صفقة عمل 🤭غيرت حياتي ♥ *کاملة*

💕الحلقة اربعة و خمسين💕

نرجعوا عند احلام/الين/سيف ..
وجدت الفطور حطيتوا في طابلة عيطت لسيف باش يفطر و احلام خليتها تريح شوية .. غير كملنا الفطور غسلت دوك ماعين و طلعت للبيت فرزتها هي و صالون فوت عليهم و مسحت الغبرة بسكوا هذي شحال مجاش سيف هنا قبل مندزوجوا قالي ملي مجاش .. يجي غير كي يكون منارفي ..
سيف راح يهدر مع معارفوا على شركتوا جديدة و انا طلعت الفطور لاحلام .. كي دخلت عندها كانت خارجة من دوش .. تبسمت معاها و حطيتلها الفطور
احلام : الين ... سيف راه هنا ؟؟
الين :نو .. اذا تستحقيه نعيطلوا يجيك
احلام : لالا .. مي حبيت نشكيلك همي و نحكيلك لي معبلكش بيه و لي راه في قلبي خليني نخويه و نتهنا شوية ..
الين : ياك من بكري و حنا نحكوا لبعضياتنا
احلام : وعديني متقولي والوا سيف
الين :ياخاه كاش نهار قلتيلي عفسة و قلتها لكاش واحد
احلام : لالا مي هذي عفسة خلاف .. نخاف يعرف نحصلوا في مصايب
الين : متخافيش حبيبة فرغي قلبك
احلام حكاتلها كلشي هي عبالها ملي امير يحبها مي كي قاتلها كان حاب يغتاصبني خليها تتشوكا ..
الين حطت يدها غلى فمها : اااوووه ولد حرام كنت عارفتها و قتلك من بدية ياك قتلك مديريش عليه ..مزية لحق اكرم
احلام : وي
ااين : و درك وين راه
احلام : في حبس
الين : رح يحاكموه
احلام :اايه مي معلبش واش لازم ندير بسكوا انا ضحية ولازم نشهد و خايفة سيف يعرف
ااين : متخفيش هذي حلها عليا 😎
احلام : مرسي الين و الله و كان مش انت و الله منعرف واش ممكن صرى ..
الين : هيا حنونة كولي درك شوية و من بعد نحكوا ..
احلام : اوك 😊

الين خرجة من البيت و احلام كلات و خبطت للكوزينة غسلت دوك الحوايج  خرجوا للجاردان ..
بقاو يقصروا الين كانت تحاول ديفولي على احلام غير باش تنسيها شوية على واش فاتت ..

عند صوفيا 😡 ...
خرجت من كوميساريا و انا مدمرة و هدرت عثمان دور في مخي .. ركبت طونوبيل كي وصلت للدار و يا دوب مرحتش لقيت البوليس تما ...

(كامل حابين تعرفوا واش صرى تبعوا دك تفهموا ...)

صوفيا : واش كاين واش راكم ديروا
شرطي : مدام صوفيا ***
صوفيا : انعم انا هي
شرطي : تم حجز على كامل املاكم ..
صوفيا : كيفاش هذي حجز على املاك ؟؟ ..
شرطي : كيما سمعتي مدام ..
صوفيا : يعمي كلشي راح ...
شرطي : وي مدام . فنادق.. شركات .. سيارات ... دار كلشي مكتوب على عثمان .. باقي غير شركة وحدو مسمية على سيف لي منقدروش نحجزوها بسكوا حقوااا ..
صوفيا : الله ينعلوا دخل لحياتي خربها كيفوا كي امه
شرطي : واش قلتي مدام مسمعتمش
صوفيا : ااااههه والوااا
شرطي : تفضلي وقعي هنا
صوفيا : علا واش
شرطي : عقد باش يخرجوا صوالح لي في دار
صوفيا : كيفاش تخرجوا صوالح
شرطي : بما انوا شريتوا صوالح كامل بالدراهم 
شركة و خسرتوهم كلشي يخرج منا و دار تتصفا و تنحط في سوق للبيع ..
صوفيا :ياربي هكذا جازيتني واش درت انا هات نتا نسيني ..
صوفيا سينيات و طلعت تلم صوالحها و صوالح راجلها ..

بعد 2 سوايع ...
دار خوات و خرجوها منها و حجزوا على كل دوروا كانوا يملكوه ...
صوفيا ياربي واش ندير انا وين نروح يا ربي
شوية و دجي صحافة زدمت عليها مطلقوهاش حتى طلعت بوس
مرأة : ييياه شوفي شكون مش هذي مرأة مدير اعمال معروف
مرأة زاوجة : واه شتي ... سمعتي بواش صرى
مرأة ثالثة : واه عائلة مبنية على غش و كذوب الله يفض و يستر ..
صوفيا : غلقوا عليا فامكم و خرحوا منا منزيدش نش ف كماميركم هنا
مرأة الاولى : ماشاء الله.. هاي درك راكي كيفنا مكانش دراهم بح و هنا نبقوا
مرأة 2 : وكان جيت في بلاصتك و كان مي قتلت روحي مش كيفك نتي مبقالك والوا و مزالك تتكبري
مرأة 3 : خلونا منها خذوة هكذا دايرين
مرأة 1 : ااايه يلاه البنات وصلنا
مرأة 2 : هاي نتلاقوا مرة جاي في بيس هههه 😉
خرجت و خلاتها تغلي و بيس كامل يضحك خخ
وصلت للبحر دجرجر في صوالحها معارفاش وين تروحي في دقيقة جاها سيف بين عينها ركبت طاكسي هذي مرة و راحة لداروااا ...

..... يتبع
********************************
هذا البارت كتبتوا باش عير نوفي بالوعد نتاعي اني نحط واحد ..
يعني مكنتش موجدة افكار بززاف ..
هذا اقصر بارت في كرو خخخخ 😂
هيا غدوة نخلفهولكم دك نروح نرقد غدوة عندي نهار طويل ...
اسكوا رح يستقبلها سيف و احلام واش رح دير ..
واش رايكم في البارت شباب و لا نو...
فوت باش نكمل

بون نوي 😴

      🥰🥰ححححببببككككوووم 🥰🥰