واخيرا خلصنا #عشق_الصقر الجزء التاني #سلسلة_عذاب_العاشقان
انا عن نفسي زعلانة انها خلاص كدة خلصت بس فرحانة اوي بردوا ، شوفت منكم احلى تعليقات واحلى كلام اتعرفت على ناس اكتر المهم من غير كلام كتير عايزة اقولكم ايه هدفي من #عشق_الصقر
هدفي منها حاجات كتير اوي هدفي ازاي نعيش ازاي تتخطى اي ازمة في حياتنا ، ازاي نحب و نعشق ونخلق اجمل قصة حب في الدنيا ، كنتوا بتقعدوا تقولولي حرام عليكي ليه بتعملي كدة في شهد انا مكنتش بعمل كدة بدافع العذاب لا كان بدافع اننا مهما نشوف في حياتنا نسميه اختبار من اختبارات ربنا لازم نعديها لازم نؤمن بيه ، نؤمن اننا هنعدي ، ربنا مش بيبتلي حد بإختبار هو مش قده مستحيل ، اه ممكن نطلع من الاختبارات ديه بكسرة قلب بحزن المهم أن هيبقى في خسارة بس اعرف انه ربنا هيعوضك ، نيجي بقا للعاشقان ، اتعلموا من كل واحد فيهم وشوفوا كان بيغلط في ايه و بيصلح ازاي غلطه ، شهد كانت بتواجهه مشاكلها بالبعد عن كل الناس وهي فاكرة أن دة الصح ، اكبر غلط انك تعدي اي محنة لوحدك اكبر غلط في الدنيا ديه كلها ، لازم تلاقي اللي هيكون جمبك ويخليك تعدي كل حاجة ، شهد كانت بتنهار وتنعزل بس بترجع اقوى ، مفيهاش حاجة لما نقع وناخد فترة ننعزل أو نزعل بس المهم اننا نرجع اقوى ..
ملحوظة صغيرة الجزء الاول انا مش بحبه لو اطول اعدله هعمل كدة في اقرب وقت ، اوعى تتمني حياة شهد في الاول اوعي تقبلي الإهانة و تحبي عادي ، ضرب صقر ليها كان في اول جزء من الحاجات الخيالية عشان تكمل الرواية لكن اوعي تتمنيها في الحقيقة مفيش بنت تتمنى كدة و الا متبقاش عندها كرامة أو دم انا بتكلم لو في الحقيقية ، أما في الجزء التاني بقا بعملك ازاي تختاري شريك حياتك ، وأتمنى أن يكون في رجالة بتقرأ ليا على الاقل يعرفوا ازاي يصنعوا حياة جميلة مع شريكة حياتهم 💜
الحياة مش وردية يا حلوين حياة ما الا أزمات و البقاء فيها الاقوى ، الحياة مش فلوس و عربيات و بيت بحر و يخت ديه رفهيات عشان تزين شكل الحب و العشق من برة المهم هو جواها ازاي ، شوفوا صقر كان مراية شهد ازاي كان بيفهمها اكتر من نفسها وهي بردوا كان لازم تكون فاهمة عشقها ، شوفوا كان بيخاف عليها ازاي ورغم كدة عمره ما غصبها أو وقف ادام حلمها ، شوفوا اتغير ازاي عشانها من يوم ما وعدها أنه عمره ما هيستخدم العنف تاني ،شوفوا ازاي كان شايف أن شهد بنته و أخته و مراته و حبيبته و عشقه ، وشهد ازاي كانت شايفها ابوها وأخوها و حبيبها و عشقها ..
هتقولوا يا شهد بس ديه كانت حياتها كلها فلوس و عربيات و .. و .. ودة مش هيحصل ..
_ ومين قالك انه عايزاها يحصل ديه مجرد متعة عشان ادمجك في الأحداث ، لكن اللي هتحبيه لو شافك زعلانة و جبلك وردة و لا باكو شيكولاتة عشان بس يشوف ابتسامتك يا احلى الدنيا و ما فيها ، لو فضل يزن و يرخم عليكي عشان تقوليله مالك فيكي ايه يبقى هو دة الحب ، لو فسحك في مكان بسيط لمجرد أنه يشوف فرحتك و ابتسامتك يا بختك 💜 لو خاف عليكي زي أخته و بنته وحبيبته يا سيدي على الجمال ، لما تكون ابتسامتك هي حياته يبقى هو دة الحب ، لما يفهمك من نظرة عنيكي ، لما يخوفه عايزين يبقى بجد مش تحكم لم يغير الوحش اللي فيه عشانك ، لم يخليكي تعملي اي ازمة طالما هو جمبك ، يبقى دة العشق يا بنات ، الحياة الوردية و الجميلة مش بالفلوس بس ، ياما ناس معاها فلوس الدنيا كلها و حياتهم باردة متتعش ..
نيجي بقا ل فادي يا بخت اللي يكون في حياتها زي فادي ، اخ و صاحب مفيش زيه حبه من غير مقابل و لا شروط لمجرد أنه وحيد بيقدم من غير ما ستنى مقابل تبقي مطمنة وانتي معاها ، اخ بمعني الكلمة اللي هيساندك في وقت ازمتك ، اللي لو غلط في حقك مش هيستنى كتير عشان يعتذرلك ، دة انقى حب في الدنيا لانه مش حب حبيب و حبيبة ولا حب مصلحة ولا اي حاجة ، فادي على فكرة ممكن يبقى في حياتك و موجود ، ممكن يبقى اخوكي فعلا ممكن يبقى ابن عمتك ابن خالتك ابن خالك هتلاقيه موجود في حياتك 💙
حياة شهد وشغلها ممكن تكون حقيقية كام واحد راح ضحية الدفاع عن الحق 💔 شهد كانت بتدافع عن الحق كانت عايزة تكشف فساد ف لازم كانت تتعرض لكدة ولولا انها رواية كانت ممكن تكون ضحية الحق ، وزي ما قولتها قبل كدة هدافع عن الحق يبقى خليك قوي و اتحمل عواقبه يا اما تنسحب خالص ، اي حاجة مرت بيها شهد كانت اختبار من ربنا ، واتمنى اننا كلنا ننجح في اختباراته ، اختبار الدنيا صعب اوي تنجح فيه بس مش مستحيل لأن دة نتيجته في الآخرة ..
واخر حاجة يوسف و مريم ، للاسف يوسف الطمع و شيطانه اتمكنوا منه و راح ضحية كدة لازم في اخر اي حكاية يبقى في خسارة وهو كان الخسارة ديه ، اما مريم ف شيطانك ممكن يتغلب عليك يبقى بالحقد و الكره الوهمي وانت اصلا بتحب الشخص دة بس فاقت و حياتها بقت احسن من الاول ودة درس ازاي لازم نفوق في الوقت المناسب قبل فوات الاوان !!
واخيرا يارب تكونوا استمعتوا بالرواية هتفضل اقرب رواية لقلبي كله واحلى رواية مهمها فيها من غلطات ، انا هضطر اوقف كتابة شوية لاني خلاص في ٣ ثانوي السنة اللي هتحدد مصير حياتي بعد كدة ، اخلص أن شاء الله وهرجع ليكم ب رواية اقوى و احلى 💪💪💜
هتوحشوني يا عشاق #عشق_الصقر 💙💙
أنت تقرأ
رواية ( عشق الصقر ) الجزئين .. سلسلة عذاب العاشقان
Romanceقست عليه الحياه ، فلم تجعله يذق طعماً للسعاده وهذا هو ماجعله صلب قاسي الطباع ، اما هي فنقيه كالمياه ، رقيقه تشبه الزهره و جميله كالفراشه .. يخافه الكل لانه لا يرحم احد ، وهي مع برائتها لديها جرئه تجعلها لا تترك حقها مهما كان الثمن .. التقي بها صدفه...
