معاذ: هههههه من حقك حبيبتي انا: (حسيت بالعيا والنعاس) خرجو بغيت نعس ريان: كتجري علينا دبا ماما: بنتي ياكما كضرك شي حاجة نعيط للطبيب انا: لا اماما غير عييت وبغيت نتكا شوية بابا: واخة ابنتي رتاحي دبا.. خرجو وسامي حنا راسو وخرج مقديتش نعيطلو مزال منسيت.... خرجت العائلة وفرحانين حيت العملية دازت بخير.. معاذ: هاهو ريان يديكوم للدار ارتاحو شوية راكم عييتو حتى الغدا ورجعو انا غنبقا معاها سامي: احم الى سمحتو بغيت نبقا معاها انا.. بقاو كيشوفو فبعضياتهم ماما: واخة اولدي ويلا كانت شي حاجة عيطلينا سامي: (باسليها راسها) غير تهناي.. مشاو وانا هبطت خديت قهوة كحلة وطلعت حليت الباب بشوية لقيتها كتحاول تنوض..... ليلى: خرجو وبقيت متكية شوية بغيت نوض للطواليط حتى تحل الباب وبانلي سامي قرب لجيهتي وبلى ميهدر معايا هزني وانا ساكتة حطني قدام باب الطواليط وكحز انا دخلت قضيت حاجتي وخرجت عاود هزني رجعني لبلاصتي وغطاني سامي: (حاني راسو) كيبقيتي انا: (بقا فيا حيت حتا هو تعدب وبقا فيا راسي) حمد لله سامي: راه مشااو كاملين للدار وبقيت انا معاك.. هانا انخرج نجلس حدا الباب الى بغيتي شي حاجة عيطيلي انا: (شديتو) غير جلس هنا حسن سامي: (فرح) واخة شكرا... مشا جلس فوق الفوطوي حسيت بيه باغي يهدر مي مقادرش وحتا انا مكان فيا لي نجبد داك الموضوع تغطيت وانا نعس حتى للصباح فقت لقيت العائلة كاملة جالسة عاوناتني ليليا دخلت غسلت وجهي وقاديت حالتي وخرجت جلست جابولي الفطور فطرت تكيت وبقاو جالسين حدايا مجمعين حتى جا ماكس لعندي ماكس: حبيبتيي كيبقيتي انا: (عنقتو) حمد لله توحشتك فين غبرتي.. شفت معاذ غمزهم خرجو كاملين ماكس: كنت فمدينة اخرى كانت عندي خدمة ياله وصلت وجيت عندك انا: ماشي مشكل.. ممم هدرتي مع مجد ماكس: لا كنظن بدل النمرة وحتى من الكلينيك لي خدام فيه عيطت مي قالولي مبقاش خدام تما انا: هئ هئ علاش معطانيش فرصة نهدر معاه ماكس: صافي نسايه عليك ميستهلكش.. شنو درتي مع سامي انا: مادرت والو عييت اماكس والله سامي: شكون هدا واش حبيبها معاذ: ههههههه اش بغيتي عندو مسكين ريان: ههههه ليلى معندهاش حبيب.. هداك صديقها الانتيم سامي: وعلاش غمزتينا باش نخرجو معاذ: باش يهدرو على راحتهم هي كتعاودلو كلشي ريان: الى بغيتي تسمحليك ليلى خاصك تهدر مع ماكس هو الوحيد لي كتسمع للنصائح ديالو سامي: اوكيي.. شوية خرج ماكس عندهم معاذ: كيداير سافا ماكس: وي سافا ونتا معاذ: مزيان حمد لله ماكس: سامي فرحت فاش لقيتي عائلتك سامي: شكرا اخويا ماكس: ليلى خاصها شوية دالوقت وتنسا سامي: (تنهد) اوكي... دازت سيمانة وانا فالكلينيك واليوم غادي نخرج واخيرا جا عندي معاذ وسامي عاونوني لبست حوايجي وهزني معاذ حطني فالطموبيل وشدو الطريق حتى شفتهم خرجو على المدينة انا: فين غاديين معاذ: مفاااجأة غتعجبك انا: (بقيت كنفكر) متقوليش انمشيو لمزرعة ديال ماكس معاذ: ههههه مسخوطة اييه غاديين ليها دبا انا: هههه واااو نييت نرتاح من جو الكلينيك معاذ: وي داكشي.. وصلنا للمزرعة عاوني سامي باش نزل ومشينا للجردة مور الدار وانا نحل فمي..
