My Love My Hero, Montañez (UNEDITED) (COMPLETED)

22

MULA sa pinto ay may ilang sandaling tahimik na pinagmamasdan ni Roseanne si Luke habang pinapalitan ng baterya ang kotse niya. Sa tabi nito ay si Andre at inaabutan ito ng kung ano-anong tools. He was never bored, irritated, or impatient with Andre.

Kahit si Dennis ay hindi ganoon kapasensiyoso sa anak. Dennis was too dedicated with his job. Bibihira itong mag-day off. Halos sa ospital na ito nakatira. Being a doctor had been Dennis' life.

Many times in the past, hindi miminsang inisip ni Roseanne na para kay Dennis ay isang hindi maiiwasang kaabalahan si Andre.

She shook the thought off from her mind. Hindi tamang ikompara niya si Dennis kay Luke. Sa sarili nitong paraan, mahal ni Dennis si Andre.

Inabot ni Luke ang mug ng kape na nakapatong sa hood ng four-wheel drive nito nang mapuna siyang nakatayo sa may pintuan. Itinaas nito ang mug sa kanya at tumaas ang sulok ng bibig bilang pagngiti.

Her heart leaped. And then she remembered last night. Remembering the raw desire she saw in his eyes. Hindi niya alam kung ano ang nangyari kung hindi siya nito pinalabas ng silid.

He looked so handsome standing beside his vehicle, the sunlight turning his dark hair to blue black.

"Hindi na kita naunahang magising," wika niya, lumakad palabas.

"I am an early riser."

"I usually am an early riser too, pero pagkatapos ng nangyari sa akin, kailangan ko pang hintayin ang pag- uumaga bago magsimulang matulog."

Nawala ang ngiti sa mukha ni Luke. "You'll get over it. You have to overcome your fear."

"Kung ang pagbabasehan ay ang patay na aso sa mismong kusina ko kahapon, malayong mangyari ang sinasabi mo, Luke." Nagbuntong-hininga siya, napuno ang dibdib ng pag-aalala at takot.

"I made a promise that I'll find your stalker, Roseanne," paalala nito sa nagdidilim na mukha.Matabang ang ngiting lumitaw sa mga labi niya. "You sound like one of those cops in NYPD Blue."

"You've been watching lots of cop TV series." He was a little bit amused. "Anyway, nakita mo ba iyong niluto kong almusal?" he added, adeptly changing the subject. "Corned beef and hash browns."

"Gusto ko ng hash browns," wika ni Andre na inihagis sa toolbox ang hawak na screwdriver. "I helped Luke cook breakfast, Mommy," pagmamalaki nito. "I also helped him change your battery."

"Hmm... did you really?" Yumuko si Roseanne at akmang hahagkan ito sa pisngi nang mapunang may bahid iyon ng grasa. "Hey, may grasa ang pisngi mo!"

Andre giggled. "I was working, Mommy, just like Luke."

Luke laughed and she rolled her eyes. "Halika at pupunasan ko iyang mukha mo at pagkatapos ay tikman natin ang ipinagmamalaki ninyong dalawa." Papasok na siya sa bahay nang mapunang wala ang kotse ni Louise. "Umalis ba si Eric?"

"He's gone since two hours ago. Pababa kami ni Andre nang marinig ko ang pag-alis ng sasakyan." Nagkibit siya ng mga balikat. Susunduin marahil ni Eric ang tiyahin sa bayan. Pagkahugas niya sa mukha at mga kamay ni Andre ay nagtuloy siya sa kusina. Nakaupo na si Luke at nagsasalin ng kape.

Sinuri niya ang mga niluto nito. Ang ginisang corned beef ay puno ng onion rings sa ibabaw.

"Raw onions!" she exclaimed.

"Hindi mo gusto ng hilaw na sibuyas?"

She grimaced.

Natawa si Luke. "Iwanan mo ang lahat ng sibuyas sa akin." Hinila nito ang silya niya at kinuha si Andre sa kanya at inilagay sa katabing silya.