I Love You As High As Airplanes Fly - The Remake

chapter 5

CHAPTER 5

Okay Eve.. jangan kau nervous, gila!

“Hi Branden… Eve ni.. kau cari saya ka ni?” Soalan bonus lah saya sana!!

Jadi siapa dia cari? Daddy? Dia mau minta sudah your hand in marriage? Talingung oh saya!

Cutenya suara si Branden di fon..ouchhhh my heart!!

“Apa kau buat? Kau sudah makan?” Branden tanya…

“tiada lah juga.. ngam-ngam saya mau turun bikin nescafe kau call..” saya bilang.. ”sudah bah saya makan.. pukul berapa sudah ni kau rasa?” Pukul 9 malam sudah ging.. hahahaha

“Awww.. lucky lah saya ni… Ada jodoh kali kita ni kan, Eve…” gete suara Branden on the other line…

“Hahahaha.. iya-iya lah tu, Branden…” terketawa saya…

“takut saya Daddy kau lagi yang sambut phone…” ya, Branden dalam hati saya, nasib si JJ sudah ajar kau macamana mau phone saya kan…

“Ya nasib kau lah ni kali.. dari mana you get my number?” pura-pura lagi saya sana…

“Eeeee kau ni Eve.. saya bah yang suruh JJ minta number phone kau..” ketawa Branden.. ”tidakkan kau lupa sudah?”

“Oh ya kan pula… mana lah bah saya ingat… lama sudah tu dari last week lagi..” so what took you 7 days long to call me Branden?

“Besok bah… “ ah, asyik-asyik Branden buat jantung saya dub dab dub dab ni tau.. tidak lama heart attack lah saya ni…

“Kenapa besok? Hari apa tu besok ah?” Ahahaha Eve! Kau pelakon drama wanita terbaik Malaysia buat seketika ini… kau membuat jantungku berdetak sangat laju, Branden Marc!

“Saturdate…” macam saya salah dengar ka ni? Kau tidak pandai English ka, Branden? Saturday bah bukan Saturdate….

“Apa kau buat besok?” Branden tanya saya… macam gentar suara dia.. “Kau turun CP ka sama kawan kau tu?” dia refuse to sebut nama Tintin…

“Tintin?” saya sengaja lagi tanya…

“Mmm itu lah tu..” hahaha… suram bah tu suara….

“Tiada dia bawa saya jalan… di rumah saja lah saya ni..”  Andu bah… did you actually sounded sad, Eve? She’s not even worth it!

Suddenly saya terasa macam ada orang bernafas di leher saya…. Terkejut saya ternampak muka Kak Ika yang sedang mendengar conversation saya dengan Branden…. Sikit terberlanggar muka kami… senyum-senyum si Kak Ika terdengar suara Branden…. Hahaha… busybody oh kau, Kak Ika…

“Saturdate lah kita…” Branden bilang… sedap pula suara dia… hahaha…

“Oooooo….” Saya terdengar ada suara-suara di sebalik tabir sebelah line si Branden…

dorang JJ lah tu kali… yang saya tau satu kampung atau taman dorang semua…. Sudahlah satu school, satu kampong or taman, keluar jalan pun selalu sama-sama… tidak boring ka dorang itu-itu saja muka dorang nampak hari-hari?

Lelaki syok bah kalaa berkawan… bukan macam perempuan.. titdak pandai berdengki especially kalua kawan rapat… BROMANCE, bro! hahahaha!

“Apa tu Saturdate? Belum saya pernah dengar…” saya ketuk lah bah kepala kau ni Branden.. tambah lagi kau buat saya confuse…

“Saturday Date bah.. Saturdate…” okay… saya faham sudah… saya bermimpi ka ni? Macam saya mau tampar bah buka saya, is this even real?

“Kita watch movie… kau mau?” Branden Tanya saya…