رواية ( عشق الصقر ) الجزئين .. سلسلة عذاب العاشقان

الفصل التاسع ( الجزء الثانى)

سامحونى لو الفصل دة مش متظبط فى السرد بس كنت تعبانة مقدرتش اظبطه كله واتأخر عليكم 😓

الفصل التاسع ..

#عشق_الصقر ٢
#سلسلة_عذاب_العاشقان
#بقلمى_شهد_طارق

شهد بصريخ : لا لا يا صقر .. لا عشان خاطرى ..
صقررررر ..

فاق صقر من نومه بفزع على صريخ شهد ..
وفهم انها فى كابوس ..

خدها فى حضنه بقوة وهمس فى ودنها : شهد حبيبتى انا جمبك أهدى أهدى ..

وبعد وقت نامت تانى ..
..............
استيقظت من نومها ووجدته بجانبها ونظرت له بحزن لا تعلم لماذا ...

اما هو ف شعر بحركتها ثم فتح اعينه ..

صقر بحنان : صباح الخير ..

شهد : قول مساء الخير ..

صقر : كدة يا شهد عايزة تفضلى لوحدك بعيد عنى بتعاقبينى يعنى ..

انزلت رأسها لاسفل وقالت بوجع : مكنتش قادرة ارفع عينى فى وش حد ..

صقر : وانا حد يا شهد مش انا حبيب روحك زى ما بتقولى ..
ليه يا شهد دايما بتدى لنفسك الاتهام الاول ليه اصلا بتحسبى نفسك متهمة ..
انا عارف انك اكيد زعلانة عشان الحرس ال ماتوا فى انفجار عربيتك بس مش انتى ال فجرتيها يعنى دة قدر و نصيبهم ..
انتى بريئة يا شهد من جواكى بس ممكن يجى وقت برائتك دى تموتك ..
انتى مفيش عليكى اى لوم أو ذنب اصلا ..
بطلى تحملى نفسك حاجات قدر من ربنا ..

زرفت الدموع من أعينها فهو قولا و فعلا حبيب روحها ..

مسح دموعها بأنامله ..

صقر : ايه رأيك انا حجزت فى الجونة نقضي مصيف لينا كلنا ..

شهد بفرحة : بجد ..

صقر : بجد يا روح صقر مش انتى كان نفسك تروحى الجونة ..

شهد بحماس : اه جدااا ..

صقر : وانا مقدرش اشوف عشقى نفسها تروح مكان و مخليهاش تروحه ..
هناخد اسبوع نريح فى اعصابنا خالص وننسي انك المخرجة شهد طارق وانى صقر المنياوى ..
احنا عاشقان رايحين يقضوا كام يوم فى الاحلام ..
ممكن ..

احتضنته بشدة قائلة بهمس : طبعا ممكن ..
_______________________________
فى الاستديو ..

فى مكتب فادى ..

فادى : ها كدة فهمتى ..

همس برقة : اه انت بتشرح كويس اوى ..

فادى بابتسامة : كله بفضل الريسة ..

همس : واضح انك بتحبها اوى ..

فادى بشرود  : شهد ربنا رزقنى بيها بجد .. انا ساعة ما قابلت شهد كنت وحيد مكنش ليا حد خالص .. جت هى اعتبرتنى اخوها الصغير رغم أنها كانت فى وقت الم و عذاب .. لكن دائما كانت بتساعدنى .. تعلمنى .. اى فرصة شغل أو تعليم تجرى عليا عشان تقولى .. هى ال كانت بتطمن عليا يوميا ولو غبت يوم و مكلمتهاش .. بيبقى نهار مش فايت ..
بجد انا بعتبرها اختى الكبيرة بمعنى الكلمة ..