رواية ( عشق الصقر ) الجزئين .. سلسلة عذاب العاشقان

الخاتمة 💜

وحشتوني اوي اوي قولت اكتب ليكم خاتمة إضافة ليكم 💜💜 يارب تعجبكم ..

#عشق_الصقر ٢
#سلسلة_عذاب_العاشقان
#بقلمى_شهد_طارق

يجلس بشرود في غرفته ينظر لضوء القمر ذهب بخياله إلى ذكريات لم ينساها قط ..

فلاش باااك ..

تقف وهي تنظر لعينيه بحب تربط له رابطة عنقه وهي يحدق بها بعشق يجعلها تخجل من حين لآخر همست له : فاكر فرحنا ؟ ..

حاوطها من خصرها هامسا لها : اقدر انسى احلى ليلة في عمري كله ثم غمزها بعبث : بقولك هو لازم نروح الفرح دة ..

ضربت يده التى على خصرها قائلة بصرامة مصتنعة : اتلم يا حبيبي وبعدين دة فرح فادي انت بتقول ايه ..

صاح بها بغيظ : خلاص يا ستي اسف يا ساتر يلا يا ختي يلا عشان منتأخرش على سي فادي .. وظل يدفعها بخفة دليلا على غيظه وهي تضحك كلما دفعها حتى خرجوا من الغرفة وضحك هو الآخر وضمها إليه وخرجوا من الفيلا واستقلوا سيارتهم المزينة بالورود و الاشكال الجميلة وخلفهم الحرس متجهين إلى منزل فادي ، ظلوا يتحدثون ويمرحون مع أنفسهم ، وجاسم يراقبهم من المرآة الأمامية متمني لهم دوام السعادة والعشق بينهم ف هو يعرف سيد عمله كيف يعشق زوجته ..

وبعد وقت وصلوا لمنزل فادي وصعدوا طارقين الباب وفتح لهم وهو على وجهه الامتعاض وقيمصه ليس مغلق بشكل صحيح و رابطة عنقه بإحدى يديه ، ضحكت شهد بشدة قائلة : نهار اسود دة منظر عريس اللي عمل فيك كدة ..

دلف للداخل دون أن يرد ف ذهبوا معه حتى دخلوا غرفته وجدوه متوتر بشكل مبالغ فقالت : ايه يا بني ايه كل التوتر دة .. قالتها وهي تقترب منه تحاول ربط رابطة عنقه ..

رد بتوتر : معرفش مالي دة أنا منمتش ساعتين على بعض و من الصبح متعصب ومش على بعضي ، ما انت اكيد كنت كدة يا صقر يوم فرحك ..

ردت عليه هي ناظرة إلى عشقها : تؤ تؤ انا حبيبي غير اي حد يا بني ، يوم الفرح دة بيبقى يوم توتر بس ممكن يبقى للعروسة لأنها داخلة حياة جديدة عمرها ما جربتها اصلا ، ومسؤولية و انسان هتعيش معاها على طول بعد ما كانت بتقابله ساعتين تلاتة في اليوم دة حتى لو بتقضي اليوم كله معاها في الاخر عي بتروح بيتها وهو بيروح بيته ، انا الراجل بيبقى بالعكس فرحان أن حبيبته هتبقى بين ايديه على طول خلاص انها هتبقى ملكه على اسمه بتاعته مش هيقدر ياخدها منه ، ممكن يبقى في شوية توتر من فرحة اليوم يعني ، القلب من الفرحة الزيادة بيدق اوي اوي ف بيترجم العقل أنه توتر رغم أنه فرحة زيادة باليوم ..

ابتسم كلاهما وبعدما انتهت من رابطة عنقه وجدتهم صامتين ينظرون لها فخجلت قائلة : ساكتين كدة ليه ..

تنهد بعشق قائلا : ومن امتى حد بيعرف يرد على كلامك ..

رد فادي عليه : عندك حق ..