معاذ: اوكي دكتور شكرا بزاف.. خرج معاذ و داني عند طبيب اخر كنظن ديال القلب فحصني الطبيب: قلبها ضعييف غادي نكتب ليك شي دوا و نصبرو حتى تكبر شوية نقدرو نديرولها واحد العملية معاذ: اوكي شكرا دخل معاذ وهو حزين لعندها هزها و خرجها ركبو فطموبيل معاذ: اميرتي شنو بغا ديري ختاري واش الرقص ولا الموسيقى انا: بجوج هههه معاذ: هههه جاتك الالة انا: بغيت ندخل نتعلم نضرب معاذ: ياكما بغا ضربيني انا: لا بغيت نتعلم ندافع على راسي معاذ: مرحبا ياله دبا نمشيو نتسجلو و نمشيو نتغداو مشينا سجلني فيهم تغدينا و مشينا للدار ريان كان فالخدمة و خويا غادي يسافر غدا خاصو يجيبلي الوراق باش نبدا القرايا.. معاذ عاود كلشي لريان لي بقات فيه بزاف و قالو ريان: غير تهنا اصاحبي انحطها فعينيا حتى ترجع معاذ: مكنتش عارف اش غاندير بلا بيك شكراا بعد_مرور_4_سنوات_واشهر دبا ولات عندي 17 سنة و عندي هاد العام الباك اكيد كتساءلو كيدرت ليها هنا برا فاش كتكون من الاوائل كينقزوليك عام دالقرايا و داكشي لي وقع معايا نقزت عامين حيت ديجا مشالي عام مقريتوش فاش كنت عند هداك وخلال هاد السنين دازت مابين القراية و الرقص و الموسيقى تعلمت نعزف على بزاف ديال الالات و تعلمت ندافع على راسي مزال كناخد الدوا ديالي و بالنسبة لديك النوبة لي كانت جاتني ديك المرة جاتني شي 2 مرات فهاد 4 سنين و علاقتي بريان و معاذ زادت قوات ريان ولا خويا و بابا.. تعرفت على 6 الاصدقاء (مروى، علاء، حازم، ماكس، جاكلين، ريم) هما الوحيدين لي عارفين القصة ديالي تعرفت عليهم فالرقص
