ريان: انا عاارفك ناجحة لبسي حوايجك انا نلبس ونمشي معاك انا: واخة..لبسنا ومشينا وصلنا شدلي ريان فيديا بحال الى كيقوليا انا معاك بديت كنقلب فالناجحين والو مبانتليش بديت كنترعد انا: ريان ملقيتش سميتي ريان: تهدني انا نشوفليك.. دور عليا يديه بحال الى معنقني مع كنت كنترعد.. ليلى راكي نجحتي مبروووك انا: بصح فين سميتي وريهالي ريان: هاهيا انا: واااو الحمد لله يا ربي اوف و اخيرا رتاحيت عنقني ريان وبدا كيدور بيا وانا كنضحك ريان: مبروك دبا طلبي اي حاجة اميرتي وانا نفذ انا: بصصح مممم بغيت طموبيل ريان: ياله بسلامة هانا غادي انا: رياااان ريان: واش نتي بعقلك بغيتي طموبيل كاملة شديتي الدكتوراة انا: يااك صافي سير بحاالك ريان: هههه اجي لهنا القطيوطة ديالي انا: بعد مني انمشي نشوف البنات اش دارو.. جاكلين مروى شنو درتو جاكلين ومروى: نجحناااا انا: الحمد لله واخيييرا تهنينا جاكلين: وي خاصنا نحتافلو مروى: اجيو نمشيو لديسكو ديال البارح زوين انا: ههههه لا لا نتوما بااينا باغيين تصيفيوهالي راهم خلاوني هاد السيمانة كااملة نجمع فالدار ونطيبليهوم ماياكلو ريان: وي علاش لا نمشيو (وعنقها من اللور) انا: واااش بصح كتهدر (بفرحة) ريان: وي علاش شحال عندي من ليلى انا: واااو صاافي نمشيو جاكلين: هههه صاافي ياله حبيبتي انا غادا حتى الليل ونتلاقاو مروى: وي حتا انا غادا بيزو.. مشينا انا وريان ركبنا فالطموبيل بقينا غاديين وانا مجهدة الموسيقى وغير كنضحك ونشطح شويا بانتلي طريق ماشي ديال الدار انا: ريان فين غاديين ريان: الصمت انا: ريااان جاوبني ريان: وناري سارطة كاسيطة سكتي شوية انا: افف هاهي ساكتة.. شوية حبست الطموبيل كندور وجهي وانا نحل فمي
