انا: سامي اش هادشي درتي سامي: افف اصاحبي سكتنا راه دبا شوية و تفيق انا: واش حماقيتي (قرب لعندها بدا كيقيس النبض لقاه ضعيف هو تخلع ديال بصح) راك قتلتيها سامي: اويلي اش كاتقول انا: هانا نعيط للطبيب سامي: حبس باغي تجبدلي المشاكيل انا: متخافش اسيدي راه صاحبي سامي: لا انا غنديها نلوحها و نرجع انا: افف منك ياك قتليك خليها عليك ساعة مكتسمعش سامي: صافي بلا كثرة الهدرة انا: سير تلبس انا انهزها للطموبيل و تبعني متعطلش انا نمشي معاك سامي: شكرا ناض سامي كيلبس و انا هزيتها لويتها فواحد ليزار و مهبطها و كندعي ميوقع ليها والو حطيتها و صيفط ميساج لواحد صاحبي وريتو البلاصة و وصيتو اديها عندو قالي كون هاني شوية جا سامي وجهو صفر امكن ندم واخة هو عزيز عليه يبين راسو قوي مي كايبقا قتل طفلة صعيبة المهم بقينا غاديين و حتى واحد مكيهدر مرة مرة كنشوف فيه كنلقاه كيلعب بايديه باين عليه التوتر وصلنا الغابة انا: ياله هزها حطها فشي بلاصة سامي: عفاك سير نتا انا: امري لله هزيتها حاولت نشوف النبض ديالها مي مزال ضعيف تخلعت عليها حطيتها فالبلاصة لي درت مع داك صاحبي و رجعت وصلنا للدار سامي: انا طالع نبدل عليا نمشي الخدمة وشكرا انا: راه حنا بحال الخوت انا غادي نطلع نعس شوية راني عيان راه من هنا يومين انرجع سامي: علاش بهاد الزربة غاترجع انا: راه جيت مع واحد صاحبي الام ديالو مريضة و كان حالتو مقديتش نخليه بوحدو سامي: اوكي
