طلعت لبيتي لبست حوايجي (الصورة) هدرت مع ماكس قالي بلي صباح بكري غيوصل للمطار هو وجاكلين.. جمعت باليزتي حيت مديتش معايا بزاف المرة الفايتة ومشيت تلاقيت كوثر ومشينا لدار شيماء شيماء: زارتنا البركة انا: هههه توحشتك الخايبة اتخلينا فالباب شيماء: ههههه دخلو دخلو انا: فين ماماك شيماء: هاهيا زيدي انا: سلام خالتي لباس مامات شيماء: اهلان بنتي لباس حمد لله ونتي اش خبارك انا: لباس حمد الله.. انا جيت اخالتي نرغبك تخلي شيماء تمشي معانا بغينا نسافرو لطنجة م.ش: اتمشيو بوحدكوم انا: لا مع خويا الكبير ومراتو وراه حتى كوثر غتمشي عاد كنت معاهم وقبلو والديها (كوثر وشيماء حابسين الضحكة عارفيني كنكدب الله يسمحلي) م.ش: اوى الى كان هكا انا معنديش مشكل غير تمشي شيماء: شكرااا اماما انا: ياله نوضي جمعي حوايجك باش نمشيو م.ش: علاش اتمشيو دبا انا: اه اخالتي حيت غدا انمشيو بكري شيماء: اوكي انا نايضة نجمع حوايجي.. سلات جميع حوايجها وتسالمنا مع ماماها وخرجنا مشينا لدار كوثر م.ك: اهلان ببناتي انا: سلام لباس عليك اخالتي م.ك: الحمد الله ابنتي ونتي انا: لباس الحمد الله.. خالتي بغيت نطلبك تخلي كوثر تسافر معانا راه حتا شيماء غتمشي م.ك: اتمشيو بوحدكوم انا: لا مع خويا الكبير ومراتو م.ك: انا معنديش مشكيل مي نعيط لباباها نسولو انا: اوكي..... م.ك: صافي راه قبل ياله نوضي جمعي حوايجك انا: شكرا اخالتي م.ك: غير بشوية عليكم فالطريق والله يوصلكم على خير انا وشيماء: اميين اخالتي.. جمعات حوايجها ومشينا شدينا الطريق للرباط... غير وصلنا للدار لقيت كلشي مجموع انا: سلام معاذ: (عنقني) فين كنتي خلعتيني عليك وحتا تليفونك مكتجاوبيش انا: (شفت فريان لي اشارلي براسو زعما مفخبارهم والو) يمكن نسيتو سيلونس مشيت جبت البنات من مكناس باش نسافرو مجموعين معاذ: اه ماشي مشكيل مرحبا بيكم دخلو... جلسنا وعرفتهم على بعضياتهم وبقينا مجمعين بانولي البنات ندامجو وانا نخليهم طلعت لبيتي نعس شوية حيت عييت غير دخلت ياله غنحيد الفولار حتى دخل مجد وسد الباب..
