My Love My Hero, Montañez (UNEDITED) (COMPLETED)

16

KUNG bakit nag-abala siyang magtungo sa kabilang bayan para bumili ng baterya sa kotse ni Roseanne ay hindi niya alam. Sana'y tinapos na rin niya ang pagkikilala nila. Iyon ang nakita niyang intensiyon ni Roseanne nang iuwi na nito si Andre kahapon.

Gumilid sa tabing-daan ang tricycle na nakasalubong niya mula sa malaking bahay. Malaki ang Silverado at halos naokupa niyon ang hindi kalakihang two-way lane sa pagitan ng mga nakahilerang puno ng niyog.

Ilang sandali pa ay ipinarada niya ang four-wheel drive sa tabi ng kotse ni Roseanne. Pinatay niya ang makina at bumaba. Umikot siya sa passenger side upang kunin ang biniling baterya ng sasakyan nito nang marinig niya ang malakas na tili ni Roseanne.

Binitiwan niya ang door handle at tinakbo ang patungo sa bahay. Automatically, dinukot niya ang bulsa ng leather jacket na suot at kinapa ang baril. But there was no weapon.

Damn. Nasa glove compartment ng Silverado ang baril niya.Bago tuluyang nawala sa pandinig niya ang sigaw ni Roseanne, nasipa na niyang pabukas ang pinto ng bahay at bumalandra iyon pabukas.

Nakaluhod si Roseanne sa gitna ng sala at yakap si Andre na naguguluhan. Her terrified gaze leaping from the door he had just kicked open to the kitchen entrance. Sa entrada patungo sa kusina ay naroon ang dalawang plastic bags na pinamili marahil nito at nakasabog ang laman sa sahig.

"Luke!" tawag ni Andre na akmang kumakawala kay Roseanne subalit mahigpit na nakayakap ito sa bata.

"Roseanne?" aniya nang walang makitang ibang tao. Nilapitan niya ang dalawa. "Ano ang nangyari? Bakit ka sumigaw?"

Her eyes huge as they gazed up at him. She shuddered and held Andre tightly. "S-sa kusina... sa kusina. Don't let Andre see it!" wika nito sa nanginginig na tinig.

"What's in the kitchen, Mommy?" usisa ni Andre na nagpilit kumawala mula sa higpit ng pagkakayakap nito. "And, Mommy, you're holding me too tight I can't breathe..."

Subalit nanatiling yakap ni Roseanne ang bata. Nagsalubong ang mga kilay na lumakad si Luke patungo sa kusina. Hinakbangan ang nakasabog na mga pinamili.

His eyes searched the room. Bahagyang nakaawang ang pinto sa kusina. At malapit sa refrigerator ay nakita niya ang sanhi ng pagsigaw ni Roseanne. May patay na asong nakahandusay sa sahig. Malaking aso iyon at nagkalat ang dugo mula sa nakabukas na pinto ng kusina. Tila nagpaikot-ikot ang aso bago nalagutan ng hininga

Nilapitan niya ang patay na hayop, tumalungko at sinuri. Ang leeg ng hayop ay laslas at may nakatusok na patalim. Ang aso ay binalak patayin ng kung sino man. Nakatakbo ang hayop at pumasok sa nakabukas na pinto ng kusina. Iyon ang lohikong paliwanag doon. At kaya maraming kumalat na dugo ay dahil nagpaikot-ikot marahil ang aso bago nalagutan ng hininga.

Bagaman nakapagtatakang nakatakbo pa ang aso gayong halos maputol na ang leeg nito mula sa katawan. Ganoon man ay hindi iyon imposible.

Tumayo siya at binalikan sa sala si Roseanne. Nakaupo na ito sa sofa at kandong si Andre na umiiyak na dahil gustong kumawala mula rito. Nasa mga mata pa rin nito ang takot nang tumitig sa kanya.

Isang buntong-hininga ang pinakawalan niya.

"Halika at ihahatid na muna kita kay Manang Felipa habang maghahanap ako ng taong maglilinis ng kusina." Yumuko siya at kinuha mula rito si Andre. Huminto ang bata sa pag-iyak.

"A-ano ang nangyari? Bakit may p-patay na aso roon?" she asked.

"Naiwan mo bang bukas ang pinto sa kusina?"Sandali itong nag-isip bago tumango. "I-I think so. Nagsiga ako ng mga tuyong dahon sa likod kaninang umaga. Hindi ko marahil naisarang mabuti. W-why?"

He shrugged. "That explains it. May gustong gawing kaldereta ang aso at nakatakbo pa, sa kusina mo pumasok." Nakita niya ang relief sa mga mata nito kasabay ng pagpakawala ng mahabang hininga.

"However, did you manage to be right there when I needed you?" wika nito at pagkuwa'y napasinghap na para bang hindi nito inaasahang masabi iyon, and wished she could snatch the words back.

"Heroes are always there when you need them, aren't they?" He smiled faintly, sinikap pagaanin ang sitwasyon.

"Heroes died, Luke," sagot nito, then shuddered at her pun.