صفقة عمل 🤭غيرت حياتي ♥ *کاملة*

💕الحلقة الستون 💕

نهار جديد و احداث جديدة و جريئة 😈

نادت الين قبل سيف كان معنقها بطريقة متنوصفش كامل ..
بعد راسها من عنقوا و بقات ساهية فيه و تخمامها لبعيد اسكوا هو تاني يحبها ولالا راح يشاركها مشاعرها ولا راح يرميها و كي يكمل عقد خلاص و كل واحد يروح لطريقوا .. فكرة انها تبعد عليه مدخلتش راسها .. محاباش تكون طفلة اخرى في حياتوا و لا تاخدوا بعدها .. حابة تكون اولى و اخيرة .. حبها ليه كبير بزاف .. صار هواها متقدرش تكمل بلا بيه خلاص هو كلشي بالنسبة ليه .. باقي شهر على عقدهم و يخلاص .. هبطتلها دمعة في اخر فكرة جاتها 😥 .. مسحتها و تلفت عليه باستوا غي خدوا و نادت من بلاصتها .. دخلت للدوش غسلت وجها و رجعت عندوا .. باستوا في خدوا و خرجة . دخلت للبيتها غير بسياس دات قشها دوشت .. و لفت شعرها بفوطة و هبطت تحت ...
دخلت للكوزينة و بدات دير فطور صباح .. كي كانت تحط طابلة دخل عندها سيف كان خلاص دوش ..
الين : صباح خير كي صبحت
سيف : حمد لله و انتي
الين : لاباس
سيف : نتي درتي فطور
هزتلوا براسها : ااايه انا
جمع في كرسي و هي جمعت حداه قرباها و طبعلها بوسة على خدها .. من بعد عليه غير بداو يفطروا دخلوا بقيت الفامي لي بقاو معاهم و معاهم احلام
الين : كي صبحتي احلام ...
احلام : شوية عيانة من سهرة بارح
الين : يلزم .. مدة و تفوت
احلام : وي معاك حق
الين : سيف حتبة نطلع نشم هواء
سيف : اوك انا دك نحطك و نروح نشوف شركة عندي هذي سيمانة مخدمتش بمخي مع ضغط نتع عرس و حنة
الين : اوك .. انت نود نوجد روحي ..
طلعت الين توجد روحها و سيف خرج يحمي طونوبيل .. غير وجدت روحها ظات صاكها حطت صوالح لي تستحقهم و هبطت ودعتهم و خرجت عندوا ركبوا في طونوبيل و راحوا مع بعض .. حطخا في بحر و هو كمل للشركة ..
جمعت فوق كرسي بقات ساهية في بحر و تخمم في مستقبلها كيفاش راح يكون اما تكمل معاها حتى موت ولا يطيشها في نصف طريق في ديك دقيقة حست بيد نحطت على كتفها ...

من جيهة اخرى ..
جالسة في صالون كلشي مقلوب غشها خرجاتوا في هذاك صالون ..
راحت للمراية تشوف حالتها كي ولات من بعد ما سمعت انوا خلاصة حكايتها و هو على شهر عرسوا .. فكرة هذي مدخلتش في مخها .. تانيب الضمير كلاها واش دارت فيهم باش تبعدهم على بعض وقت حطت منوم في العصير لي مدوهولها سارفوز و كي خططت لاختصابها غير باش تبعدوا عليها اما ظهر انوا حبهم كبير و ميتحطمش ..
كل خططها لي خططتهم مع امير كانوا في باطل .. وسخت اسمها .. مشاكل بداو من وقت ما ولات تطردوا من حياتها .. وقت لي باست امير حياتها نقلبت .. كلشي راح لازمني حتى انا نروح من هذي حياة .. واش مزالني نستنا خسرت يما و بابا و درك اكرم ..
وبقات تحكي : ريم ماتت كي طاحت في دوامة حب .. انا حبيتوا و بعدتوا عليا على جال مصلاحتوا انا نكرة كلشي راح بوليس تحوس عليا واش مزالني مخبية هربة و منقدرش نهرب خارج البلاد كلشي راح ..
حكمت كاس و خبطاتوا على زداج كلشي طاح تهرس .. يدها تلونت بالدمومات هبطت على رجلها تدرب في صدرها و تبكي بقهرة على حالتها لي راحت خلاص مبقاش كلشي راح من بين يديها .. كانت قادرة تصلح مي هي زادت خصرت و عمقت الجرح اكثر ...
لمت روحها كي خلاص مقدرتش و راحت للبيت حكمت كاس شراب و و بقات تتكيف و تبكي بقهر ..
ريم من بعد واش صرى حالتها سائة ولات مدمنة على مخدرات كلشي ضاع من يدها ..
خلاصة قصتها هو دارلعا نقطة و هي فاصلة و مدارتهاش 🥺😭