نكملوا 👇...
اكرم و نور الدين راحوا للفندق شوية لحق سيف و عثمان و حالة بدات تتعمر ...
متسقسوش علاه الين مجاتش باسكوا دك تفهموا واش صرى 😉
عند سيف و الين...
كنت نخمم فواش درت و حاس بالذنب و عارف ملي غلطة في حقها بزاف مي واش ندير منقدرش نخلي واحد يوقف على كلمتي .. و انا سارح في تخمامي دخلت عندي عينيها منفخين من البكا و نيفها حمر و فمها يرتعد اغرني منضرها
سيف : الين وا.... (قاطعاتوا)
الين حطت ورقة فوت البيروا و قاتلوا : تقدر تسيني .. قدمت استقالي .. منقبلش نخدم عند واحد يمرمدني و يديرني لعبة في يدوا ...
سيف عيا يستوعب مي مقدرش حية الولى عنوان الورقة صدموا *شهادة استقالة* و تاني كلامها .. بقيت نتسائل اسكوا نمنعها و لا نسيني و نسكت و انا نخمم قررت منحطمش كرامتي رفدت ستيلوا سينييت و حطيت كلايمي ..
سيف : اول مرة تاخدي قرار بجدية و شباب كنت حاب نطردك مي شفقت عليك باسكوا تجري ورا دراهم برك .. و نزيد نقولك مزتي منقصتي فهاد الشركة زدتيلنا غير الوسخ .. تقدري تتفضلي ..
من بعد هدرة سيف حسيت روحي صح منسواش علاش قبلت عقد لي عطاهولي مدير معهد علاه مخدمت من بدية عند بابا معززة مكرمة علاه قررت ننتاقم منوا على كلام لي سمعهولي ... خطئ نتاعي جريت مور كلب ميسواش مور ما كمل سيف كلاموا و قالي زدتي الوسخ تغلغلت و دربت طابلة و ديت ورقة و قتلوا : شكرا على كلايمك فادوني بزاف مي انا تاني منسخقش رخيس يآمرني جيت رايحة وهو يجبدني ..
سيف : انا رخيس يا *****
الين : نتا رخيس و تفيدش فيك زيد عليها مشي راجل 😏.. و درك خلي قسامي😑
بعدت يديها و خرجت راحت للبيرو مدمرت لميت صوالحها مسحت دموعها و هدرت في نفسها ..
"الين نتي قوية علاه بينتيلوا ضعفك .. ها مخسرتي والوا غير مسح بيك الارض ..نتي مشي الين لي نعرفها .. الين لي ميقدر تواحد يطيحها على راسها لي تواحد ميهدها .. "
ليسونسال بقات تقوي في روحها دخلت للدوش غسلت وجها دارت فوندوتا تخفي بيه حموريا .. رفدت صاكها و صوالحها و خرجت حطت على عينيها نواضر شمسية .. كل خطوة كانت تخطيها معمرة بالثقة .. خرجت من شركة ركبت طونوبيلتها و حرقت طريق للبحر ..
نولوا عند سيف لي كلايم لي قالتهملوا الين خلاه يتشوكا غير خرجت و هو هذاك البيروا يقلبوا كلشي كسروا و مخلا حتى حاجة مكسرها ... بعد مافرغ غشوا بقا يطل من تاقة شافها خارجة و ركبت طونوبيلتها و لي خلاه يتشوكا انو خطواتها كانوا كلهم ثقة ... كان حاسب غادي تخرج مدلولة و حادرة راسها مي في اخير خلعاتوا بواش دارت ..
خرجت من بيروا جاني اتصال على حفلة رحت ديراكت لداري دوشت .. لبست قش كلاسيك .. ركبت طونوبيلتي و رحت للفندق لي رسلي موقع نتاعوا مراد .. غير جيت هابط تلاقيت بويا تاني عابط سقساني على الين علاش مجاتش جاوبتوا ببرودة انا استقالة .. خليت بابا متعجب و كملت لظاهل وين تلاقيت نور الدين و اكرم ...
اكرم : وينها الين ..
سيف : قدمت استقالتها .. مقدرتش تتاقلم مع قوانين لي حاطهم و خدمة .. .
اكرم : يعني مدرتلها والوا .. و الله و نسمع ملي درتلها كاش عفسة ندمك راك تسمع ..
قطع هذا حوار مراد و بيلسان ...
مراد : شكرا على جميع الحضور لي قبلوا دعوتنا ..
بيلسان : و بمناسبة شراكتنا مع عدة شركات من بينهم ..
مراد : شركة نور الدين***
الكل :👏👏👏👏
بيلسان: شركة عثمان***
الكل : 👏👏👏👏
صحافي : موسيوا مراد بما انك المسؤول عن بناء و تصميم المشروع عطينا لمحة عليه ..
مراد : كلشي واجد و نهار الافتتاح كامل رح تشوفوا واش فيه😉
المهم اكو تعرفوا هدوك الاسئلة لي يتطرحوا .. من طرف صحافة ..
كملوا لقاهم تافقوا على موعد إجتماع با ش يديروا اسم .. موراها تعشاو بقا شوية و من بعد كل واحد سهل لداروا ..
عند الين ...
خرجت من شركة بكل ثقة لانوا كنت عارفة غادي يبقا سشوف فيا مبينتلوش ضعفي طلعت طونوببل و كملت حتى للبحر جمعت في وحد الكرسي و بقيت نخمم كيفاش نقول لبابا على خدمة ... بقيت في بحر مدة نشكي همومي و نحاول نلقا حل ..
مور تخمام طويل رفدت روحي و رحت لوحد ريستورون فطرت و وليت للدار غير دخلت تقابلت مع ليلى و يدات محاضرة ..
ليلى : الين؟؟
الين مهدرتش و جات هازة روحها ..
ليلى : نورمالمون راكي تخدمي كاش منسيتي هنا ..
الين : مجبديليش على خدمة .. قدمة استقالتي ...
ليلى : واش صرى بنتي ..
راحت ليها عنقتها و الين هذاك هو واش كان يخصها حطت راسها على رقبتها و لفت يديها عليها ..
ليلى بقات تمضي يدها على شعر الين ... و الين تخاول متضعفش خداهم و تبكي لمت روحها و قاتلها : ماما هذا هو الحل الواحيد نتأقلمتش مع وضع لي تما
ليلى : فيها فايدة .. لاحبيتي شركة باباك مفتوحة ليك ..
الين : خممت فيها مي مزال منقولوا حتى نرؤح شوية
ليلى : كيما تحبي ..
طلعت للبيت ديرات بدلت قشي و رميت روحي على سرير و انا غير نخمم في هم نتع سيف .. حسيت خية ناقصتني مكملتش تفكيري حتى رقدت وحد الرقدة نتع اهل الكهف ..
******************************
سمحولي لبنات صرى يروبلام في تلفون و معرفتش كيفاش تبوبلا ..
كنت غادي نكمل واش صرى مع امير و احلام مي هم نتت تلفون دارها بيا .. دك نكمللكم واش صرى مع اكرم و سيف و احلام الين ..
ديزولي ...
متنسوش دعمكم ليا بفوت و كومنت
🥰🥰حبكوووم 🥰🥰
YOU ARE READING
صفقة عمل 🤭غيرت حياتي ♥ *کاملة*
Short Storyهههااااي بنات 👋 اليوم جيتكم بكرونيك جديد بعنوان * صفقة عمل 🥰 غيرة حياتي ❤* قصة هاذي الزاوجة تاعي و مشي كيما لخرين ... هذا الكرونيك فيه... صدفة ، كوميدية ، صفقة عمل ، غيرة ، حب ... المهم غادي تقراوها .. نشاله تعجبكم 😊 نهدروا شوية على قصة ... ه...
