الدكتور: كيبقيتي شوية انا: الحمد لله الدكتور: مزال مابغا تعاوديلي انا: بغيت نعس دابا الدكتور: اوكي خرج الطبيب (مجد) و رجعت كنفكر في حياتي كيف كانت قبل 8 سنين.... المهم نعرفكوم على راسي شوية اما الباقي غاتعرفوه من بعد انا سميتي ليلى ولا سلمى عارفاكم مفهمتوش مي هادشي لي كاين عندي 20 عام شعري طويل و زعرة كندير الحجاب على الطريقة التركية عيني زورق بحال لون السماء فمي صغير.. انا قصيرة و طايتي زوينة تبارك الله كلشي فبلاصتو ههه مغانهدرش على عائلتي خليكوم تعرفوا عليها بوحدكوم.... -فلاش باك: قبل 8 سنين كانت عندي 12 عام ليليا: ليلى انا خايفة انا: متخافيش غندوزوا مزيان (امتحان السادس ابتدائي) ليليا: ان شاء الله ليليا ختي اولا توأمي كنتشابهو فكلشي من غير لون العينين هي فالخضر وانا فالزرق.. هي حساسة بزااف و حشومية و حتا انا مي كنتظاهر بالعكس اولا عاد وليت... ماما (سامية): حبيباتي نوضو براكة من النعاس انا: مامتي ها حنا نايضين غير سيري انا غنفيق ليليا ماما: واخة سربيو ها انا نوجدليكم الفطور و راه شيفور كايتسناكم انا: واخة مامتي انا: ليليا فيقي راه عندنا الموحد واقيلة نسيتي ليليا: صافي هانا نايضة نضنا غسلنا وجهنا لبسنا وهبطنا نفطروا انا و ليليا: صباح الخير بابا: صباح النور اميراتي مراد: ناري مالكم صوفر الخلعة طلقي مني هههههه
