رواية ( عشق الصقر ) الجزئين .. سلسلة عذاب العاشقان

الفصل 20 ( الجزء الثاني )

اولا بشكر كل فرد دخل يطمن عليا أو قالي الف سلامة بجد تسلموا 💜
ثانيا وحشتوني جدا جدا بعتذر ليكم عن التأخير أنا لسه ايدي وجعاني والله مش بتخف اصلا بس انتو وحشتوني ف كان لازم اكتب اقعد اكتب الفصل بعد كدة مفيش مواعيد معينة احنا خلاص قربنا نخلص اول ما اخلص كتابة الفصل هنزله على طول ..

انهاردة الفصل بعنوان ( الهُدنة ) 😂😂
مستنية رأيكم بقا ..

الفصل 20 ..

#عشق_الصقر ٢
#سلسلة_عذاب_العاشقان
#بقلمى_شهد_طارق

في مكان العاشقان ..

بعد أن جلسوا كثيرا أمام الزجاج الشفاف ، حملها بين يديه و خرجوا من باب اخر على البحر مثل الشرفة بسور خشبي وهناك وسادات قطنية مريحة اجلسها عليهم وجلس بجانبها وضمها إليه و ظلوا يشاهدون الغروب الرائع و المريح للأعصاب كل منهم كان يحتاج لهذا اليوم من مدة  طويلة للغاية ، شكرا صقر الله بداخله على الهامه لهذه الفكرة هو توقع أن تسعدها ولكن ليس لهذه الدرجة على الاطلاق ، ما اوجعه هو أنها مازالت صامتة ، نعم عبرت عن سعادتها ولكن ظلت صامتة ..

ولكن قطع صمتهم وتأملهم هاتف صقر نظر له والموصل ما كان الا ...

_ فادي .. نطقها صقر بنبرة عادية ، جعلت شهد تلتف له و عينيها بها الكثير من النظرات ، فتح الهاتف وقال : اذيك يا فادي ..

_ كويس الحمد لله ، شهد عاملة ايه ..

نظر لها قائلا : شهد كويسة الحمد لله ..

رد بحزن : يارب دايما تبقى كويسة ، صقر هي لسه مش بتتكلم ، طب مش عايزة تكلمني هي زعلانة مني ..

سحبت من يده الهاتف لانه صوته كان عالي فوصل لها فقالت بهدوء بالغ : وهي شهد عمرها زعلت منك يا فادي ..

فرح قلبه كثيرا ف منذ شهور لم يستمع لصوتها ولكن رجع الحزن اليه فقال : لسه فاكرة فادي يا شهد ..

قالت كلمة واحدة : اسفة ..

شعر بإنكسار في نبرتها فقال : اوعى تعتذري في يوم يا شهد انتي الكل يعتذرلك عن حاجات كتير لكن انتي لا ..

ردت بهدوء قائلة : ممكن تيجي بكرة انت و همس الفيلا انا عازمة الكل بكرة ..

ابتسم قائلا : حاضر هنيجي ..

اخذت نفس عميق قائلة : شكرا يا فادي ، سلام ..

أغلقت الهاتف ووضعته بجانبها و التفت بوجهها إليه ونظرت بعمق وعينيها تحمل اعتذار قائلة : انا اسفة اني أن قرار زي دة من غير ما اقولك بس ..

نظر لها بعشق واستغراب : انتِ بتعتذري وكمان لسه هتقولي مبررات ، دة بيتك يا شهد ملكك زي ما انا جسمي و روحي و قلبي و املاكي كلها ملكك ..

اكتفت بإبتسامة صغيرة زينت شفتيها و دفنت رأسها في عنقه وهي تحاول الالتفات بجسدها إليه وهو ساعدها حتى سمع همسها وهي تقول : اسفة .. متسألنيش اسفة ليه ، انت تستاهل الاعتذار على حاجات كتير اوي ، ممكن نروح ل بابا وحشني اوي ..