معاذ: حمقة واش انا نقدر.. عاوديلي كيفاش وقعليك حتى مشاليك التنفس انا: فاش ملقيتكومش بقيت كنبكي و تسنيت شحاال و والو قلبي بدا كيضرب بجهد بديت كنترعد حتى مشالي التنفس معاذ: معمرك تفكري انني نقدر نخليك و لو للحظة اوكي انا: اوكي.. ممم بغيت نسولك معاذ: شنو انا: ماما و بابا عرفوني كاينة عندك معاذ: لا gاع مهدرت معاهم واش بغيتي نقولهاليهم انا: عفااك لا معاذ: اوكي متخافيش معمرني مندير شي حاجة نتي مبغهاش انا: شكرا معاذ: ياله نعسي دبا انا: تصبح على خير معاذ: تصبحي على خير فقت صباح مشيت لبيتي غسلت وجهي و انا نمشي للكوزينة حليت الثلاجة حيت لاخرين مزال ناعسين هزيت الشكلاط نوتيلا و هزيت معلقة جلست الارض بديت كناكل ريان: تباارك الله عليك وصافي نوضي غير من الارض بعدا معاذ: الفارة اش كديري انا: مممم هما: هههههههههه انا: بعدو مني راه جاني جوع معاذ: الناس فاش كيجيهوم جوع كياكلو الخبز ماشي الشكلاط بالمعلقة انا: و راه ملقيتوش ريان: بعد من ختي خليها دير لي بغات انا: هههههه سمعتي و بعد مني معاذ: هههه ياك كتحاماو واخة داز داك نهار كامل غير فالدار زدت تعرفت على ريان هو واحد الشخص حنين و كيتعامل مزياان اليوما غادي نمشي للطبيب الطبيب: رتاحيتي انا: اه حمد لله هو: واش دبا كيجيوك شي كوابيس انا: لا..بقا كيسولني على بزااف دالحوايج هو: كنظن بلي خدمتي سالات و فوقما حتاجيتي شي حد تعاوديلو غانكون هنا انا: شكرااا... خرجت و دخل معاذ الطبيب: انا كيبانلي مزيان مي دييما الصورة لي كايعطيها شخص مر ببزاف ديال الحوايج خايبين كاتكون خاطئة يعني تقدر تكون كتبين السعادة و بلي نسات و هي لا كنقترح عليك تعمرليها وقتها شوف هي اش كيعجبها دير و سجلها فيه خاصها تختلط مع الناس باش تقدر تواجه العالم اوكي..
