فهاد الاثناء كان مجد كيسمعهوم وبدا كيربط الاحداث تفكر فاش كانت كتبكي فاليخت والصباح فاش تلقات مع ماكس وكانت كتبكي ودبا قاليها ياله نديك معايا ترتاحي.. استنتج بلي كتبغي ريان قرر يمشي لعندو يهدر معاه (الكاتبة: الله يمسخك نتا وافكارك واستنتاجاتك) مجد: ريان بغيت نهدر معاك فواحد الموضوع ريان: وي اجي نجلسو مجد: بغيت نهدر معاك فموضوع ليلى ريان: مالها شنو واقع مجد: والو غير انا استنجت شي حاجة ويغيت نقولهاليك ريان: ويي هدر مجد: يمكن هي كتبغيك ريان: ههههههه زوينة عندك هادي مجد: كنهدر معاك بصح ريان: سمعني انا وليلى علاقتنا فشكل هي كتعتابرني الاخ والصديق والاب.. منين عرفتها قطعت وعد على راسي انني نكون بجنبها ونعتابرها ختي وبنتي وداكشي لي كان هي عاشت فترة صعيبة وكنا معاها انا ومعاذ ودبا الى شفتيها مقلقة انا كنظن عارف السبب مي منقدرش نقوليك مجد: نتا عارفني قريت علم النفس عفاك قولي انا بغيت نساعدها ريان: مممم اوكي.. شفتي فاش تبعناها انا وياك لقيناها عند واحد المراة هاديك خالتها ودبا عرفات بلي والديها مباعوهاش وانما تلعب بيهم ودبا كتعيش صراع بينها وبين نفسها... دبا هي باغا تسامحهم مي مقادراش وكنظن هادا السبب الوحيد لي مقلقها.. حيت هي صعيب تبغي شي حد بالنسبة لها الى مشات حتى ارتبطات بشي حد غادي يحاول يتقرب منها وهادشي مغاتقدرش تحملو حيت كتفكر فاش سامي كان كيحاول يقرب منها.. دبا كتشوفها كتعنقني انا ودراري حيت كتعتابرنا خوتها نتا اتكون كتهدر معاك بحدود حيت مكتعرفكش فهمتي مجد: (تفكر فاش باسها وبقات كتبكي عاد فهم) ممم اوكي ريان: وباش تحيد الشك ديال انها كتبغيني سير دخل للدوش هانا نعيطليها وسمع مجد: اوكي... بقيت جالسة مع ماكس وجاكلين كيحاولو يضحكوني حتى سمعت ريان كيعيطلي مشيت عندو انا: بايت تحلم بيا ريان: توحشتك مشفتكش البارح انا: اهااه انا بعدا متوحشتكش ريان: يااك نسيتي حبيبك انا: هههه وانا نقدر راك حبيبي وخويا البوكوص... لقتيني كنفكر فاش تبغي تخطب ليليا واش نكون اخت العريس ولا اخت العروسة ريان: اتكوني ختي نتي عارفة معنديش من غيرك (والدين ريان ماتو ومعندوش خوتو) انا: انا ختك وماماك وباباك وانا لي غادي نخطبليك مي بغيت منك واحد الحاجة ريان: شنو انا: بغيتك تحط ليليا فعينيك ومتقلقهااش وكون ليها الاخ والاب والصديق عاد الزوج ريان: كنواعدك انا: اوى زيد تفطر باش نخرجو ريان: وااخة سبقيني هانا جاي انا: اوكي... غير هبطات ليليا خرج مجد فرحاااان ريان: صافي فهمتي دبا شنو كاين مجد: (كيحاول يبين عادي باش ميعيقش) ويي ياله هانا سابقك لتحت كنت جالسة كنفطر حتى جا مجد جلس حدايا مجد: (كيهدر فودني) توحشتك انا: كح كح كح مجد: (مدلي الما وكيضحك) غير بشوية عليك انا: واش جاتك السخانة مجد: هههههه وي بسبابك منعستش بقيت كنفكر غير فيك انا: (اويلي مال هادا نضت وطلعت لبيتي كنجري) افف واش حلم بيا كوثر: ليلى فينك انا: هانااا كوثر: ياله لبسي باش نهبطو للبحر انا: اوكييي.. لبست ونزلت شفت مجد غمزني ومشا..
