معبليش شحال من يوم محطيتش ااايه يومين و الله بزاف توحشتكم غراف .. ايا وكان تعرفوا كيفاش فليكسيت تضحكوا
كرهتلوا حياتوا مسكين يفطر بابا فليكيسي و يتعشا بيها و ينود بيها و كي نختم هدرتي و نبداها بيها خخخخ خرجتوا من رحمت ربي حتى ستسلم و فليكسالي 😌😏
شتوا شاندير هذي غير على جال كرو و مسلسل خخخخخ ..
علالكم ملي دخلت في حرب سميتها حرب الباردة بين الاب و الابنة .. هبلتوا حتى مبقالوش عقل .. وفي حقيقة غير انا لي نقدر نقنعوا على حاجة لي نحبها علابيها ننجح في هذا امور خخخخخ بسكوا نعرف نقطة ضعفوا ايا بيناتنا نقولوا : تخيل منقدرش نود صباح تلقاني ميتة من بعد يأنبك ضميرك و تقول مسكينة ماتت و خليتهالها في خطرها . خخخخ ايا تبالي تلعبلوا على مورال غدوة نلقا واش حابة 😇 نقولكم من درك عرفوا نقطة ضعفهم لي تخليكم تحصلوا على صوالحكم و بابا كلشي ولا عائلتوا ميحبش عفسة تخصهم 😌..
غير انا لي عبالي بيها و نعرف كي نخدم
بيها😎مش كيما خواتي يبقوا بالعوام باش يفليكسوا ولا يدوروا عفسة خخخخخ كوني قافزة حبيبتي
نيهاهاها😈.. و الله توحشتكم و توحشت تعليقاتكم 🥰.....
و درك نخليكم مع حكاية طولت عليكم مشي ؟؟؟؟ ....
☆☆☆☆☆☆☆☆☆☆☆☆☆☆☆☆
كيما راكم عارفين كاين بزاف عفايس صراو ..
وقت لي رجعت احلام للدار دنيا مش ساعيتها .. حكات لاين كلشي و هي لي وقفت معاها باش تقول لباباها .. طبعا اب نتاعها كان عبالوا مي دار روحوا معبلوش ..
حاليا احلام و الين راهم يوجدوا للخطبة ..
اما اكرم لي راهو مقلق باش يجي عرس و تولي معاه ...
(هنا نوضحلكم نقطة باسكوا افكار تخربطوا .. خطبة قدمتها على عرس مراظ و بيلسان معنى انوا خطبة احلام و اكرم من بعد عرس كوبل آخر ...
نقولكم عفسة كاين زوج شكل رح يصرى في عرس و بزاف اسرار رح ينفضحوا من بينهم سر عثمان ... اما من جيهة تانية رح تكون تقوية علاقة الين و سيف .. يعني كاين احداث مشوقة مين دخلت مراظ و بيلسان للقصة مش على باكل عندهم دور 😈 شببببااااب داير كي باب 😂)
تسريع احداث*اسبوعين تقريبا*⏸
طبعا هذوك اليامات فاتوا غير توجاد للخطبة و جهاز و اليوم نهار خطبة اكرم و احلام ..
نادت صباح احلام على تواغ الين ...
الين : عروستنا نودي اليوم خطبتك ..
احلام : اااام الين خليني نرقد
الين : اوك دك نقوللهم عروستنا بطلة و فضلة الرقاد على حبيبها لي من صغرها👋
احلام : لالالالا منيتك شحال من عام وانا نستنا مت و حييت باش وصلتلوا
الين : مالا طيري للدوش دوشب و لبسي و هبطي تحت ترهجي و نظربوا طريق للحفافة
احلام : اوك 😊
نادت احلام من بلاصتها دارت دوش و عليك الكلام من بعد لبسة قشها و هبطت تحت كلاو هي و امها و الين سيف كان راح يشري صوالح لي يزوقوا بيهم ...
غير كملوا الفطور راحوا ديراكت للحفافة ..
الين : سلام عليكم
حفافة : مرحبا بيكم في صالون تفضلوا
الين : يزيظ فضلك
احلام : سمحيلي طولنا على رونديفوا نتاعنا
حفافة : معليش مدام مكانش مشكل
احلام : اااوك فرحتيني
الين : سيلتوبلي طيلي مونا نتعكم نشوفوا واش نديروا
حفافة : اوك تفضلوا
الين : بون هذي عروسة ديريلها مكايج خطبة مي متكثريش .. و انا ديريلي عفسة خفيفة مكياج و بديلي شعري
حفافة : اوك شكون لي نبدى بيها
الين : بدي باحلام من بعد انا
حفافة : تفضلي مدام احلام
المهم ديك الكوافيز دارت واش قالولها وواش خيروا ... (من بعد تعرفوا واش داروا 😌)
خرجوا توب يفتقوا من زين .. خرجوا بعد ماخلصوها و كملوا للدار .. الين طلعت لبيتها جابة صوالحها و داتهم ابيت احلام باش يتعاونوا و يكملوا بلخف ..
YOU ARE READING
صفقة عمل 🤭غيرت حياتي ♥ *کاملة*
Short Storyهههااااي بنات 👋 اليوم جيتكم بكرونيك جديد بعنوان * صفقة عمل 🥰 غيرة حياتي ❤* قصة هاذي الزاوجة تاعي و مشي كيما لخرين ... هذا الكرونيك فيه... صدفة ، كوميدية ، صفقة عمل ، غيرة ، حب ... المهم غادي تقراوها .. نشاله تعجبكم 😊 نهدروا شوية على قصة ... ه...
