صفقة عمل 🤭غيرت حياتي ♥ *کاملة*

💕 الحلقة الاولى💕

هذا اول نهار في قصتنااااا🥰 ...
عند الين ...
نضت صباح على صوت المنبه طفيتوا طليت على ساعة كانت 06:03 رفدت تلفون و بقيت نشوف قاع لي réseau sociaux فريتهم (شكون فيه هاذي الطبيعة ههههخخ😂)... حتى دسيديت نحط جدوا و نود ندوش باش نفيق شوية ...
منبعد لبسة قشي و سرحت شعري ، ماكياج خفيف ...
هبط تحت لقيت الخدم يحط الطابلة و ماما مجمعة تفطر
الين : صباح الخير
الام : صباح النور
الخادمة : صباح الخير مدموزال الين ..
الين :  .. قتلك طاطا من هذاك نهار عيطيلي باسمي الين
الخادمة : بصح بنتي ...
الين : مكان لابصح لا والوا ... المهم كي صبحتي ماماتي (و راحت عنقتها)
الام : لاباس بنتي ... واش مبكرة اليوم ...
الين : اكي تشوفي ... انا و نخلعت ...
الام : واش تقري اليوم
الين : واه هدرت مع احلام باش نفوت عليها ...
الام : الله يوفقك بنتي ... يلاه افطري دك تعطلي ...
الين : واش ماما هذاك البغل مزالوا مناض ...
الام : من وينتا و اكرم ينوض بكري 
الين و فمها معمر : اني رايحتلوا ..
الام   كملي فطورك بنتي ...
الين : صاي شبعت ...
الام : بصحتك
طلعت الين لفوق حلت الباب و راحت ليه ...
الين : آآآكرم (بالعياط)
اكرم :  ممم الين خليني نرقد 😴
الين راحت حلت قاع ريدويات نتع البيت و هو غطا وجهوا
الين : زعما شاه ...
اكرم : ااااللللين متخلينيش نوضلك ...
الين مسمعتش واش قال و راحت للدوش لي في بيتوا عمرة ماء في كاس و جاتوا ..
الين : تنود و لا لا ..
اكرم:  الين خليني نرقد ياك  انا خوك الكبير عبالك و كان نودلك نكسرك  ديراكت ...
الين : اممم زعما (و تقايسه بالماء)
اكرم : ااااه باااارد 🥶
الين : ههههههخخخ😂
اكرم : اللللييين 😡
الين عطات الريح لرجليها 🏃‍♀️و هي هابطة فالدروج : شتي  ماما قتلك نوده .. درك نروح باي باي 👋
رفدت صاكها و مفاتح لوطوا و خرجت غير دخلت للوطوا و يخرجلها اكرم من تاقة نتع بيتوا .
اكرم : من بعد حسابك 😉
الين طلت علية و خرجتله لسانها 😛
و ديمارات ديراكت عند احلام ....
عند  امال ...
نادت امال دارت روتينها (كيما نتع الين) و هبطت تحت لقات الخدامة و امها غير جمعت في طابلة و تسمع الين (شتي ماما قتلك نودوا ايا باي )
امال مع روحها : ااااوووف شحال سامطة 😒
المهم شوية و جا اكرم فطروا كيف كيف ... اكرم : امال
امال : اااممم ..
اكرم : نوصلك
امال : لا معليش يوصلني شوفار
اكرم : علاه خليني انا نوصلك ...
امال : يياااه درك فهموا رواحكم درتولي شوفار باش يخدم خدمتوا مشي نتا لي تخدمها .. و نادت من طابلة ... بصحاتكم
اكرم : ياااه مالها هذي كاش نهار نقردها نوريلها الام : مديرش عليها وليدي .. مازالها صغيرة
امال من بعيد : سمعتهم ... منيش صغيرة .. دكور
اكرم : اااه لا هذي شيرة مهيش نيشان ... غير في وجهك و كان نضتلها نكسرلها فمهاا نوريلها تعوج روحها هنا ... 
الام : معليش ولدي كمل فطورك و روح تخدم ..
[نسيت مقلتلكم والد الين و امال و اكرم راه في ايطاليا عندوا مشروع تما باش يزيد يطور شركتوا ... علابيها مبانش ...]
عند سيف ...
نضت صباح ربي ... فوتينق ... دوش خفيف ... لبسة قشي و هبطت تحت لقيت يما و بويا
سيف : صباح الخير
الوالدين : صباحواااا
سيف : وين راهي احلام ؟؟؟
احلام من بعيد : هني جيت .. شتوا متقدروش دقيقة تفوتوها بلابيا
سيف : ييياااه حق الخير ... ديجا شكون نتي باش انا منقدرش نصبر عليك ...
احلام : بنت امك ( و غمزتلواا😉)
سيف : 😒 ..
احلام بقات تهدر مع والديها سيف(بصفة تامة جو عائلي) ... في نفس الوقت كانوا يفطروا حتى ناد سيف ...
ام : واش ولدي ..
سيف : نروح منزيدش نتعطل
الاب : ااايه هذيك هيا يلاه ...
سيف : احلام نوصلوك في طريقنا ...
احلام : شتوا قتلكم ميقدرش يصبر عليا ههههخخ😂
سيف : اياااا طبقي حق الخير 😑
احلام : منعرت من يجي الخير معاك 😏
سيف : ايا بلعي فمك و لانجي نكسرهولك ...
الاب : سيف .. خلاص خلي ختك ...
احلام : شافة فيه شوفة نتع شح ( تعرفوها هذيك نتع كي طلعوا حواجبكم "شح" هههخخ😂)
الاب : شتك احلام ... نتي توصلي روحك للهدرا ....
احلام صرتها و كملت ماكلتها ...
عند سيف و الاب ...
خرجت من دار مغشش من احلام .... ركبنا لوطوا و جينا رايحين .... غير كنا خاجين من الدورة و نتقابلوا بطنوبيل كانت راكبة فيها شيرة ...
الاب : شكون اهوا جاي عدنا ...
سيف : تكون صحبة احلام ...
الاب : ااايه خليها تفوت ...
سيف : لا انا نفوت الاول ...
الاب:  يا ولدي نعل الشيطان خليها تفوت و هنينا ...
سيف : انا لي خرجت اللول هي لي تولي للور مشي انا ...
الاب شاندير مع واحد صامط كيفك ... و هبط عند الشيرة (الين لاراكم عاقلين 😉)
الاب : سمحيلنا بنتي مي ولدي قالك منبعدش نتي ابعدي
الين : معليش عمي ... ديجا تعطلت على صحبتي بزااف
الاب : اااه ... متقوليليش رايحة عند احلام ...
الين : اااايه 😨 ....كيتجيها ..
الاب : الاب نتاعهة و لي في اللوطوا خوها ...
الين هبطت من الطونوبيل احتراماا ليه 
الين :  الشرف يعود ليا ...انا الين صحبة بنتك ☺ ... و خمست معاه 🤝 ...
الأب : على اي حال سمحيلي بنتي ...
الين : لا متقولش هكا عمي نتا لي تسمحلي
الاب : الله يحفضك بنتي
الين : سمحلي عمي ... انا خصني نفوت على احلام ...باش نلحقوا في الوقت ...
الاب : واه بنتي تبقي على خير
دخلت الين للوطوا ... ولات مشاريار خلاتهم يروحوا و كملت عند احلام ..
سيف : وكان قتلي نجيبلك لاتاي
الاب : لا مسحقيتش ...
سيف : مالها هادي عامين باش تبعد ..
الاب : بالعقل عليها ...
سيف : لا هي عندها الوقت ... انا معنديش...
الاب : ماشاء الله عليها تربية و أخلاق حتى اسمها و شباب
سيف : زيد اسمها و قاع
الاب : سميتها الين ... جاي عليها هذا الاسم
سيف : تحب نخطبهالك عااادي
الاب : لا باغي مك طردني 😉
سيف : مزية فهمت 
كملوا طريق ساكتين حتى وصلوا للشركة كل واحد قضب طريقواا لبيروه ...
{هنا نقولكم اب سيف و احلام كول كيما بنتوا يحب يزعق مي غير سيف لي خرج عقليتوا باسلة و مشي نتع زعاقااا كامل ...}
عند الين و احلام ...
الين "طيط طيط طيييييط" عيطت لاحلام في تلفون ...
الين : وين راكي مقبيل و انا نزمر ...
احلام : اني نفطر
الين : ناس طلعت صاروخ و انتي مازال ترهجي ....
احلام : بسياس عليا ...
الين : يا تخفي يا نروح و نخليك
احلام : اني جاية .. زعم و كان منروحش معاك مكانش شوفار
اللين : بلعي و ديجا هدرت مع بوك
احلام و هي خارجة : وين تلاقيتيه
الين : فالدورة هادي
دخلت احلام للوطوا وهي تهدر في التلفون مع الين ...
احلام : شاقالك ..
الين :حكاتلهااا
احلام : عرفتها داك الهم مكبر علينا
الين : شكون هذا تاني ..
احلام : غير سكتي حبوبة نتاعي
الين : حبوبة؟؟؟🤨
احلام : خووويااا سيف 😒
الين : ااااوووه باين عليه سمي .. ربي يكون مع  المرأة لي يديها
احلام : ههههههخخ
اااايه صحا بب اني في الطريق ... نعاودلك من بعد رادار 👮‍♂️
احلام : اوكي ☺
حطت التلفون و دارت عند احلام ...
الين : راكي هنا ...  كيراكي عمري ...
احلام :  وي 🙂 ... لاباس حمد لله
الين : تساليني بوسة غير نوصلوا نعطيهالك
احلام : لي يسمع يقول راهي دايرتلك الضيق ..
الين : هههخخخ راكي تشوفي ...
احلام : شعلي علينا الغناء
الين : يياااه مندرك .. مشي ركي رايحة تقري ... en moin  خلي مخك خاوي باش يستوعب شوية
احلام : سكتينا و شعليه ...
المهم كملوا طريقهم غير تمهبيل و ضحك و زعاقا حالة و صاي ...
..... يتبع
********************************
باااارت الاول طويل فيه تقريبا غير الروتين و لقاء الين مع اب احلام
المهم كتبولي رأيكم فى البارت
متنسوش لايك و كومنت باش نكمل ...
❤حبككككوووم❤