Boss Ashmer?" pangugumpirma pa ng haduf din. Tumingin siya sa akin at ngumiti ulit.

"Yes. She's my girlfriend now," saad niya. Sumilip pa siya sa kinaroroonan ni Lovimer. "So, back off, Lovimer," aniya sa kanyang inosente ngunit daot na pinsan.

Hindi ko alam kung anong mararamdaman ko sa anunsiyo niyang iyon. Umaalon sa iba't-ibang emosyon ang dibdib ko.

Katahimikan pa muna ang namayani bago sumigaw si Jinro. "Whooa! Sa wakas! Finally!"

Umugong na ang isagawan at hiyawan sa loob. Si Mer ay lumabas pa talaga sa kusina at ipinatong ang dalawang kamay nito sa magkabilaang braso ng pinsan at nag-sexy dance pa.