هههااااي بنات 👋
اليوم جيتكم بكرونيك جديد بعنوان * صفقة عمل 🥰 غيرة حياتي ❤*
قصة هاذي الزاوجة تاعي و مشي كيما لخرين ... هذا الكرونيك فيه... صدفة ، كوميدية ، صفقة عمل ، غيرة ، حب ...
المهم غادي تقراوها .. نشاله تعجبكم 😊
نهدروا شوية على قصة ...
ه...
نهار جديد و احداث و مشوقة...يلاه نبداو👇 عند الين ... نادت صباح مقدراش مخي يوجع مزال منيش مستوعبة لي صرى معايا بين ليلة و نهار حياتي نقلبت من وقت مدخل فيها سيف .. الله ينعل نهار لي خدمت معاه و زدت عرفت عليه .. خطئ فيا عطيتوا وجه و كان خليتوا هكذا جامي يدنالي ... ندت من بلاصتي على زهري و ميموني رفدت تلفون لقيتوا غادي يطردق من ليزابال معرفتش شكون بسمو نميروا معنديش .. شوية و لحقني ميساج .. [وجدي روحك .. راني تحت نستناك] معرفتش شكون و معبليش رحت طليت من تاقة لقيتوا سيف يستنا ... تنهد و رحت جاوبتوا ... [منيش مليحة غير خطيني] جاوبها [راني جاي عندك صبري] قريت مساج وجهي صفار .. واش صح غادي يجي عندي ... غير درت تلاقيتوا راقد فوق سريري .. شهقت وحدي و رحتلوا حاولت نجبدوا من تريكوه باش يخرج مي هو تقول حجرة من بلاصتوا مبوشاش الين : نود ياهم نعل راصة نتاعك مداهاش فيا و زاد غمض عينيه ... الين :يا بغل نود .. نتا متفهمش وكان يجي كاش واحد يحسبوها حجا خلاف .. يا سيف نود مالك مخشن راسك يا .. مكملت هدرتي جبدني عندوا ظربة وحدة لقيت روحي تحتوا ... غير جيت ننطق و نسمع عسكر يططب ليلى : الين واش بيك بنتي علاه راكي توغي .. الين : اااه ماما .. درت شفت في سيف :شفت شادير وجه ميزيرية ليلى : جاوبيني الين .. واش صرالك ...غادي ندخل ... الين : لا ماما راني نبدل .. ليلى : وعلاه تواغ الين : غير هكا .. جاني حالي ليلى : مأمنتكش راني داخلة الين غم١ة عينيها و قالة : ياو راني عريانة .. قتلك راني نبدل ليلى : ااام صي فهمنا فضحتينا ... الين : اااوف .. سيف بعد عليا و خرج خليني نبدل سيف : ااام مقالوليش تعرفي تكذبي واو و بظا يصفقلها الين حطت يدها على فمه : الله ينعلك فضحتنا .. نود على راسا نتاعي سيف : اااوه صحى .. مي علاه قلتيلها راني عريانة و انا تشوفك نورمال لابسة .. الين حشمة و دورة راسها : باش تروح و درك خليني نبدل سيف بعد عليها : بدلي عادي ياك انا راجلك الين : طبق عليا درك و لا نخبطلك راسة نتاعك سيف : اني خارج الين : حقا مين دخلت نتا سيف اشرللها على تاقة : منا الين : واو معبليش نلي نتا بتمان .. سيف : هههه روحي بدلي و بركي من تبهديل الين : peef اوكي الين راحة للخزانة و جيدت شورت و تيشورت جات داخلة للدوش حتى نطق سيف سيف :وريلي شغادي تلبسي الين :هذا و راتلوا سيف : رجعي داك شور و لبسي سروال تشوا الين : بصح سيف : بدلي و لا نجي نخلطك
راحت بدلت صوالح و هي تخبط في رجليها كي دراري صغار ... و دخلت للدوش بلعت بابا على روحها .. خافة يطلع عاود و يدخل عليها ..
بعد دوش بظلت و دارت مكياج و هبطت ... الين 👇(نفس الوك)
Oops! This image does not follow our content guidelines. To continue publishing, please remove it or upload a different image.
