هههاي 👋
مزاني عيانة مي حطيت بارت مهم توحشتوني🥺 ؟؟؟
قبل منبدا البنات لي يحبني نكمل هذي كرو يروح يدعم كتاب الجديد لدعم قصص لازم نطلع مشاهدة باش نجبد نظر ناس و نقدر نحط دي كرونيك جدود .. مشي غير تقروا و تروحوا لالا ادعموني .. و الله منيش قادة نحكم كاس من تعب ....
هيا فرحونوا و دعموني في هذا الكتاب كي نلقا دعم كافي نكمل هذا الكرونيك ...
و هذا راح يكون آآخر بارت نكتبوا هنا حتا كي نلقا دعم كافي نبدا نحط دي بارتي 😤
☆☆☆☆☆☆☆☆☆☆☆☆☆☆☆☆
نهار جديد على ابطالنا و احداث جديدة يلاه نبدوا ....
كيما قلنا سيف بات في بيت وحدوا و الين في بيتها ... هههه 😂
ناد صباح خرج دار سبور و رجع هي كانت خارجة من بيت لي رقد فيها و وجها ميسفرش غير شافتوا قايساتوا بالبليغة 👡
الين : الله ينعل الراسة نتاعك ... حسبتك رحت و مراحش ترجع قاع هكذا راني نخوف
سيف : واش متحكلتيش فراقي 😏
الين : انا لالا غير هكذا يعني مش عفسة بيزار
سيف : زعما
الين : بعد عليا هليني نرجع للبيت
سيف : هيليه روحي
هي دخلت للبيت و هو راح يدوش دهل عندها ملف غير سربيتة على خصروا و هي كانت تهدر مع احلام
الين زعما راهي تهدر 😉 : واه اوك حنونة .. مالا دك نجي عندك ..
عليها و دخل سيف :
الين : قارعي احلام دقيقة
واش جابك هنا هيا طير للبيت
سيف : لامنسيتيش عذي بيتي و داري و قشي هنا راه
الين : اااام اوك اوك دي وا ش تلبس و خرج
سيف : لالا هنا راح نلبس
الين : هنا لالا روح لهيك خير من هنا 😱
سيف : ههههه اوك خلاص متخفيش مراح نديرلك والوا
الين : منخافش منك انا 😏
سيف : اوك ..
جبد صوالح و جا ينحي سربيتا دار ملقاهاش تبسم و كمل يلبس ...
نرجعوا عند الين لي غير شافتوا حاب ينحي قطعت على احلام و دخلت للدوش غلقت الباب كي سمعاتوا خرج خرجت و بلعت باب بيت و راحت للدوش ..
لبسة قشها و شيحة شعرها مليح مليح ... و خرجة ..
دارت قهوة لروحها و هو يشوف فيها
سيف : وين راه الفطور
الين : هاهاي ضحكتني .. دبر على روحك
شربت قهوتها حطتها و شافت فيه
الين : تشاو ني رايحة عند أحلام
خلاته هكذا دات صاكها و راحت لدار احلام
(متنسوش ملي غير حداها)
طبطبة حلت عليها صوفيا : اااوه واش بيه وجهك
الين : خليني ندخل و دك نحكيلك واش صرى
احلام جات هابطة من دروج و تهدر مع اكرم في تلفون خخخ
احلام : ههههه الين ماله وجهك راح كي حبة بغرير خخخخ 😂
الين : نانانا خلاص ضحك بزاف 😒
قطعت احلام على اكرم و راحت ليها و قاتلها حكيلي حكاتلهم كلشي مي مقاتلهمش سلم عليا و داك شيئ غير على بيتزا و كي راحوا للطبيب كي رجعوا ..
صوفيا كانت تضحك و احلام مقادراش تشد
احلام : ههههه صبري صبري واش صرى علاه قطعتي في وجهي كي كنت نحكي معاك
الين وجها تلون من حشمة معرفتش واش راح تقول .. صوفيا فهمتها الور بدلت موضوع
صوفيا : احلام و الين رتح تروحوا مع اكرم تستفوا هذوا صوالح .. وانا دك نستنا هذاك لي يزوق و يشوف قياسات وواش يجيب معاه ....
الين : اوك خلاص .. احلام وجدي روحك .. وانا دك نهعاون صوفيا فس فطور اني ميتة بالجوع ..
احلام : مفطرتيش
الين : لالا محبيتش نفطر عقابا لسيف
احلام : هههه مسكين
الين : 😌😌احلام طلعت توجد روحها و الين عاونك صوفيا ... وجدوا رواحهم .. الين عطات مفاتح نتع دار لصوفيا بسكوا راح يديروا حنا في دار سيف كبيرة هف نتاعهم و فيها جاردان ...
خرجة الين و احلام راحوا لدار اكؤم جديد حلت احلام باب و ين غير فتحت جبدها اكرم و سلم عليها و حضنها
احلام : اكرم ش*قاطعها*
اكرم : اليوم راح تكوني معايا توحشتك
احلام : اكرم
اكرم : ياعمري كي اسمي يجي شباب على لسانك و سلم عليها
و هذا قاع تحت انضار الين لي امرم نكانش شايفها كي بعد على احلام لقاها نقابلاتوا و نربعة يديها
الين : اذا كملتوا خلوني نفوت و ندهل صوالح
اكرم : ياه الين هذي نتي و حك راسو خخخ
الين : لالا حيط
اكرم : اوووه واش بيه وجهك
الين : تحسست ثلاث ايام و يروح
اكرم: أوك
الين : كي خليتهم في دار يما و بابا و امال كي راهم
اكرم : عادي راهم نع تجهيزات
الي : اااوه عطلنا اليوم صوفيا تعلقنا هيا دخلوا معايا صوالح
دخلوا صواح مع بعص .. الين و احلام شعلوا الغناء و بقا يخموا ... و يستفوا
احلام كانت في صالون تفرش صةالح لي شراهم اكرم
و الين تستف ماعين في كوزينة كي كملت كوزينة دخلواولبيت ضياف خملتها و ستفتها و احلام طلعت تسقم بيتها جديدة ..كملوا مع وحدة نتع عشية بقالهم غير تسياق ..
كومونداو سندويتشات و كلاو ريحوا شوية و رجعوا يكلوا شغلهم ..نرجعوا عند سيف ..
لي راحت الين خلاتلوا vu .. دار تارتين و خرج من دار قابلاتوا صوفيا سلم عليها و راح للخدمة
اما صوفيا لي د بقات تستنا لي يزوق كي جا تنافشت معاه واش لازم وواش مالازمش ..
من بعد وجدت غدا خفيف حطات تاكلوا و خلات شوية لالين و سيف و رحعت لدارها فرزتها و بقات تةجد في صوالح حنة لي تديهم لدار سيف ..
(كلشي تشوفوه في بارت لحنة .. )
كي كملت فرزت صوالح و عيطت للبنات سقسلتهم وين راهم حابسين في خدمة غيرىكملت هدرة خرجة تشري حوايح لدارها كانوا خاصينها ...كي كملوا الينو احلام خدمة و تسياق ريحوا شوية و خرجةا من دار خلاو اكرم مع صانع و هما راحوا لدار احلام رتحت بدارهم و الين رجعت للدار وين لقات صوفيا موجدة ماكلة بدلت قشها و فرغت بيتهم من كامل صوالح سيف خخخخ هذا عير على جال كي ضحك على وجها و عابالها ملي اذا سمحتلوا راح يبقا يتبهلل و يضحك عليها ..
تعشات و خلات شوية لسيف و راحت ارقد متنسوش انها غلقت الباب ..سيف كي خرج من خدمة راح للدار كي دخل لقا ماكلة هجم عليها كلا حتى شبع جا داخل لبيتوا زعما ياكل لقاها معلقة ورقة و كاتية فيها
{راك محروم من النوم هنا طير للبيت الاخرى راح تلقا قشك تما}
ىجع دار علياو دخل لبيتوا لقا كانل صوالحوا قشوا بارفانوا شومبوان ..
بيتوا نقلتها كامل هنايا ضحك بجنب دخل للبيتوا و رقد ..
.... يتبع
********************************
هاي بارت جديد اعطوني رايكم فيه
بارت جاي رح يكون تسريع خفيف للحنة باش نكملوا لالخف الكرونيك مبقيش بزاف عرس نتع احلام و كلشي يخلاص ...
فوت باش نكمل ..
ادعمزني في كتاب الجديد بليز🥺
![](https://img.wattpad.com/cover/225615067-288-k111664.jpg)
YOU ARE READING
صفقة عمل 🤭غيرت حياتي ♥ *کاملة*
Short Storyهههااااي بنات 👋 اليوم جيتكم بكرونيك جديد بعنوان * صفقة عمل 🥰 غيرة حياتي ❤* قصة هاذي الزاوجة تاعي و مشي كيما لخرين ... هذا الكرونيك فيه... صدفة ، كوميدية ، صفقة عمل ، غيرة ، حب ... المهم غادي تقراوها .. نشاله تعجبكم 😊 نهدروا شوية على قصة ... ه...