صفقة عمل 🤭غيرت حياتي ♥ *کاملة*

💕الحلقة ستة و عشرون 💕

معرفتش واش ندير و العرض على سيمانة و على حساب واش فهمت الين كانت جايبة معاها ربح كبير و انا بعدتوا عييت نعصر في مخي ملقيت ولا حل حتا سمعت بابا يعيط ملهيك و في ميزكم واش هو حل ...
بابا بلعياط : طلب منها سماح و رجعها تخدم هنا ولا .. (مخلاهش يكمل هدرتوا )
سيف : واش راك تحكي عبالي ملي جامي قلت لطفلة سمحيلي و دير في مخك انا جامي نطلب منها السماح .. هذا واش بقا ...
عثمان : اذا معجبكش الحل دبرلنا واحد لانوا هذا البروجي يربحنا بزاف و اذا جا وراحت عند بوها كملت علينا بسكوا قادرين هما يربحوا نصف ارباح البروجي و حنا نكونوا غير مساعدين و فتالي ندو ربع منوا .. خمم في كلامي مليح ..
سيف : غير هذي لي متصراش .. وانا وين نهدر معاها درك ..
عثمان : دك نهدر معاها باش نتلاقا معاها و نتا دبر واش تقوللها ..
سيف : اااوف .. وقت مصايب درك .. وانا كيفاش نقنعها ..
عثمان : اذا كنت مجرحتهاش بالهدرة تقدر تولي باسكةا نتا ولدي و نعرفك مليح ..
سيف : اااوف .. دكور هيا زرب عيطلها ..
عثمان : دكور ..
هنا سيف في وقت لي عثمان كان يهدر مع الين هو كان يخمم في كان هدرة يقولها ..
سيف : واش قاتلك ..
عثمان : راهم في كانةا في وحد الجردان  شوية هكذا خرجوا منوا قتلها توصل احلام للدار و دجي للشركة ...
سيف : و قبلة ؟؟؟
عثمان : عبالي متردنيش في هدرة ..
سيف : دكور ...
عثمان : غادي دجي معايا للبيرو و انا نكون تما و نحضر على كلش كاش متهلط في هدرة اوموان انا نكون تما باش نسقم ..
سيف : peef دكور (سيف كان حاب يهدر معاها وحدوا مي عثمان مخلاهش بسكةا عبالوا غادي يزيد يعقدها كثر) ...
راحوا للبيروا و بقاو يتناقشوا على بروبلام حتى دخلت عليهم الين ..

عند احلام ...
خرجما من بجاردان و انا ميتة من سعادة معبايش علاش مي حسيت روحي قادرة نجلب حب حياتي ..
وانا نخمم قاطعني تلفون الين .. هدرة من بعد قاتلي ملي بابا هو متصل و يستحقني .. غير قاتلي هكذا فهمت ملي خابين يرجعوها .. مي مبينتش .. حطتني فالدار .. دخلت ديراكت للبيت درت ماسك و دوشت .. بدلت قشي و بقيت نخمم في هدرة اكرم و الين و نتسائل واش صرى باش وصلوا لهذاك الحد و نفاصلوا منبعد معقلتش واش صرى غير شفت يما دور يديها على شعري و تتبسم ..
احلام بصوت رقاد : ماما.. شخال ساعة ؟؟
صوفيا : يا بنتي راهي 19:46 ..
احلام نادت : حي عليا .. قيساش رقدت
صوفيا : بلاك مع ستة نتع عشيا .. نودي غسلي وجهك و رواحي تتعشي كامل راهم تحت ..
ندت من بلاصتي غسلت وجهي .. هبطت تحت معبرتش كامل سيف .. كليت و طلعت للبيت بقيت نكونيكتي حتى رقدت  ....

عند اكرم ..
غير كملت هدرتي تلاقيت ريم مقابلتني عرفتها لحقتني .. كملت طريقي و رحت للشركة ديراكت .. خدمة شوية حتى دخلت عندي ريم
ريم :اكرم مالك قسحت قلبك اتجاهي . مكاش فاهم نيشان لي ش... (قاطعها)
اكرم :لي شفتوا بعيني . بينلي كلشي .. و بينلي حقيقتك ...
ريم : اكرم سمعني و لو دقيقة ...
اكرم معبرهاش و راح يهدر في تلفون و هي تتوسل باش يهدر معاها ..
سكريتار : موسيوا اكرم عيطتلي ...
اكرم : وي .. عيطي على منضفة تنقيلي بيروا راه دخلولو الخماج و الوسخ (و شاف في ريم)
سكريتار : دكور موسيوا هي الاولى ..
اكرم :بالمناسبة .. خويلي بيروا نتع هذي (واشر لريم) و خرجي كامل واش فيه و بدليه بالبيروا جديد و لي قلعتيه كامل طلعيه الفوق و هي خليها تصنفه كيما تحب .. متنسيش تعيطي على منضفة .. عندي اجتماع كي نولي تلقا حال تشعل و ريحت الجافيل دايرة حالة .. و نتي طيري من قدامي و منزيدش نشوفم فهاذا الاتاج خدمتك الفوق...
ريم هزت براسها و عينيها نعمرين دموع غير خرج و بدات تبكي
سكريتار باستهزاء : شوفي سمعتي واش قال طيري منا زدتيلنا الوسخ ...
ريم شافت فيها و خرجت من بيروا راحت لبيروها ديراكت رفدت صاكها و خرجت من شركة ....
نكملوا عند اكرم لي كات غشوا مبير و خس بالدنب لانوا زاد معاها في هدرة و جرحها بزاف مي منبعد قال هذا هو الحل لي لازم ..راح ديراكت عند بوه تفاهموا على اجتماع غير جا وقت .. راحوا لغرفة الاجتماع ...